باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭگو حالىق ساياسي كەڭەسى ىلە قازاق اۆتونوميالى وبلىستىق 13 –كەزەكتى كوميتەتى 5 – ءماجىلىسىنىڭ ساياسي قاۋلىسى
2021-01-11 11:42:18كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

    جۇڭگو حالىق ساياسي كەڭەسى ىلە قازاق اۆتونوميالى وبلىستىق 13 –كەزەكتى كوميتەتى 5 – ءماجىلىسىنىڭ ساياسي قاۋلىسى

    (2021 - جىلى 1- ايدىڭ 10 – كۇنى ساياسي كەڭەس ىلە وبلىستىق 13 – كەزەكتى كوميتەتىنىڭ 5 – ماجىلىسىندە ماقۇلداندى)

 

    جۇڭگو حالىق ساياسي كەڭەسى ىلە قازاق اۆتونوميالى وبلىستىق 13 – كەزەكتى كوميتەتىنىڭ 5 – ءماجىلىسى 2021 – جىلى 1 – ايدىڭ 8 – كۇنىنەن 10 – كۇنىنە دەيىن قۇلجا قالاسىندا وتكىزىلدى.

    اۆتونوميالى وبلىستىق پارتكومنىڭ شۋجيى چيۋ شۋحۋا جولداس جانە پارتكوم، حالىق قۇرىلتايى، ۇكىمەت باسشىلارى ماجىلىسكە قاتىناستى، چيۋ شۋحۋا شۋجي ماڭىزدى ءسوز سويلەدى. ماجىلىستە ءتوراعا سەرجان ۇعىباي ۇلىنىڭ ساياسي كەڭەس اۆتونوميالى وبلىستىق 13 – كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسى، ورىنباسار ءتوراعا نۇراحمەت زۇنۇننىڭ ساياسي كەڭەس اۆتونوميالى وبلىستىق 13 – كەزەكتى كوميتەتى تۇراقتى كوميتەتى اتىنان جاساعان ۇسىنىس جوباسى قىزمەتى جونىندەگى بايانداماسى قاراپ بەكىتىلدى. مۇشەلەر اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ماجىلىسىنە سىرتتاي قاتىناسىپ، وبلىس باستىعى قۇرماش سىرجان ۇلى جاساعان ۇكىمەت قىزمەتىنەن باياندامانى اۆتونوميالى وبلىستىڭ حالىق شارۋاشىلىعى مەن قوعامدىق دامۋىنىڭ «14 – بەسجىلدىق» جوباسى جانە 2035 – جىلعا دەيىنگى بولاشاقتىق نىسانا باعدارلاماسىن (جوبا نۇسقا) تىڭدادى ءارى تالقىلادى، اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسىنىڭ قىزمەت بايانداماسىن، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسىن جانە باسقادا باياندامالاردى تالقىلاپ، جوعارىداعى باياندامالارعا قوسىلاتىندىقتارىن ءبىلدىردى ءارى پىكىر – ۇسىنىستار بەردى. بارلىق مۇشەلەر وسكەلەڭ ساياسي جاۋاپكەرلىك سەزىممەن جانە تاريحي بورىشتىلىق سەزىممەن پارتيانىڭ جاڭا داۋىردەگى شينجياڭدى جونگە سالۋ جالپى جوباسىن دايەكتىلەندىرۋدى، تياناقتاندىرۋدى بوساڭسىتپاي مىقتى يگەرىپ، نازاردى باس نىساناعا شوعىرلاندىرىپ، ىندەتتەن ساقتانۋ – تىزگىندەۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، ەكونوميكانى جوعارى ساپالى دامىتۋ، قوعامنىڭ جالپى جاعداي ورنىقتىلىعىن ساقتاۋ سياقتى ءتۇيىندى ماسەلەلەردى توڭىرەكتەپ، ىشكەرىلەي اقىلداسىپ، تالقى جۇرگىزىپ، ۇكىمەت ىسىنە بەلسەنە كەڭەس بەرىپ، ورتاق تانىمدى كەڭىنەن ۇيىستىرىپ، ماڭىزدى تابىسقا قول جەتكىزدى. ماجىلىستە سەرىك قابىكەن ۇلى، ەرنۇر ناۋان ۇلى، ما گوچياڭ، چىن شاۋۋەي قاتارلى 4 جولداس ساياسي كەڭەس ىلە قازاق اۆتونوميالى وبلىستىق 13 – كەزەكتى كوميتەتى تۇراقتى كوميتەتىنىڭ مۇشەلىگىنە تولىقتىرىپ سايلاندى. ءماجىلىس سالتاناتتى دا قاراپايىم، ستيلى دۇرىس، سالتى تاماشا، شىندىققا جۇگىنىپ، ونىمدىلىگى جوعارى بولعان، ىىتىماقتى، دەموكراتيالى، زەيىن – قۋات شوعىرلانعان، ادامدى سەرپىلتەتىن ءماجىلىس بولدى. حالىق ساياسي كەڭەسى ءتۇزىمىنىڭ وزىندىك ابزالدىعىن بەينەلەپ، جاڭا داۋىردەگى جۇڭگوشا سوتسياليستىك كەڭەس ۇلگىسىندەگى دەموكراتياسىنىڭ ومىرشەڭدىك قۋاتىن ايگىلەدى.

