ۇكىمەت ىسىنە اقىل - كەڭەس بەرىپ، دامۋدى جوسپارلاپ، ٴبىر نيەتپەن سەلبەسىپ، تىڭ داستان جازدى
− ساياسي كەڭەس اۆتونوميالى وبلىستىق 14 - كەزەكتى كوميتەتى 2 - ماجىلىسىندەگى مۇشەلەردىڭ سوزىنەن ٴۇزىندى
تارباعاتاي ٴتۇيىندى دامىتۋ، ەسىك اشۋ سىناق رايونى قۇرىلىسى جەدەل ىلگەرىلەتىلسە
وبلىستىق ساياسي كەڭەستىڭ مۇشەسى، تارباعاتاي ايماقتىق ساياسي كەڭەس قىزمەت كوميتەتى پارتيا باسشىلىق
گرۋپپاسىنىڭ ورىنباسار شۋجيى، مەڭگەرۋشىسى جۇماعازى قادىربەك ۇلى
2020 - جىلى 12 - ايدا شينجياڭ تارباعاتاي ٴتۇيىندى دامىتۋ، ەسىك اشۋ سىناق رايونى مەملەكەتتىك كەڭەستىڭ بەكىتۋىمەن رەسمي قۇرىلدى. 2022 - جىلى 11 - ايدا اۆتونوميالى رايون «شينجياڭ تارباعاتاي ٴتۇيىندى دامىتۋ، ەسىك اشۋ سىناق رايونى ەرەجەسىن» شىعاردى. مەملەكەتتىڭ، اۆتونوميالى رايوننىڭ تالابىنا ساي، تارباعاتاي ايماعى «ٴبىر وزەك، ەكى ٴداليز، ٴۇش رايون» كەڭىستىك ورنالاستىرۋىن ارقاۋ ەتىپ، سىناق رايونىن جىبەك جولى ەكونوميكالىق بەلدەۋى وزەكتى رايونىنداعى ماڭىزدى تىرەك ەتىپ قۇرىپ شىعۋعا قۇلشىندى. تارباعاتاي ٴتۇيىندى دامىتۋ، ەسىك اشۋ سىناق رايونى قۇرىلىسىن ىلگەرىلەتۋ بارىسىندا كەيبىر قىزمەتتەردى ونان ارى كۇشەيتۋگە تۋرا كەلەدى.
كەزەكتە تارباعاتاي ٴتۇيىندى دامىتۋ، ەسىك اشۋ سىناق رايونى قۇرىلىسىندا ٴتۇزىلىس مەحانيزمى ٴالى دە كەمەلدەنبەۋ، سىرتقا باعىتتالعان ەكونوميكالىق نەگىزى ٴالسىز بولۋ، ساۋداگەر شاقىرىپ، قارجى ەنگىزۋدىڭ ساپاسى، ونىمدىلىگى جوعارى بولماۋ سياقتى ماسەلەلەر ورىن تەۋىپ وتىر. بۇل جونىندە مىناداي ۇسىنىسىمدى ورتاعا قويامىن: ٴتۇزىلىس مەحانيزمىندە كۇش سالا جاڭالىق اشۋدا، سىناق رايونىن باسقارۋدى وسىزامانداندىرۋدى ىلگەرىلەتۋدە سىناق رايونىن باسقارۋ ٴتۇزىلىس مەحانيزمى رەتتەلىپ، دارىندىلاردى دامىتۋ مەحانيزمى كەمەلدەندىرىلىپ، قارجى قوسۋ، قارجى قۇراۋ ٴتۇزىلىس رەفورماسى تەرەڭدەتىلسە؛ تۇلعالىق ەكونوميكانىڭ دامۋى كۇش سالا ىلگەرىلەتىلىپ، سىناق رايونى كاسىپ سالاسىن دامىتۋ شوعىرىن قالىپتاستىرۋدا جوبا ارقىلى جەتەكشىلىك ەتۋگە تاباندى بولىپ، باقشا رايونى قۇرىلىسى كەمەلدەندىرىلىپ، ساۋداگەر شاقىرىپ، قارجى ەنگىزۋ كۇشەيتىلسە؛ سىرتقا باعىتتالعان ەكونوميكانىڭ دامۋى جەدەلدەتىلىپ، سىناق رايونىن كوركەيتۋ، ەسىك اشۋ دەڭگەيىن جوعارىلاتۋدا ساۋدا، زات اينالىمى كاسىپ سالاسى جەدەل دامىتىلىپ، شەكارا وتكەلىنىڭ نەگىزدىك قۇرىلعىلارى ۇزدىكسىز كەمەلدەندىرىلىپ، ەسىك اشۋ تۇعىرلارىنا ٴوتىنىش ەتۋ بەلسەنە ىلگەرىلەتىلسە، تارباعاتاي ۋنيۆەرسالدى قورعامالى باجى رايونى، شيحۋ ۋنيۆەرسالدى قورعامالى باجى رايونى جانە شەكارا اتتاعان ەلەكتروندى ساۋدا ۋنيۆەرسالدى سىناق رايونىنا ٴوتىنىش بەرۋ تەزدەتىلىپ، سىرتقى ساۋدا بازاسى، كەدەن باقىلاۋ - باسقارۋ قويماسى سياقتى ٴتۇيىندى تەكشە نىساندارى ەرتەرەك قۇرىلسا.
مەملەكەتتە ٴبىر تۇتاس قولدانىلاتىن ٴتىل - جازۋ جاپپاي جالپىلاستىرىلىپ، كەڭەيتىلسە
وبلىستىق ساياسي كەڭەستىڭ مۇشەسى، التاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ
ورىنباسار شۋجيى، مەڭگەرۋشىسى باقىتوۆ ينايات ۇلى
مەملەكەتتە ٴبىر تۇتاس قولدانىلاتىن ٴتىل - جازۋدى جالپىلاستىرۋ − جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرۋدىڭ ماڭىزدى شاراسى، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماڭىزدى دانەكەرى، ونان دا ماڭىزدىسى ٴار ۇلت بۇقاراسىنىڭ ىشكەرىلەي ارالاسۋىن، ىشتەسۋىن، توعىسۋىن جەبەۋدىڭ ٴىس جۇزىندىك قاجەتى.
