سۋرەتتە: قىزمەت اترەتىنىڭ مۇشەلەرى تۇرعىندارعا تۋۋ رۇقسات كۋالىگىن بىتىرۋدە.
حان شاشا فوتوسى
ٴتىلشىمىز حان شاشا حابارلايدى. 1 - ايدىڭ 24 - كۇنى ٴتىلشى قۇلجا شەكارا ەكونوميكالىق سەلبەستىك رايونى نيڭيۋان الەۋمەتتىك اۋماعىنا بارعاندا، ول ارانىڭ ورتاسى تازا ءارى رەتتى ەكەنىن كوردى. قارتتاردى ۇيدە كۇتىمدەۋ - قىزمەت وتەۋ ورتالىعىندا ٴار ۇلت تۇرعىندارىنىڭ ٴان ايتىپ، ٴبي بيلەپ، جۇزدەرىنەن باقىت لەبى ەسكەنىنە كۋا بولدى.
الەۋمەتتىك اۋماقتىڭ تۇرعىنى ۋي ليڭجي الەۋمەتتىك اۋماقتا تۋىلعان وزگەرىستەردى تىلگە تيەك ەتىپ: «قىزمەت اترەتى كەلگەننەن كەيىن الەۋمەتتىك اۋماقتاعى نەگىزگى ساتى پارتيا ۇيىمى اناعۇرلىم كۇشەيدى، تۇرعىندار يدەيالىق جاقتان كوتەرىڭكى بولدى، شاعىن اۋماقتىڭ ورتاسى اناعۇرلىم جاقسارىپ، تۇرعىنداردىڭ مادەني تۇرمىسى اناعۇرلىم بايىدى. بۇل وزگەرىستەردى قۇلجا قالالىق جەر بايلىعى مەكەمەسىنىڭ نيڭيۋان الەۋمەتتىك اۋماعىندا تۇراتىن 〈ۇعىسۋ، تيىمدىلىك جاساۋ، توعىستىرۋ〉» قىزمەت اترەتىنىڭ ەڭبەگىنەن بولە قاراۋعا بولمايدى» دەدى.
بۇل قىزمەت اترەتى تۇرعىنداردىڭ «قىزمەت اترەتىنىڭ مۇشەلەرى بىزگە پاردىڭ ىستىق بولماۋ ماسەلەسىن شەشىپ بەردى، راقىمەت!» «قىزمەت اترەتىنىڭ يىنحى شاعىن رايونى تۇرعىندارىنىڭ ٴتول مۇددەسىنە كوڭىل بولگەنىنە العىس ايتامىز» دەگەن سياقتى العىس بىلدىرگەن ينفورماتسيالارىن تاپسىرىپ الدى.
2018 ـ جىلى 8 ـ ايدان بەرى يىنحى شاعىن اۋماعىنىڭ تۇرعىندارى الەۋمەتتىك اۋماققا بارىپ، شاعىن اۋماقتىڭ سۋ، ەلەكتر، جىلۋ، ٴورت ٴوشىرۋ سياقتى جاقتاردا ورىن تەۋىپ وتىرعان ماسەلەلەرىن اڭىس ەتسە دە، باستان - اياق شەشىمىن تاپپاعان.