    ماجىلىستە بىلاي دەپ قارالدى: 2020 – جىل ايتا قالسىن ەرەكشە ءبىر جىل بولدى، بۇل - جاپپاي دوڭگەلەك داۋلەتتى قوعام قۇرۋ مەن «13 – بەسجىلدىق» مىندەت ورىندالعان جىل، كەدەيلىكتەن ارىلتۋدان قامال الۋ شايقاسىندا جەڭىسكە جەتىپ، ءبىرىنشى 100 جىلدىق كۇرەس نىساناسىنىڭ شەشۋشى شايقاسىن جۇرگىزگەن جىل. پارتيا ورتالىق كوميتەتى بەلەستىك مانگە يە پارتيا 19 – كەزەكتى ورتالىق كوميتەتى 5 – جالپى ءماجىلىسىن جانە 3 – رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستادى.

 ءبىر جىلدان بەرى تۇتاس وبلىستا جوعارىدان – تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 – قۇرىلتايى جانە پارتيا 19 – كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ، 3 – رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋ، بەكىتۋلەرىنىڭ رۋحىن، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن جانە جۇڭگو كوممۋنيستىك پارتياسى اۆتونوميالى رايوندىق 9 – كەزەكتى كوميتەتى ونىنشى، ون ءبىرىنشى جالپى ماجىلىستەرىنىڭ رۋحىن تاباندىلىقپەن دايەكتىلەندىردى، تياناقتاندىردى. ماشاقاتتى دا اۋىر ورنىقتىلىق، دامۋ، رەفورما مىندەتى الدىندا وبلىستىق پارتكوم جالپى ءۇشىن جالىقپاي قىزمەت وتەۋ، شىندىقتى ءىس جۇزىنەن ىزدەۋ، قالتقىسىز ۇلەس قوسۋ، حالىقتىڭ ءۇمىتىن اقتاۋ رۋحىمەن تۇتاس وبلىستاعى ءار ۇلت كادر – جۇرتشىلىعىن قاجىرلى ەڭبەگىمەن تىڭ تابىستارعا قول جەتكىزۋگە باستاپ، ناقتى جۇمىستاردى تىندىرىپ، اتويلاپ العا ۇمتىلىپ، ىندەتتەن ساقتانۋ – تىزگىندەۋ قىزمەتىندە ماڭىزدى ىلگەرىلەۋشىلىككە قول جەتكىزىپ، قوعامنىڭ جالپى جاعداي ورنىقتىلىعىن ساقتاپ، ەكونوميكالىق دامۋدا ماڭىزدى ىلگەرىلەۋشىلىكتى جۇزەگە اسىرىپ، كەدەيلىكتەن ارىلتۋدان قامال الۋ شايقاسىن ءساتتى جۇرگىزىپ، ءتۇرلى ىستەردە تىڭ ىلگەرىلەۋشىلىككە، جاڭا جەتىستىكتەرگە قول جەتكىزدى. وبلىستىق پارتكومنىڭ پارمەندى باسشىلىعىندا ءار دارەجەلى ساياسي كەڭەس ۇيىمدارى «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ىنتىماق، دەموكراتيا سىندى ەكى نەگىزگى تاقىرىپتان اۋىتقىماي، نازاردى باس نىساناعا شوعىرلاندىرىپ، قارىم – قاتىناستى سايكەستىرۋ، كۇشتى ۇيىستىرۋ، الىمدى اقىل، كەلەلى كەڭەس بەرۋ، جالپى جاعدايعا قىزمەت وتەۋ رولىن ساۋلەلەندىرىپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعى ءۇشىن بەلسەنە ۇلەس قوستى.