كەزەكتەگى مەملەكەتتە ٴبىر تۇتاس قولدانىلاتىن ٴتىل - جازۋدى جالپىلاستىرۋ، كەڭەيتۋ قىزمەتىندەگى ورىن تەپكەن ساياسي دەڭگەي جوعارى بولماۋ، قىزمەت پەن ۇيرەنۋدىڭ قايشىلىعى ٴبىر شاما كورنەكتى بولۋ، ۇيرەنۋ دانەكەرى مول بولماۋ، ۇيرەنۋ، قولدانۋ اۋانى كۇشتى بولماۋ سياقتى ماسەلەلەرگە قاراتا مىناداي ۇسىنىسىمدى ورتاعا قويامىن: ساياسي دەڭگەيدى جوعارىلاتۋدى، ىرىقتىلىقپەن جاۋاپكەرشىلىك ارقالاۋدى، ىسكەرلىك كورسەتۋ كەرەك. مەملەكەتتە ٴبىر تۇتاس قولدانىلاتىن ٴتىل - جازۋدى جالپىلاستىرۋدىڭ، كەڭەيتۋدىڭ ماڭىزدى ٴمانىن جەتە تانىپ، يدەيالىق تانىمدى ونان ارى بىرلىككە كەلتىرىپ، ارناۋلى قىزمەت قاراجاتىن ورنالاستىرىپ، مەملەكەتتە ٴبىر تۇتاس قولدانىلاتىن ٴتىل - جازۋدى جالپىلاستىرۋ، كەڭەيتۋ قىزمەتىن تىڭعىلىقتى، ٴونىمدى ورىستەتۋدى قاراجاتپەن قامتاماسىز ەتىپ، مەملەكەتتە ٴبىر تۇتاس قۇراستىرىلعان وقۋلىقتان پايدالانۋدى جانە مەملەكەتتە ٴبىر تۇتاس قولدانىلاتىن ٴتىل - جازۋ وقۋ - وقىتۋىن جالپىلاستىرۋ، كەڭەيتۋدى جاپپاي ىلگەرىلەتۋ كەرەك. قىزمەت پەن ۇيرەنۋدىڭ قايشىلىعىن باسەڭدەتىپ، عىلمي، دالمە ـ ٴدال وقىتۋ كەرەك. قاتىستى جاۋاپتى تاراۋلار (ورىندار) ۇقساماعان توپتارعا قاراتا ۇيلەسىمدى ورنالاستىرۋ جاساپ، نەگىزىنە جانە جاعدايىنا قاراي تۇرگە ايىرىپ گرۋپپالارعا ٴبولىپ، باعىتتامالى ۇيرەتۋ، باۋلۋ جوباسى مەن مازمۇنىن بەلگىلەۋى كەرەك. ۇيرەنۋ دانەكەرىندە جاڭالىق اشىپ، ۇيرەنۋ مەن قولدانۋدىڭ ناقتى ونىمدىلىگىن كۇشەيتىپ، داڭق بەرىپ شابىتتاندىرۋ ارقىلى بۇقارانى «ۇيرەنۋىم كەرەك» دەگەننەن «ۇيرەنەمىزگە» شابىتتاندىرۋ كەرەك. ۇگىتتەۋدى، جەتەكتەۋدى كۇشەيتىپ، تاماشا اۋان قالىپتاستىرۋ كەرەك. ۇگىتتەۋدى، جەتەكتەۋدى كۇشەيتىپ، تاماشا راي قالىپتاستىرۋ كەرەك. مەملەكەتتە ٴبىر تۇتاس قولدانىلاتىن ٴتىل - جازۋدى ۇگىتتەۋدىڭ جىلدىق جوسپارىن جاساپ، ٴار جىلعى 9 - ايدى مەملەكەتتە ٴبىر تۇتاس قولدانىلاتىن ٴتىل - جازۋدى ۇگىتتەۋ ايى ەتىپ بەلگىلەپ، جان - جاقتى، قالتارىسسىز ۇگىت قيمىلدارىن شوعىرلى ورىستەتۋ كەرەك.
كرەمني نەگىزدى فوتوۆولت كاسىپ سالاسىنىڭ دامۋى جەدەلدەتىلسە
وبلىستىق ساياسي كەڭەستىڭ مۇشەسى، ىلە وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ليۋ جيانليننىڭ تاپسىرۋىمەن ىلە وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ان يۇيرۇڭ جولداس «كرەمني نەگىزدى فوتوۆولت كاسىپ سالاسىنىڭ دامۋى جەدەلدەتىلىپ، ونەركاسىپ ەكونوميكاسىنىڭ جاڭا ارتۋ ٴتۇيىنى قالىپتاستىرىلسا» دەگەن تاقىرىپتا ٴسوز سويلەدى
بىلتىردان بەرى اۆتونوميالى رايوندىق پارتكوم مەن ۇكىمەت كرەمني نەگىزدى كاسىپ سالاسىن دامىتۋ جوباسى مەن ساياساتتىق شاراسىن ەكى رەت بەلگىلەپ، جولعا قويىپ، ىلە وبلىسىنىڭ كرەمني نەگىزدى فوتوۆولت تۇتاس كاسىپ سالاسى تىزبەگى مەن كرەمنيلى ەلەكتروندى كاسىپ سالاسىنىڭ ورنىن اناعۇرلىم ايقىندادى.
وبلىسىمىزدىڭ قازىرگى كرەمني نەگىزدى كاسىپ سالاسىنىڭ دامۋىندا ورىن تەۋىپ وتىرعان كرەمني نەگىزدى شيكىزات ٴوندىرۋ كاسىپورىندارىنىڭ تەحنيكالىق جابدىق ورەسى ٴبىرشاما تومەن بولۋ، كاسىپ سالاسى تىزبەگى كەمەلدى بولماۋ، ساۋداگەر شاقىرۋدى جوسپارلاۋ تەبىنى جەتەرسىز بولۋ، كاسىپ سالاسى ساياساتىن زەرتتەۋ تەرەڭ بولماۋ، بىرىككەن كۇش قالىپتاستىرۋى جەتكىلىكسىز بولۋ سياقتى ماسەلەلەرگە قاراتا مىناداي ۇسىنىسىمدى ورتاعا قويامىن: ونەركاسىپتىك كرەمني كاسىپ سالاسى دەڭگەيىن جوعارىلاتۋدى، جاڭالاۋدى ىلگەرىلەتىپ، كاسىپورىنداردىڭ باسەكەلىك قۋاتى ارتتىرىلسا. مۇندا بىرىنشىدەن، «ۇلكەنىن ىسكە قوسۋ، كىشىسىن قاتاردان قالدىرۋ، بىرىكتىرىپ، قايتا قۇرۋ» سياقتى تاسىلدەردى قولدانىپ، ۇزدىكتەردىڭ ولشەمىنە تۋرالانىپ، ونەركاسىپتىك كرەمني وندىرەتىن كاسىپورىنداردىڭ جاسىل دارەجەسىن جوعارىلاتۋ جانە وزگەرتۋ ىلگەرىلەتىلسە. ەكىنشىدەن، كرەمني قۇرامدى شيكزاتتى بارلاۋ، اشۋ تەبىنى كۇشەيتىلىپ، ونەركاسىپتىك كرەمني وندىرەتىن كاسىپورىندار جاقىن ماڭنان شيكىزاتپەن قامدالسا. ۇشىنشىدەن، وبلىسقا توتە قاراستى قاتىستى تاراۋلار قازىرگى بار 25 مىڭ كيلوۆولت امپەردەن تومەنگى ونەركاسىپتىك كرەمني كاسىپورىندارىنىڭ كەن جىلىتقىش پەشىنىڭ جاسىل دارەجەسىن جوعارىلاتۋ مەن وزگەرتۋ قىزمەتى جانە كاسىپتىك رۇقسات ەتۋ، ەنەرگيانى سارىپ ەتۋ جانە لاس زاتتاردى ىعىستىرۋ جاعىنداعى جەتەكشىلىك كۇشەيتىلسە؛ ورنالاستىرۋدى، ورىن اۋىستىرا دامۋدى ساپالىلاندىرىپ، كرەمني نەگىزدى كاسىپ سالاسىنىڭ ولقىلىقتارى تولىقتانسا. وبلىسقا توتە قاراستى قاتىستى اۋدان، قالالار اۆتونوميالى رايوننىڭ، اۆتونوميالى وبلىستىڭ كرەمني نەگىزدى كاسىپ سالاسىن ورنالاستىرىپ، نىسانداردى جوعارى ساپامەن جوسپارلاپ، قاتىستى ابزال ساياساتتاردان ويداعىداي، تولىق پايدالانىپ، كرەمني نەگىزدى كاسىپ سالاسى نىساندارىنىڭ ىرگە تەبۋىنە كۇش سالىپ، كاسىپ سالاسى ساياساتىنان ويداعىداي تولىق پايدالانىپ، بىرىككەن كۇش قالىپتاستىرىپ، كرەمني نەگىزدى كاسىپ سالاسىنىڭ دامۋى جەبەلسە.
