تاريحي مادەني مۇرالاردى قورعاۋ جانە ودان پايدالانۋدى كۇشەيتۋ كەرەك

    مىڭ شيا (ءوز ءتىلشىمىز)

    وبلىستىق ساياسي كەڭەستىڭ مۇشەسى، قۇلجا قالالىق تۇرعىن ءۇي جانە قالا - اۋىل قۇرىلىسى مەكەمەسىنىڭ جوعارى دارەجەلى ينجەنەرى سۋ جۇن بىلاي دەدى: «تاريحي مادەني مۇرالاردى قورعاۋ جانە اشىپ پايدالانۋ قىزمەتىن جاقسى ىستەۋ، مادەنيەت - ساياحات كاسىبىنىڭ ىشكەرىلەي توعىسپالى دامۋىن جەبەۋ - ساياحات كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋدىڭ ماڭىزدى ءادىسى».

    سۋ جۇن بىلاي دەدى: قۇلجا قالاسىندا تاريحي قالا رايونىنىڭ جالپى اۋماعى ءبىر مىڭ 181.82 گەكتار، 4 تاريحي كوشە رايونىنىڭ جالپى اۋماعى 141.77 گەكتار، 23 ءار دارەجەلى مادەني مۇرالاردى قورعاۋ ورنى؛ 28 جىلجىمايتىن مادەني مۇرا ورنى؛ 107 ءتۇپ بايىرعى، ايگىلى اعاش بار؛ العاشقى قادامدا بەيزاتتىق مادەني مۇرالار تىزىمدىگى ورناتىلدى. قازىر قۇلجا قالاسى جوبانى نەگىز ەتۋدە تاباندى بولىپ، تاريحي ايگىلى قالانى زاڭ بويىنشا قورعادى؛ تۇتاس تۇلعالىق جاقتان قورعاپ، قالانىڭ بايىرعى قالپىن ساقتاۋدا تاباندى بولدى؛ دامۋ ناتيجەلەرىنەن ورتاق يگىلىكتەنۋدە تاباندى بولىپ، تۇرعىنداردىڭ كاسىپتەنىپ كىرىسىن ارتتىرۋىنا كومەكتەستى. بۇل شارالار قۇلجا قالاسىنىڭ مادەنيەت - ساياحات ىستەرىنىڭ توعىسپالى دامۋىن پارمەندى جەبەدى. الايدا ناتيجەلەردى كورۋمەن بىرگە، تاريحي مادەني مۇرالاردى قورعاۋ جانە ودان پايدالانۋ جاقتارىندا ءبىرقىدىرۋ ماسەلەنىڭ ورىن تەۋىپ وتىرعانىن دا سەرگەكتىكپەن كورە ءبىلۋىمىز كەرەك، مىسالى، تانىمنىڭ ايقىن بولماۋى، عىلمي ءارى ءونىمدى قورعاۋ مەحانيزمىنىڭ تاپشى بولۋى، كاسىپتىك دارىندىلار اۋىر دارەجەدە جەتكىلىكسىز بولۋ، تاريحي مادەني بايلىقتاردى اشۋ، رەتتەۋ قىزمەتىنىڭ ىشكەرىلەي جۇرگىزىلمەۋى، ت.ب. ول مىناداي ۇسىنىسىن ايتتى: بۇدان بىلاي تاربيەلەۋ تەبىنىن، ۇگىت تەبىنىن ارتتىرىپ، سايكەستىرىپ باسقارۋ مەحانيزمىن اقاۋسىزداندىرىپ جانە كەمەلدەندىرىپ، كوپ نەگىزدەنگەن قارجى قوسۋ ارناسىن قالىپتاستىرىپ، حالىق تۇرمىسىن جاقسارتۋمەن ورگانيكالى ۇشتاستىرۋ كەرەك.