    ماجىلىستە مىنالار اتاپ كورسەتىلدى: بيىل - پارتيا قۇرىلعاندىعىنىڭ 100 جىلدىعى، «14 – بەسجىلدىق» جوبا باستالاتىن جىل، ەلىمىزدىڭ وسىزامانداندىرۋ قۇرىلىسى بارىسىندا ەرەكشە ماڭىزعا يە ءبىر جىل ءارى اۆتونوميالى وبلىس ۇلى دامۋدى قارسى الاتىن ماڭىزدى جىل. دۇنيە جۇزىندە 100 جىلدا ءبىر رەت كەزىككەن ءىرى وزگەرىس الدىندا جاڭا داۋىردەگى ساياسي كەڭەس قىزمەتىن ويداعىداي ىستەپ، قاجىماي - تالماي شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي – سانانى قارۋلاندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگوشا سوتسياليزمگە تاباندى بولۋ مەن دامىتۋدى ورتاق يدەيالىق ساياسي نەگىزىن بەكەمدەۋدىڭ نەگىزگى ءوسى، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا قىزمەت وتەۋدى قىزمەتتىڭ نەگىزگى جەلىسى، يدەيالىق - ساياسي جەتەكشىلىكتى كۇشەيتىپ، ورتاق تانىمدى كەڭىنەن ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپتان جازباي، ساياسي جاقتان كەڭەسۋ، دەموكراتيالىق جاقتان باقىلاۋ، ۇكىمەت ىسىنە ارالاسۋ، كەڭەس بەرۋ ورەسىن ۇزدىكسىز جوعارىلاتىپ، ورتاق تانىمدى ءتىپتى دە ۇيىستىرۋ كەرەك. ساياسيدى دارىپتەۋگە، جالپى جاعدايمەن ساناسۋعا تاباندى بولىپ، وبلىستىق پارتكومنىڭ باسشىلىعىندا قىزمەت ورىستەتۋگە شىنايى تاباندى بولىپ، پارتكوم ورنالاستىرۋ جاساسا، ساياسي كەڭەس تياناقتاندىرۋعا، پارتكوم تالاپ العا قويسا، ساياسي كەڭەس ءۇن قوسۋعا، پارتكوم نۇسقاۋ بەرسە، ساياسي كەڭەس ارەكەتكە كەلۋگە كەپىلدىك ەتىپ، پارتكومنىڭ وزەكتى قىزمەتى قانشالىق ىلگەرىلەتىلسە، ساياسي كەڭەس قىزمەتىن دە ىلەسە ىلگەرىلەتىپ، اقىل – پاراسات پەن كۇش – قۋاتتى سوعان شوعىرلاندىرىپ، ورتالىقتىڭ شەشىمدەرى مەن ورنالاستىرۋلارىن جانە اۆتونوميالى رايوننىڭ، اۆتونوميالى وبلىستىق پارتكومنىڭ تالاپتارىن تۇبەگەيلى تياناقتاندىرۋ جاۋاپكەرلىگىن شىنايى ارقالاپ، ءار ۇلت جۇرتشىلىعىنا پارتيانىڭ جاڭا داۋىردەگى شينجياڭدى جونگە سالۋ جالپى جوباسىن جۇزەگە اسىرۋ ءۇشىن اقىل – پاراسات پەن كۇش – قۋات ۇيىستىراتىن ساياسي جاۋاپكەرلىك ارقالاتۋى كەرەك.