نەگىزگى ساتى الەۋمەتتىك ەمدەۋ - دەنساۋلىق ساقتاۋ قىزمەت وتەۋ جۇيەسى قۇرىلىسى ىلگەرىلەتىلسە
وبلىستىق ساياسي كەڭەستىڭ مۇشەسى، تارباعاتاي ايماقتىق ساياسي كەڭەس قىزمەت كوميتەتىنىڭ مۇشەسى،
ورگان پارتيا باسشىلىق گرۋپپاسىنىڭ مۇشەسى، مۇشەلەر قىزمەت باسقارماسىنىڭ مەڭگەرۋشىسى لي يىڭلاي
تاياۋ جىلدان بەرى، اسىرەسە، جاڭا ٴتيپتى ايدارشا ۆيرۋس ىندەتى تۋىلعاننان بەرى، تارباعاتاي ايماعىنىڭ نەگىزگى ساتى الەۋمەتتىك ەمدەۋ - دەنساۋلىق ساقتاۋ قىزمەت وتەۋ جۇيەسى ٴتۇرلى سىن - سىناقتاردان ٴوتىپ، تارباعاتاي ايماعىنداعى ٴار ۇلت بۇقاراسىنىڭ ٴومىرىنىڭ حاۋىپسىزدىگى مەن دەنساۋلىق اقاۋسىزدىعىن قامتاماسىز ەتتى.
كوز الدا، نەگىزگى ساتى الەۋمەتتىك ەمدەۋ - دەنساۋلىق ساقتاۋ قىزمەت وتەۋ جۇيەسى قۇرىلىسىندا سەلبەسىپ ارەكەتكە كەلۋ مەحانيزمى كەمەلدى بولماۋ، نەگىزگى ساتى ەمدەۋ - دەنساۋلىق ساقتاۋ قوسىنىن دەرەۋ ساپالىلاندىرۋ قاجەت بولۋ، قىزمەت قاراجاتىنا قوسىلىم از بولۋ، ينفورماتسيالاندىرۋ قۇرىلىسى دەڭگەيى جوعارى بولماۋ، قۇرىلعىلارمەن سەپتەۋ، زاتتىق بۇيىمدار قورى جەتكىلىكسىز بولۋ سياقتى ماسەلەلەر ورىن تەۋىپ وتىر. بۇل جونىندە مىناداي ۇسىنىسىمدى ورتاعا قويامىن: نەگىزگى ساتى الەۋمەتتىك اۋماقتارعا قىزمەت وتەۋ تورابى اقاۋسىزداندىرىلسا، قاتىستى ساياساتتار شىعارىلىپ، ٴار دارەجەلى ەمدەۋ قۇرىلىمدارىنا الەۋمەتتىك اۋماقتىڭ دەنساۋلىق ساقتاۋ جاعىنان قىزمەت وتەۋ پۋنكتتەرىنىڭ قىزمەت فۋنكتسياسىن ۋاكىلدىك اتقارۋ ۇقىعى بەرىلسە. ٴار دارەجەلى ەمدەۋ بايلىعىن ۇيلەسىمدى ورنالاستىرىپ، ەمدەۋ - دەنساۋلىق ساقتاۋ قىزمەت وتەۋىن نەگىزگى ساتىلارعا شىنايى باعىتتاي ۇزارتىپ، ەڭ سوڭىندا تولىق قامتۋ جۇزەگە اسىرىلسا.
سيلىق جانە قوسىمشا قاراجات ارقىلى شابىتتاندىرۋ مەحانيزمى تياناقتاندىرىلسا. «اۆتونوميالى رايوننىڭ ۇكىمەت باسقارۋىنداعى شيپاحانالاردىڭ ەڭبەكاقى ٴتۇزىمى رەفورماسىن تەرەڭدەتۋ جونىندەگى اتقارۋ جوباسى» قاتاڭ اتقارىلىپ، «ەكىگە رۇقسات ەتۋ» شىنايى تياناقتاندىرىلسا. دارىندىلاردى تاربيەلەۋ، ەنگىزۋ تەبىنى كۇشەيتىلىپ، ەمدەۋ دارىندىلارىنىڭ ساپاسى جاپپاي جوعارىلاتىلسا.
بىرلەسىپ ارەكەتتەنۋ مەحانيزمى كۇشەيتىلىپ، قىزمەت وتەۋ قابىلەتى جوعارىلاتىلسا. تاراۋلاردىڭ سايكەسۋى، سەلبەسۋى كۇشەيتىلىپ، اۋرۋدان ساقتانۋ - تىزگىندەۋ جۇيەسى كەمەلدەندىرىلىپ، نەگىزگى ساتىنىڭ «قاقپاشى» بولۋ قابىلەتى جوعارىلاتىلسا.
بايلىق ساپالى ورنالاستىرىلىپ، ەمدەۋ قۇرىلىمدارىنىڭ اۋىرتپالىعى جەڭىلدەتىلسە. تۇراقتى حالىق سانى مەن قىزمەت وتەۋ راديوسى بويىنشا ەمدەۋ بايلىعىنا، دارىندى بايلىعىنا ۇيلەسىمدى ٴبولىس جاسالىپ، يقۋات جاعىنان ٴبىرىن ٴبىرى تولىقتايتىن، وزىندىك ەرەكشەلىككە يە نەگىزگى ساتى ەمدەۋ - دەنساۋلىق ساقتاۋ قىزمەت وتەۋ جۇيەسىن ورناتىپ، نەگىزگى ساتى ەمدەۋ - دەنساۋلىق ساقتاۋ قىزمەت وتەۋىن بىركەلكىلەندىرۋ ىلگەرىلەتىلسە.
