ءتىلشىمىز شى شۋەحۇڭ حابارلايدى. 1 – ايدىڭ 10 – كۇنى اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ءماجىلىسى ءتوراعالار القاسىنىڭ 2 - رەتكى جيىنىن وتكىزدى.

    ءماجىلىس ءتوراعالار القاسىنىڭ تۇراقتى ءتوراعاسى ابدۇسالام سادىق جيىندى باسقاردى. تۇراقتى ءتوراعالارىنان چيۋ شۋحۋا، جاۋ تيانجيە، تۇڭ رۇيچيڭ، رازيا ابليز، تالعات ءتالىم ۇلى، جۇمان بارشابەك ۇلى، نۇرجان مامەت جيىنعا قاتىناستى.

    جيىندا ءماجىلىس حاتشىلار باسقارماسىنىڭ ۋاكىلدەردىڭ ۇكىمەت قىزمەتىنەن بايانداماسىن، جوسپار بايانداماسىن، مەجە ەسەپ بايانداماسىن، «14 - بەسجىلدىق» جوبا باعدارلاماسىن قاراۋ جاعدايى جونىندەگى دوكلادى تىڭدالدى؛ ءماجىلىستىڭ جوسپار - مەجە ەسەپتى تەكسەرۋ كوميسسياسىنىڭ اۆتونوميالى وبلىستىڭ حالىق شارۋاشىلىعى مەن قوعامدىق دامۋىنىڭ 14 – بەسجىلدىق جوباسى جانە 2035 – جىلعا دەيىنگى بولاشاقتىق نىسانا باعدارلاماسى (جوبا نۇسقا) جونىندەگى تەكسەرۋ دوكلادى، 2020 – جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 – جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارىن (جوبا نۇسقا) تەكسەرۋ جونىندەگى دوكلادى، 2020 – جىلعى اۆتونوميالى وبلىستىڭ مەجە ەسەبىنىڭ اتقارىلۋ جاعدايى مەن 2021 – جىلعى اۆتونوميالى وبلىستىڭ مەجە ەسەبى (جوبا نۇسقا) جونىندەگى تەكسەرۋ دوكلادى تىڭدالدى جانە قارالدى؛ ۇكىمەت قىزمەتىنەن بايانداما جونىندەگى قاۋلى (جوبا نۇسقا)، اۆتونوميالى وبلىستىڭ حالىق شارۋاشىلىعى مەن قوعامدىق دامۋىنىڭ 14 – بەسجىلدىق جوباسى جانە 2035 – جىلعا دەيىنگى بولاشاقتىق نىسانا باعدارلاماسى جونىندەگى قاۋلى (جوبا نۇسقا)، اۆتونوميالى وبلىستىڭ 2020 – جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 – جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارى جونىندەگى قاۋلى (جوبا نۇسقا)، 2020 – جىلعى اۆتونوميالى وبلىستىڭ قازىنا مەجە ەسەبىنىڭ اتقارىلۋ جاعدايى جانە 2021 – جىلعى قازىنا مەجە ەسەبى جونىندەگى قاۋلى (جوبا نۇسقا) داۋىسقا سالىنىپ، ءارقايسى ۋاكىلدەر ۇيىرمەلەرىنىڭ قاراۋىنا ۇسىنىلدى.

    جيىن بەينە ەكران فورماسىندا اشىلدى، قۇلجا قالاسىندا نەگىزگى جيىن الاڭى، تارباعاتاي، التاي ايماقتارىندا بولىمشە جيىن الاڭى ورنالاستىرىلدى.