    ماجىلىستە بىلاي دەپ باسا دارىپتەلدى: تۇتاس وبلىستاعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە بارشا ساياسي كەڭەس مۇشەلەرى وبلىستىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ رۋحىن ىشكەرىلەي دايەكتىلەندىرىپ، يدەيالىق - ساياسي جەتەكشىلىكتى كۇشەيتىپ، ءارقايسى ۇيىمدار مەن ءار ۇلت، ءار سالا قايراتكەرلەرىن باستاپ، جۇڭگو كوممۋنيستىك پارتياسى مەن جۇڭگوشا سوتسياليزمدى ساياسي، يدەيا، نازاريا، سۇيىسپەنشىلىك جاقتان مويىنداۋدى كۇشەيتۋ كەرەك. ىندەتتەن ساقتانۋ – تىزگىندەۋدى ۇدايىلاندىرۋ قاتاڭ جاعداي الدىندا سىرتتان ەنۋدەن، ىشتەن قايتا بەلەڭ بەرۋدەن ساقتانۋعا، ىندەتتەن ساقتانۋ – تىزگىندەۋدى ۇدايىلاندىرۋدى ويداعىداي ىستەۋگە تاباندى بولىپ، وڭايلىقپەن قولعا كەلمەگەن ىنەتتەن ساقتانۋ – تىزگىندەۋ ناتيجەسىن قولدان بەرمەۋ؛

پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تولىق، دالمە -ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتى يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاستىرا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى اۋقاتتاندىرىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولۋ. ساقتىق دابىلىن ۇزاق ۋاقىت قاعىپ، لاڭكەستىككە قارسى تۇرۋ، ورنىقتىلىقتى قورعاۋ «كەشەندى شاراسىن» تياناقتاندىرۋدا جاۋاپكەرلىك ارقالاپ، ىسكەرلىك كورسەتۋدى ايگىلەۋى؛ «ۇلتتار ىنتىماعىنىڭ بەرەكەلى شاڭىراعى» مەن ۇلتتار ىنتىماعىنىڭ بىرلەسكەن دوستىق قيمىلىن، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ سياقتى قىزمەتتەردى تىڭعىلىقتى ويداعىداي ىستەپ، شينجياڭدا ءسىلام ءدىنىن جۇڭگوشالاندىرۋ باعىتىنا تاباندى بولىپ، ءار ۇلت جۇرتشىلىعىن كەڭىنەن ارالاسۋ، جاپپاي ىشتەسۋ، تەرەڭ توعىسۋ بارىسىندا جۇڭحۋا ۇلتى ورتاق تۇلعا تانىمىن بەرىك ورناتۋعا باستاۋ؛ جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، «التىنى ورنىقتىرۋ» قىزمەتىن ويداعىداي ىستەپ، «التىنى قامتاماسىز ەتۋ» مىندەتىن دايەكتىلەندىرىپ، اۆتونوميالى وبلىستىڭ حالىق شارۋاشىلىعى مەن قوعامدىق دامۋىنىڭ 14 – بەسجىلدىق جوباسىن جانە 2035 – جىلعا دەيىنگى بولاشاقتىق نىسانا باعدارلاماسىن مىقتى يگەرىپ، 1 – كاسىپتە جوعارى دەڭگەيگە جەتۋدى، 2 – كاسىپتى كولەمدەندىرۋدى، 3 – كاسىپتە ساپانى جوعارى دارەجەگە كوتەرۋدى توڭىرەكتەپ، 1 - ، 2 -، 3 - كاسىپتەردىڭ توعىسپالى دامۋىن جەبەپ، ىشكەرىلەي كەڭەس بەرىپ، باقىلاۋدى شىنايى جۇرگىزىپ، تۇلعالىق ەكونوميكا، وتكەل ەكونوميكاسى، ساياحات ەكونوميكاسىن دامىتۋدى جەبەۋ؛ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن كەڭەيتۋدى اۋىل – قىستاقتى گۇلدەندىرۋ ستراتەگياسىمەن ۇشتاستىرىپ، بۇقارا جاپپاي كوڭىل ءبولىپ وتىرعان ورنىقتىلىق، جۇمىستانۋ، وقۋ – اعارتۋ، ەمدەۋ، حاۋىپسىزدىك سياقتى ماسەلەلەر جونىندە الىمدى اقىل، كەلەلى كەڭەس بەرۋدى مىقتى يگەرىپ، ورنىقتىلىق، دامۋ، رەفورما تابىستارىنان ءار ۇلت جۇرتشىلىعىن ءتىپتى دە كوپ، ءتىپتى دە ءادىل يگىلىكتەندىرىپ، ءار ۇلت جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرۋ كەرەك.