وتباسى تاربيەسىن جەبەۋ زاڭىنىڭ شىنايى تياناقتانۋى ىلگەرىلەتىلسە
وبلىستىق ساياسي كەڭەستىڭ مۇشەسى، ىلە وبلىستىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى،
ورىنباسار ٴتوراعاسى يۋان شاۋۋي
جاقىنعى جىلداردان بەرى ىلە وبلىسى باس شۋجي شي جينپيڭنىڭ وتباسى تاربيەسى، وتباسى ستيلى قۇرىلىسىنا باسا ٴمان بەرۋ جونىندەگى ماڭىزدى بايىمداۋلارىن جاپپاي دايەكتىلەندىرىپ، تياناقتاندىرىپ، وتباسى تاربيەسىنە جەتەكشىلىك ەتۋ، قىزمەت وتەۋ جۇيەسىن بەلسەنە قۇرىپ، وتباسى تاربيەسى قىزمەتىندە بەلگىلى ونىمدىلىككە قول جەتكىزدى. الايدا، وتباسى تاربيەسى قىزمەتىندە وتباسى تاربيەسىنىڭ ماڭىزدىلىعى جونىندەگى تانىم جەتەرسىز بولۋ، تاراۋلاردىڭ بىرلەسىپ كۇش سالۋى بىركەلكى بولماۋ، وتباسى، مەكتەپ، قوعام سەلبەسىپ ادام تاربيەلەۋ مەحانيزمى ٴالى دە كەمەلدى بولماۋ سياقتى ماسەلەلەر ٴالى دە ورىن تەۋىپ وتىر.
بۇل جونىندە ۇگىت ارقىلى جەتەكشىلىك ەتۋ كۇشەيتىلىپ، تۇتاس قوعامنىڭ وتباسى تاربيەسىنىڭ ماڭىزدىلىعى جونىندەگى تانىمى جوعارىلاتىلسا. وتباسى تاربيەسىن جەبەۋ زاڭىن ۇگىتتەۋ، ٴتۇسىندىرۋ، جالپىلاستىرۋ جاعىنا ۇزدىكسىز كۇش سالىنىپ، وتباسى تاربيەسىن جەبەۋ زاڭىن قالا - اۋىل، الەۋمەتتىك اۋماق، تاراۋ، ورىن، مەكتەپ، وتباسىنا ەنگىزۋ ۇزدىكسىز ىلگەرىلەتىلسە. تاراۋلاردىڭ سايكەسۋىن، ىقپالداستىقتى ىلگەرىلەتىپ، فۋنكتسيالىق باسىمدىقتى ساۋلەلەندىرىپ، وتباسى تاربيەسىنىڭ پارمەندى بىرىككەن كۇشىن قالىپتاستىرسا. ٴار دارەجەلى ايەلدەر مەن بالالار قىزمەتى كوميتەتى وتباسى تاربيەسى بىرلەسپە ٴماجىلىس ٴتۇزىمىن باستاماشىلدىقپەن ورناتىپ، قاتىستى مۇشە ورىندار تاراۋلاردىڭ قىزمەت ٴبولىسى بويىنشا سايكەستى وتباسى تاربيەسى قىزمەتىن ۇستىنە الىپ، وتباسى تاربيەسىن جەبەۋ زاڭىن ۇگىتتەۋدى، اتقارۋدى ويداعىداي ىستەپ، ٴبىر تۇتاس جوسپارلاپ، كوپ تاراۋ جۇمىس ٴبولىسى بويىنشا سەلبەسەتىن، تەڭ يگەرىپ، تەڭ باسقاراتىن قىزمەت جاعدايىن قالىپتاستىرىپ، قالا مەن اۋىلدى قامتىعان وتباسى تاربيەسىنە جەتەكشىلىك ەتۋ، قىزمەت وتەۋ جۇيەسى قۇرىلىسىن كۇش سالا ىلگەرىلەتىپ، وتباسى تاربيەسىنىڭ دامۋىن بىرگە جەبەپ، ادام تاربيەلەۋ ٴتۇبىرلى مىندەتى تياناقتاندىرىلسا. «ٴۇشتى ٴبىر تۇلعالاندىرۋ» وقۋ - اعارتۋ تورابىن بەلسەنە قۇرىپ، تۇتاس تىزبەكتى وتباسى، مەكتەپ، قوعام سەلبەسىپ ادام تاربيەلەۋ مەحانيزمى قالىپتاستىرىلسا دەگەن ۇسىنىسىمدى ورتاعا قويماقپىن.
جۇڭگوشا ٴشوپ ٴدارى كاسىپ سالاسىنىڭ جوعارى ساپالى دامۋى جەدەلدەتىلسە
وبلىستىق ساياسي كەڭەستىڭ مۇشەسى، قابا اۋداندىق ساياسي كەڭەس پارتيا باسشىلىق گرۋپپاسىنىڭ
ورىنباسار شۋجيى، ٴتوراعاسى سەرىك جانسۇلتان ۇلى
جاقىنعى جىلداردان بەرى قابا اۋدانى بايلىق ابزالدىلىعىن ساۋلەلەندىرىپ، «ەرتىس ٴدارى ٴشوپ اڭعارىن» قۇرۋدى نىسانا ەتىپ، جۇڭگوشا ٴشوپ ٴدارى كاسىبىن زور ومىرشەڭدىك كۇشكە يە حالىقتى اۋقاتتاندىرۋ كاسىپ سالاسى رەتىندە ىلگەرىلەتۋگە تاباندى بولدى. قازىر قابا اۋدانىنىڭ جۇڭگوشا ٴشوپ ٴدارى كاسىپ سالاسى ٴالى دە العاشقى ساتىدا تۇر، تولىق ٴوندىرۋ - ساتۋ تىزبەگى ٴالى قالىپتاسقان جوق، جۇڭگوشا ٴدارى ماتەريالدارى تەحنيكاسىن جالپىلاستىراتىن دارىندىلار كەمشىل، ەگىنشىلىك تەحنيكاسى عىلمي ەمەس؛ باستاماشى كاسىپورىنداردىڭ جەتەكشىلىگى تاپشى؛ وڭىرلىك ەرەكشە ايگىلى ماركا كەمشىل، ساياسات، قارجى جاعىنان پارمەندى سۇيەمەلدەۋ كەمشىل بولۋ سياقتى ماسەلەلەردى دەرەۋ شەشۋ قاجەت بولىپ وتىر.
