ءتىلشىمىز شى شۋەحۇڭ حابارلايدى. 1 – ايدىڭ 10 – كۇنى اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ءماجىلىسى جوسپار، مەجە ەسەپتى تەكسەرۋ كوميسسياسىنىڭ جيىنىن اشتى.

    جيىندى اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، اۆتونوميالى وبلىستىق 14 – كەزەكتى حالىق قۇرىلتايى 5 – ءماجىلىسى جوسپار، مەجە ەسەپتى تەكسەرۋ كوميسسياسىنىڭ مەڭگەرۋشى مۇشەسى تالعات ءتالىم ۇلى باسقاردى. جوسپار، مەجە ەسەپتى تەكسەرۋ كوميسسياسىنىڭ مۇشەلەرى جيىنعا قاتىناستى.

    جيىندا «ىلە قازاق اۆتونوميالى وبلىسىنىڭ حالىق شارۋاشىلىعى جانە قوعامدىق دامۋ 14 – بەسجىلدىق جوباسى مەن 2035 – جىلعا دەيىنگى بولاشاقتىق نىسانا باعدارلاماسى (جوبا نۇسقا) جونىندەگى دوكلادى»، «اۆتونوميالى وبلىستىڭ 2020 – جىلعى حالىق شارۋاشىلىعى جانە قوعامدىق دامۋ جوباسىنىڭ اتقارىلۋ جاعدايى مەن اۆتونوميالى وبلىستىڭ 2021 – جىلعى حالىق شارۋاشىلىعى جانە قوعامدىق دامۋ جوباسى (جوبا نۇسقا) جونىندەگى دوكلادى»، «اۆتونوميالى وبلىستىڭ 2020 – جىلعى مەجە ەسەبىنىڭ اتقارىلۋ جاعدايى جانە اۆتونوميالى وبلىستىڭ 2021 – جىلعى مەجە ەسەبى (جوبا نۇسقا) جونىندەگى دوكلادى» قارالىپ، جوسپار، مەجە ەسەپ دوكلادى جانە «14 – بەسجىلدىق» جوبا باعدارلاماسى (جوبا نۇسقا) جونىندە جەكە – جەكە تەكسەرۋ دوكلادى ورتاعا قويىلىپ، ءتوراعالار القاسىنىڭ 2 – رەتكى جيىنىندا قاراۋعا ۇسىنىلدى.