    ماجىلىستە مىنالار باسا دارىپتەلدى: ارناۋلى كەڭەسۋ قۇرىلىمى بولعان حالىق ساياسي كەڭەسىنە جاڭا ءداۋىر ساياسي كەڭەس فۋنكتسياسى تۇراقتاندىرعان جاڭا مازمۇن جۇكتەپ وتىر. ايقىن تۋ ۇستاي وتىرىپ ساياسيدى دارىپتەپ، پارتيانىڭ ساياسي كەڭەس قىزمەتىنە بولعان جاپپاي باسشىلىعىنا بۇلجىماستان تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ساياسي كەڭەستە پارتيانىڭ ءتۇرلى قۇرىلىسىن ىلگەرىلەتۋ؛ جىلدىق كەڭەسۋ جوباسىن مۇقيات ۇيىمداستىرىپ اتقارىپ، دەموكراتيالىق كەڭەسۋدى كەڭىنەن، كوپ ساتىلى، تۇزىمدەندىرىپ دامىتۋدى جەبەپ، اۆتونوميالى وبلىستىڭ ورنىقتىلىق، دامۋ، رەفورماسى ءۇشىن ءتىپتى دە ويداعىداي قىزمەت وتەۋ؛ وزەكتى بۋىندى مىقتى يگەرىپ، ماڭىزدى بازا، تەكشە، ارنا قۇرىلىسىن كۇشەيتىپ، دەموكراتيانى ساۋلەلەندىرۋ مەن ىنتىماقتى ارتتىرۋدى ءوزارا تۇتاستىرۋعا، اكىمشىلىك ىستەرگە كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش الۋعا تاباندى بولۋ؛ مۇشەلەردىڭ جاۋاپكەرلىك ارقالاۋىن كۇشەيتىپ، ءىس تىندىرۋدى باستى ورىنعا، شىنايىلىقتى ماڭداي الدى ورىنعا قويۋعا تاباندى بولىپ، ۇلت رۋحى مەن ءداۋىر رۋحىن ساۋلەلەندىرىپ، توراڭعى رۋحىن امالياتتا ايگىلەپ، جاۋاپكەرلىكتى باتىلدىقپەن ارقالاي الاتىن ناقتى قابىلەتتى جەتىلدىرىپ، ءورىس اشا جاڭالىق اشاتىن رۋحتى سەرپىلتىپ، ناقتى ىستەپ، شىنايى يگەرەتىن كۇش – قۋات تۋىنداتىپ، ساياسي كەڭەستى ءتۇسىنىپ، كەڭەس بەرىپ، ۇكىمەت ءىسىن اقىلداسۋعا شەبەر بولىپ، تارتىپكە بويسۇنىپ، قاعيدانى دارىپتەپ، ءمورالعا ءمان بەرىپ، جاڭا داۋىردەگى ساياسي كەڭەس قىزمەتىن ءتىپتى دە ويداعىداي، ءتىپتى دە ءونىمدى، ءتىپتى دە ەرەكشەلىككە يە ەتىپ ىستەۋگە كۇش سالۋ كەرەك.

    ماجىلىستە مىناعان ۇندەلدى: تۇتاس وبلىستاعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسۋشى ورىندار جانە ءار ۇلت، ءار سالا قايراتكەرلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، وبلىستىق پارتكومنىڭ پارمەندى باسشىلىعىندا، وبلىستىق حالىق ۇكىمەتىنىڭ زور كۇشپەن قولداۋىندا، ارناۋلى كەڭەس قۇرىلىمىنىڭ رولىن ساۋلەلەندىرىپ، ءبىر نيەت، ءبىر تىلەكتە بولا وتىرىپ، كوپ بولىپ اقىل قوسىپ، كۇش شىعارىپ، جاڭا داۋىردەگى جۇڭگوشا سوتسياليستىك شينجياڭنىڭ ىلە تاراۋىن جازۋعا اناعۇرلىم زور ۇلەس قوسۋى كەرەك.