بۇل جونىندە دارىندىلاردىڭ عىلىم - تەحنيكا جاعىنداعى ابزالدىعىن ساۋلەلەندىرىپ، عىلىم - تەحنيكا بايلىقتارىنىڭ ورنالاسۋىن رەتتەۋدى، دارىندىلار ارقىلى ٴدارى - دارمەك كاسىبىن گۇلدەندىرۋ ستراتەگياسىن جەدەل ىلگەرىلەتىپ، اۋىل شارۋاشىلىق تەحنيكاسىن زەرتتەۋ ورنىنىڭ، سىناق پۋنكتىنىڭ رولىن تولىق ساۋلەلەندىرىپ، جۇڭگوشا ٴشوپ دارىلەردىڭ جاڭا سورتىن زەرتتەپ اشۋ، جاڭا تەحنيكا ەنگىزۋ، سىناق ەتۋ، ۇلگى كورسەتۋ سياقتى قىزمەتتەردى ۇزدىكسىز كۇشەيتۋدى؛ ساۋداگەر شاقىرىپ، قارجى ەنگىزۋ تەبىنىن ارتتىرىپ، جۇڭگوشا ٴشوپ ٴدارى كاسىبى باقشا رايونى قۇرىلىسىن جەدەل ىلگەرىلەتۋدى؛ فينانستىق ساياسات جاعىنان قولداۋدى كۇشەيتىپ، كاسىپ سالاسىنىڭ قارىشتاپ دامۋىنا دەم بەرۋدى؛ فينانستىق سۇيەمەلدەۋ ساياساتىن ۇزدىكسىز ساپالىلاندىرىپ، فينانس تاراۋلارىنىڭ جۇڭگوشا ٴدارى ماتەريالدارى كاسىپورىندارىنا قارىز بەرۋىن بەلسەنە سايكەستىرىپ، بانكە ـ كاسىپورىن سەلبەستىك تۇعىرىن ويداعىداي ورناتىپ، كاسىپورىنداردىڭ جەدەل جەتىلۋىنە كومەك كورسەتۋدى؛ «ەرتىس ٴدارى ٴشوپ اڭعارى» ايگىلى ماركا جۇيەسى قۇرىلىسىن ۇيلەسىمدى ورىستەتۋدى، قابا اۋدانىنىڭ ەكولوگيا، بايلىق، جاعراپيا سياقتى باسىمدىقتارىن تولىق ساۋلەلەندىرىپ، مەملەكەتتىڭ اۋىل شارۋاشىلىعى ونىمدەرىنىڭ جاعراپيالىق بەلگىسىن تىركەۋگە الدىرۋدى، قورعاۋدى ٴوتىنىش ەتۋدى ىلگەرىلەتىپ، جاسىل، ورگانيكالى «ەرتىس ٴدارى ٴشوپ اڭعارى» ايگىلى ماركاسىن كۇش سالا قالىپتاستىرۋدى ۇسىنىس ەتەمىن.
قوعامدىق قۇتقارۋ - كومەكتەسۋ جۇيەسىن ساتىعا، تۇرگە ٴبولىپ اقاۋسىزداندىرۋ جانە كەمەلدەندىرۋ كەرەك
وبلىستىق ساياسي كەڭەستىڭ مۇشەسى، ىلە وبلىستىق حالىق ىستەرى مەكەمەسى پارتيا باسشىلىق گرۋپپاسىنىڭ
ورىنباسار شۋجيى، مەكەمە باستىعى نۇربولات مۇحاميا ۇلى
ىلە وبلىسى قوعامدىق قۇتقارۋ - كومەكتەسۋ ٴتۇزىمى رەفورماسىن ۇزدىكسىز تەرەڭدەتىپ، نەگىزگى تۇرمىستىق قۇتقارۋدى، ارناۋلى قوعامدىق قۇتقارۋدى، شۇعىل، قيىن قوعامدىق قۇتقارۋدى نەگىزگى تۇلعا، قوعامدىق كۇشتەردىڭ ات سالىسۋىن تولىقتاۋشى ەتكەن، جاپپاي قامتىعان، ساتىعا، تۇرگە بولىنگەن، جان - جاقتى، جوعارى ٴونىمدى قوعامدىق قۇتقارۋ - كومەكتەسۋ جاعدايىن نەگىزىنەن قالىپتاستىردى.
وبلىسىمىزدىڭ ساتىعا، تۇرگە بولىنگەن قوعامدىق قۇتقارۋ - كومەكتەسۋ جۇيەسى قۇرىلىسىندا قيىنشىلىعى بار بۇقارانىڭ نەگىزگى سانى كوپ، جەرگىلىكتى قازىنانىڭ قامتاماسىزداندىرۋ قۋاتى ٴالسىز، قوعامدىق قۇتقارۋدىڭ ينفورماتسيالانۋ ورەسى جوعارى بولماۋ سياقتى ماسەلەلەر ورىن تەبۋدە. بۇل جونىندە مىناداي ۇسىنىسىمدى ورتاعا قويامىن: قوعامدىق قۇتقارۋ جۇيەسىن ساتىعا، تۇرگە ٴبولۋ قۇرىلىسىن جەدەل ىلگەرىلەتىپ، ەمدەۋ، وقۋ - اعارتۋ، تۇرعىن ٴۇي، جۇمىسقا ورنالاسۋ سياقتى جاقتاردا قيىنشىلىعى بار بۇقاراعا بەلگىلەمە بويىنشا سايكەستى ارناۋلى قوعامدىق كومەك بەرۋ قاجەت. قوعامدىق قۇتقارۋ - كومەكتەسۋ، قامتاماسىزداندىرۋ ولشەمى مەن زات باعاسىنىڭ قىمباتتاۋىن بايلانىستىراتىن ىقپالداستىق مەحانيزمىن تياناقتاندىرىپ، قيىنشىلىعى بار بۇقارانى قۇتقارۋ - كومەكتەسۋ، قامتاماسىزداندىرۋ ولشەمىن ورنىقتى جوعارىلاتۋ كەرەك. سونىمەن بىرگە، جەرگىلىكتى قازىنانىڭ سايكەستى شىعىسىن تەجەۋدى كۇشەيتىپ، جىلۋمەن قامداۋ بويىنشا قۇتقارۋ - كومەكتەسۋدىڭ باياندى مەحانيزمىن ورناتىپ، نەگىزگى ساتى قوعامدىق قۇتقارۋ - كومەكتەسۋدى ٴبىتىرۋ، قىزمەت وتەۋ قابىلەتى قۇرىلىسىن ۇزدىكسىز كۇشەيتۋ كەرەك. اۆتونوميالى رايون دەڭگەيىندە قوعامدىق قۇتقارۋدى ينفورماتسيالاندىرۋ قۇرىلىسىن جەدەلدەتىپ، حالىققا قولايلى، حالىققا پايدالى اناعۇرلىم كوپ شارانى ورتاعا قويىپ، ەڭ تومەنگى تۇرمىستى قامتاماسىزداندىرۋ، ەرەكشە قيىنشىلىعى بارلاردى باعىپ - قاعۋ، ۋاقىتشا قۇتقارۋ - كومەكتەسۋ سياقتى قوعامدىق قۇتقارۋ ىستەرىن ينتەرنەت جەلىسىندە ٴوتىنىش ەتۋ، ٴبىر جاقتى ەتۋ، تەكسەرۋ سياقتى قىزمەت وتەۋلەردى ورنىقتى اشىپ، قوعامدىق قۇتقارۋ - كومەكتەسۋ كاسىبىن «ٴبىر كنوپكامەن ٴوتىنىش ەتۋدى»، «ٴبىر ينتەرنەت جەلىسىندە تەكسەرۋدى» ىلگەرىلەتىپ، «قول تەلەفون» ارقىلى ٴبىتىرۋدى جۇزەگە اسىرىپ، ينفورماتسيادان كوپ پايدالانىپ، بۇقارانى از سابىلتۋعا مۇمكىندىك جاساۋدى ٴۇمىت ەتەمىن.
موڭعۇلكۇرە اۋدانى دۇنيە جۇزىلىك دەڭگەيدەگى قار ـ مۇز ساياحاتىنداعى كوزەۋلى جەرگە اينالدىرۋدى قاجەت ەتەدى
وبلىستىق ساياسي كەڭەستىڭ مۇشەسى، موڭعۇلكۇرە اۋداندىق ساياسي كەڭەس پارتيا باسشىلىق گرۋپپاسىنىڭ
ورىنباسار شۋجيى، ٴتوراعاسى بەردىبەك تۇرسىنباي ۇلى
تاياۋ جىلداردان بەرى، موڭعۇلكۇرە اۋدانى «مەملەكەتتىك جالپى وڭىرلىك ساياحاتتان ۇلگى كورسەتۋ رايونىن» دامىتۋ بازاسى مەن ايگىلى ماركا باسىمدىعىن تولىق ساۋلەلەندىرىپ، «جۇڭگو تۇلپار مەكەنى» دەگەن حالىقارالىق ماركانى بار كۇشپەن ايگىلەدى. سونىمەن بىرگە، موڭعۇلكۇرە اۋدانىنىڭ قار ساپاسى جاقسى، دۇنيە جۇزىلىك دەڭگەيدەگى قار - مۇز ساياحاتىنىڭ كوزەۋلى جەرىن قالىپتاستىرۋ سىندى وڭىرلىك باسىمدىققا يە.
قار - مۇز بايلىعىنىڭ جالپىلىق جوباسى، قار - مۇز ساياحاتىنىڭ كاسىپتىك دارىندىلارى كەمشىل بولۋ سياقتى قار - مۇز ساياحاتىنىڭ جوعارى ساپالى دامۋىنا تۇساۋ بولاتىن ماسەلەلەر مەن ولقىلىقتارعا قاراتا مىناداي ۇسىنىسىمدى ورتاعا قويامىن: قار - مۇز سپورتىنداعى قۋاتتى ولكەلەرمەن سەلبەستىك مەحانيزمىن ورناتۋدى جەدەلدەتىپ، قار - مۇز ساياحاتى جۇيەسىن ورناتۋ، كاسىپ سالاسىن جوبالاۋ، بازار اشۋ، جارىس ىستەرىن وتكىزۋ، دارىندىلاردى باۋلۋ سياقتى جان - جاقتى تىعىز بايلانىستى جۇزەگە اسىرۋ كەرەك. جالپى حالىقتىق قار - مۇز ساياحاتىن جالپىلاستىرىپ كەڭەيتىپ جالپى حالىقتىق دەنە شىنىقتىرۋدىڭ «قار - مۇز ماۋسىمى» قيمىلىن ۇدايىلاندىرىپ وتكىزىپ، بۇقارانى قار - مۇز سپورتىنا جابال ات سالىسۋعا جەتەكتەۋ كەرەك. قار - مۇز ساياحاتى دارىندىلارىن باۋلۋ تەبىنىن ارتتىرىپ، كوپ ساتىلى باۋلۋ جانە باعالاۋ مەحانيزمىن ورناتىپ، دارىندىلاردى باۋلۋ، تاڭداپ ٴوسىرۋ، مىندەتكە قويۋ، قىزمەت ورنىن ورنالاستىرۋ سياقتى جاقتاردا «كەشەندى شارالاردى» ويداعىداي اتقارۋ كەرەك. قار - مۇز سپورتى مەن ساياحات كاسىبىنىڭ توعىسپالى دامۋىن ىلگەرىلەتىپ، «ەكولوگيالىق سەيىل - سەرۋەن+ قىسقى ساياحات» سىندى وزگەشە ەرەكشەلىككە يە دەنە تاربيە ساياحات ايگىلى ماركاسىن قالىپتاستىرىپ، «قار - مۇز ساياحاتى+ جىلقى شارۋاشىلىعى+» بازاسى قۇرىلىسىنا قولداۋ كورسەتىپ، ساياحات اينىمالى جەلىسىندە جىلقى نەگىزگى تاقىرىپتىق فاكتور قۇرىلىسىنا جەتەكشىلىك ەتىپ جانە سۇيەمەلدەپ، «قار - مۇز ساياحاتى + جىلقى شارۋاشىلىعى+» جاڭا كاسىپ كۇيى شوعىرلانعان اۋماقتا جاڭالىق اشۋ كەرەك. قار - مۇز ساياحاتى حاۋىپسىزدىگىن باقىلاۋ - باسقارۋدى كۇشەيتىپ، قار - مۇز ساياحاتى حاۋىپسىزدىگىن باقىلاۋ - باسقارۋ جۇيەسىن ۇزدىكسىز كەمەلدەندىرۋ كەرەك.
ٴتۇيىندى ينفورماتسيا نەگىزدىك قۇرىلعىلارى مەن ماڭىزدى ينفورماتسيا جۇيەسىنىڭ حاۋىپسىزدىگىن قورعاۋ كۇشەيتىلسە
وبلىستىق ساياسي كەڭەستىڭ مۇشەسى، ىلە وبلىستىق پارتكوم ۇگىت ٴبولىمىنىڭ ورىنباسار باستىعى، وبلىستىق پارتكوم ينتەرنەت حاۋىپسىزدىگى جانە ينفورماتسيالاندىرۋ
كوميتەتى كەڭسەسىنىڭ مەڭگەرۋشىسى، وبلىستىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى لي گاڭ
ينفورماتسيا حاۋىپسىزدىگى مەملەكەتتىڭ حاۋىپسىزدىگىنە، مەملەكەت جوسپارىنا جانە حالىق تۇرمىسىنا سايادى، ماڭىزدى ينفورماتسيا جۇيەسى مەن ٴتۇيىندى ينفورماتسيا نەگىزدىك قۇرىلعىلارىن قورعاۋ قىزمەتىن ويداعىداي ىستەۋ توتەنشە ماڭىزدى، ينتەرنەتتىڭ جاڭا تەحنيكاسىنان پايدالانىپ ەكونوميكا مەن قوعامنىڭ جوعارى ساپالى دامۋىن جەبەۋ، ينتەرنەت حاۋىپسىزدىگى ۋاقيعالارىنىڭ تۋىلۋىنان، ساندى مالىمەتتىڭ اشكەرەلەنۋى سياقتى حاۋىپ ـ قاتەرلەردەن ساقتانۋ جانە ونى جويۋ جونىنەن كەلەلى ماڭىز الادى.
وبلىسىمىزدىڭ توراپ حاۋىپسىزدىگىن قورعاۋ تانىمى جەتەرسىز بولۋ، توراپ حاۋىپسىزدىگىن قامتاماسىزداندىرۋ قۋاتى ٴالسىز بولۋ سياقتى ماسەلەلەرگە قاراتا مىناداي ۇسىنىسىمدى ورتاعا قويامىن: توراپ حاۋىپسىزدىگىن جان - جاقتى جونگە سالۋدى كۇشەيتىپ، ٴبىر تۇتاس جوسپارلاپ سايكەستىرۋ، باقىلاۋ - باسقارۋ قىزمەت تەبىنىن ارتتىرۋ، بىرلەسىپ كۇش سالۋ قىزمەت جاعدايىن قالىپتاستىرىپ، توراپ حاۋىپسىزدىگى قالتقىسىن بىرگە بەكەمدەۋ كەرەك. توراپ حاۋىپسىزدىگىن قامتاماسىزداندىرۋعا قوسىلىمدى ارتتىرىپ، كاسىپتىك باسقارۋعا جاۋاپتى تاراۋلاردىڭ قاجەتتى توراپ حاۋىپسىزدىگى جابدىقتارىن ساتىپ الۋىنا قولداۋ كورسەتىلىپ، كاسىپتىك پايدالاناتىن جانە تەحنيكالىق كۇتىمدەۋشىلەردى سەپتەۋ نەمەسە تولىمدىلىعى بار كاسىپتىك قۇرىلىمدارعا قورعاۋ قامتاماسىزداندىرۋدى اماناتتاپ، ينفورماتسيا جۇيەسىنىڭ باياندى، حاۋىپسىز، ورنىقتى بولۋىنا كەپىلدىك ەتۋ قاجەت. ينتەرنەت حاۋىپسىزدىگى ماماندارىن باۋلىپ، باعىتتامالى قىزمەتكە قابىلداۋ، دارىندى ەنگىزۋ، اۋىس - كۇيىس جاساسۋ ارقىلى تاربيەلەۋدەي كوپ ٴتۇرلى تاسىلدەرمەن ينتەرنەت حاۋىپسىزدىگى جانە ينفورماتسيالاندىرۋ دارىندىلارىن تولىقتاۋ، باۋلۋ، قىزمەتكە قويۋ كەرەك. ينتەرنەت حاۋىپسىزدىگى جونىندە ۇگىت ـ تاربيە ورىستەتىپ، ينتەرنەت جەلىسىندە جانە جەلىدەن تىس ينتەرنەت حاۋىپسىزدىگى زاڭى، ٴتۇيىندى ينفورماتسيا نەگىزدىك قۇرىلعىلارىنىڭ حاۋىپسىزدىگىن قورعاۋ ەرەجەسى سياقتى زاڭ ـ ەرەجەلەردى كۇش سالا ۇگىتتەپ، ينتەرنەت حاۋىپسىزدىگىندەگى تيپتىك دەلولارىنا تالداۋ جاساپ، ينتەرنەت حاۋىپسىزدىگىن قورعاۋ جانە ودان ساقتانۋ بىلىمدەرىن جالپىلاستىرىپ، ۇگىتتىڭ قامتۋ كولەمىن ۇزدىكسىز كەڭەيتۋ، تۇتاس قوعامنىڭ ينتەرنەت حاۋىپسىزدىگى جونىندەگى زاڭدىق تانىمىن جوعارىلاتۋ كەرەك.
ىلەنىڭ وزگەشە وڭىرلىك ابزالدىعىنا سۇيەنىپ، اۋىل شارۋاشىلىق ونىمدەرىن ەكسپورت ەتۋ جەدەل ىلگەرىلەتىلسە
وبلىستىق ساياسي كەڭەستىڭ مۇشەسى، ىلە وبلىستىق جىبەك جولى ەكونوميكالىق بەلدەۋى ساۋدا ىستەرىن زەرتتەۋ ورتالىعىنىڭ مەڭگەرۋشىسى لي سىگۇڭ
ىلە وبلىسىنىڭ وزگەشە وڭىرلىك ابزالدىعى مەن بايلىق ابزالدىعىن سۇيەنىش ەتە وتىرىپ، «ٴبىر بەلدەۋ، ٴبىر جول» جانە جاڭا داۋىردەگى باتىس ٴوڭىردى قاۋىرىت اشۋ كەلەلى ستراتەگيالىق ورايىن مىقتى يگەرىپ، قورعاس ەكونوميكالىق اشۋ رايونىن باستاماشى ەتىپ، سىرتقى ساۋدانى بەلسەنە كەڭەيتىپ، اۋىل شارۋاشىلىق ونىمدەرىن ەكسپورت ەتۋدە ٴبىر شاما دامۋ اۋقىمى جارىققا شىقتى.
كەزەكتە وبلىسىمىزدىڭ اۋىل شارۋاشىلىق ونىمدەرىن ەكسپورت ەتۋدە ٴالى دە ٴوندىرىستى كولەمدەندىرۋ، شوعىرلاندىرۋ، ولشەمدەندىرۋ ورەسى تومەن بولۋ، جەرگىلىكتى ٴونىم ايگىلى ماركاسىن جاراتۋ جەتەرسىز بولۋ سياقتى ماسەلەلەر ورىن تەۋىپ وتىر. بۇل جونىندە مىناداي ۇسىنىستاردى ورتاعا قويامىن: دامۋ جوباسى ويداعىداي جاسالىپ، جەرگىلىكتى ونىمدەردى ەكسپورت ەتۋ جوعارى دەڭگەيدە جوبالانسا؛ باقشا رايونى وزىق تەحنيكا جابدىقتارىن ەنگىزۋگە شابىتتاندىرىلىپ، كاسىپورىنداردىڭ ونىمدە جاڭالىق جاراتۋىنا، زەرتتەۋ، جوبالاۋىنا، ايگىلى ماركانى جەتىلدىرۋىنە جانە ولشەم بەلگىلەۋىنە قولداۋ كورسەتىلسە. «ٴبىر بەلدەۋ، ٴبىر جول» حالىقارالىق سەلبەستىكتى تەرەڭدەتىپ، اسىرەسە، ورتا ازياداعى 5 ەلمەن سەلبەستىك ورناتىپ، جەرگىلىكتى ونىمدەردى ەكسپورت ەتۋ قۇرىلىمىن ساپالىلاندىرىپ، ەكسپورت ساۋداسى ونىمدىلىگىن جوعارىلاتىپ، جەرگىلىكتى ونىمدەر ەكسپورت بازاسىنىڭ ورنالاسۋى ساپالىلانسا. بازالاردى كۋالاندىرۋدى ويداعىداي ىستەپ، اۋىل شارۋاشىلىق ٴوندىرىسىنىڭ ۇيىمداستىرۋ دەڭگەيىن جوعارىلاتىپ، «باستاماشى كاسىپورىن+ بازا+ سەلبەستىك كوۆپەراتيۆى+ شارۋا وتباسى» تيجارات ۇلگىسىن ىلگەرىلەتىپ، كولەمدەندىرۋ، شوعىرلاندىرۋ، ماشينالاندىرۋ جولى جالپىلاستىرىلسا. زالالسىز، جاسىل، ورگانيكالى ازىقتاردى كۇش سالا دامىتۋ، كوپ ٴتۇرلى ونىمدەردى ۇزدىكسىز ٴوندىرۋ، ايگىلى ماركا جاراتۋ ارقىلى ٴوندىرىستى، دامۋدى ىرگەلەندىرۋگە ىزدەنىس جاسالىپ، ىلەنىڭ «التىن ارنا» ماركاسى جاراتىلسا. ٴبىر توپ قابىلەتى كۇشتى، ساپاسى جوعارى سىرتقى ساۋدا دارىندىلارى جەتىلدىرىلىپ؛ ٴبىر توپ ەكونوميكانى بىلەتىن، سىرتقى ساۋدانى تۇسىنەتىن، ٴبىر شاما كۇشتى ٴورىس اشۋ قابىلەتىنە يە سىرتقى ساۋدا ەكونوميكاسى، ساۋداسىن باسقارۋ كادرلارىن جەتىلدىرۋ مىقتى يگەرىلسە.
ساياسي كەڭەس مۇشەلەرىنىڭ قىزمەت پۋنكتى قۇرىلىسى كۇشەيتىلىپ، كەڭەستىك دەموكراتيانىڭ نەگىزگى ساتىعا قاراي كەڭەيۋى ۇزدىكسىز ىلگەرىلەتىلسە
وبلىستىق ساياسي كەڭەستىڭ مۇشەسى، كۇيتۇن قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى تيان شينمەي
سوڭعى جىلداردان بەرى اۆتونوميالى وبلىستىق ساياسي كەڭەس مۇشەلەرىنىڭ ٴار سالاداعى بۇقارامەن بايلانىس جاساۋ قىزمەتىنە باسا ٴمان بەرىپ، وبلىسقا توتە قاراستى ٴبىر ٴبولىم اۋدان - قالالاردا «ساياسي كەڭەس مۇشەلەرى قىزمەت پۋنكتىن» ٴتۇيىندى سىناق ەتۋ قىزمەتىن ورىستەتىپ، مۇشەلەردىڭ ٴار سالاداعى بۇقارامەن بايلانىس جاساۋىنداعى ٴورىسىن، قامتۋىن، جيىلىگىن، ونىمدىلىگىن كۇش سالا كۇشەيتىپ، كەڭەستىك دەموكراتيانىڭ نەگىزگى ساتىعا قاراي كەڭەيۋىن ىلگەرىلەتتى. ٴبىراق ناقتى اماليات بارىسىندا كەيبىر جەتەرسىزدىكتەر مەن ماسەلەلەر ٴالى دە ورىن تەۋىپ وتىر.
بۇل جونىندە مىناداي ۇسىنىس بەرەمىن: «مۇشەلەردى تومەنگە ٴتۇسىرۋ» سىندى قوس باعىتتا كۇش سالىپ، «قالانى جاپپاي قامتۋ، مۇشەلەر تەگىس ىرگە تەبۋ، قىزمەت ساپاسىن تۇگەلدەي ٴوسىرۋ» نىساناسىن ارقاۋ ەتىپ، «ٴتورت تۇردەگى» ساياسي كەڭەس مۇشەلەرى قىزمەت پۋنكتىن قۇرۋ ىلگەرىلەتىلسە؛ ساياسي كەڭەس مۇشەلەرىنىڭ قىزمەت پۋنكتى سىندى دانەكەردەن پايدالانىپ، پارتكومنىڭ، ۇكىمەتتىڭ قالا مەن اۋىلدىڭ ەكونوميكا، حالىق تۇرمىسى، حاۋىپسىزدىك، باسقارۋ سياقتى رەفورما، دامۋ ماسەلەلەرىن جاقىن ماڭدا شەشۋىنە كومەك بەرىلسە. اينالىمدى قامتاماسىز ەتۋدىڭ باياندى مەحانيزمى اقاۋسىزداندىرىلىپ، مىندەت وتەۋدىڭ تۇيىق اينالىمىن ساياسي كەڭەس مۇشەلەرىنىڭ قىزمەت پۋنكتىنىڭ تۇتاس بارىسىمەن ساباقتاستىرىلىپ، قىزمەت ٴتارتىبى ۇزدىكسىز ساپالىلاندىرىلىپ، جەتىستىكتەر كادەگە جاراتىلسا. ساياسي كەڭەس ٴتوراعالار ٴماجىلىسىن مەرزىم بويىنشا اشىپ، پۋنكت تۇيىندەرىنىڭ قيمىلىن ورنالاستىرۋ، قامتاماسىزداندىرۋ شارالارى سياقتىلار جونىندە ايقىن تالاپتار، ولشەم كورسەتكىشتەرى ورتاعا قويىلسا. ساياسي كەڭەس مۇشەلەرىنىڭ قىزمەت پۋنكتتەرى «3 تىزىمدىكتى» ياعني ٴار سالاداعى بۇقارانىڭ سۇرانىس تىزىمدىگىن، مۇشەلەر مەن پۋنكت - تۇيىندەردىڭ بايلىق تىزىمدىگىن، جىلدىق نىسان تىزىمدىگىن جاساپ ٴارى ونى پارتكومنىڭ وزەكتى مىندەتىمەن، ساياسي كەڭەستىڭ جىلدىق تاقىرىبىمەن، بۇقارانىڭ قاجەتىمەن ۇشتاستىرىپ، كەڭەسۋ قيمىلى بارىسىندا ماسەلەلەردى نەگىزگى ساتىدا شەشۋگە كۇش سالىنسا.