«ٴسوز جوق، وسى ماسەلەلەردى بار كۇشپەن شەشۋ كەرەك، بىردە ـ ٴبىر وتباسىنىڭ جىلۋدان ويداعىداي يگىلىكتەنە الماۋىنا بولمايدى، ٴۇي ـ جاي كۋالىگى ماسەلەسىنە بولا بالانىڭ وقۋىن توسۋعا ٴتىپتى دە بولمايدى». قىزمەت اترەتى قيىنشىلىققا قارسى اتتانىپ، تالاي رەت جاعداي ۇعىسىپ، ٴۇي ـ جاي سەرىكتىگىمەن، قوجالىق سەرىكتىگىمەن، سونداي ـ اق تۇرعىندارمەن بايلانىس جاساپ، قالا دارەجەلى كوتەرمەگە الىپ بايلانىس جاسايتىن باسشىلارمەن پىكىر اۋىستىرىپ، تۇرعىن ٴۇي جانە قالا – اۋىل قۇرىلىسى مەكەمەسى، جوبالاۋ، ٴورت ٴوشىرۋ، ورتتەن ساقتانۋ، ەلەكترمەن قامداۋ، جىلۋمەن قامداۋ سياقتى قاتىستى تاراۋلاردى سايكەستىرۋ ٴماجىلىسىن اشۋعا ۇيىمداستىرىپ، ماسەلەنى اقىلداسىپ، تۇرعىنداردىڭ جىلۋ ماسەلەسىن شەشىپ، بىردە ـ ٴبىر بالانىڭ وقۋىنا ىقپال كەلتىرمەدى.
قىزمەت اترەتى وتباسىلارىن ارالاۋ بارىسىندا شاعىن اۋماقتىڭ الەۋمەتتىك قيمىل ٴۇيى جوق ەكەنىن، تۇرعىنداردىڭ كاسىپتەن سىرتقى مادەني تۇرمىسىنا قولايسىزدىعىن ءبىلدى. قاراستى رايونداعى 2 مىڭنان استام قارتتىڭ كوڭىل اشۋ ورنى بولۋى ٴۇشىن، قىزمەت اترەتى 800 شارشى مەترلىك جەردى جوندەپ، قالالىق حالىق ىستەرى مەكەمەسىمەن بىرگە قارتتاردى كۇتىمگە الۋ قىزمەت وتەۋ ورتالىعىن قۇرىپ، «لانتيان الەۋمەتتىك اۋماق قىزمەتكەرى»، سونداي ـ اق «وتباسىنىڭ وپالى پەرزەنتى» سياقتى الەۋمەتتىك يگىلىك ۇيىمدارىن قاراستى رايونداعى قارتتارعا قىزمەت وتەۋگە ەنگىزىپ، قارتتاردىڭ رۋحاني - مادەني تۇرمىسىن بايىتتى.
ۋي ليڭجي بىلاي دەدى: «بۇرىن ٴبىز سىرتتا قيمىل جاساعاندا، اۋا رايى وزگەرىسىنىڭ ىقپالىنا ۇشىرادىق. قازىر قارتتاردى كۇتىمگە الۋعا قىزمەت وتەۋ ورتالىعىندا قيمىل جاسايمىز، بۇعان ريزامىز. ٴار اپتانىڭ سوڭىندا كوپشىلىك وسى اراعا كەلىپ ٴان ايتىپ، ٴبي بيلەيدى، شاحمات وينايدى، بالالار كىتاپ، گازەت وقيدى، ٴبي ۇيىرمەسىندەگىلەر امبەباپ قيمىل ۇيىندە بۇرالا بيگە باسادى».
«قارتتاردى كۇتىمگە الۋعا قىزمەت وتەۋ ورتالىعىندا اۋا رەتتەگىش بار، ٴبىز بۇل ارانى ۇناتامىز» دەدى تۇرعىن ليۋ شاۋجۇن.
نيڭيۋان الەۋمەتتىك اۋماعىنىڭ ٴبىرىنشى شۋجيى، قىزمەت اترەتىنىڭ باستىعى ياڭ ي بىلاي دەدى: 3 جىلدان بەرى قىزمەت اترەتىنىڭ مۇشەلەرى مەن الەۋمەتتىك اۋماق كادرلارى الەۋمەتتىك اۋماقتى تۇگەل ارالاپ، تۇرعىندارمەن اڭگىمەلەسىپ، تۇرمىس جاعدايلارىن ۇعىسىپ، اۋقاتتانۋدى تىلگە تيەك ەتىپ، تۇرعىندار اڭىس ەتكەن قيىنشىلىقتار مەن تالاپتاردى ەستەلىك داپتەرلەرىنە جازىپ، شەشۋگە ءتيىستى ماسەلەلەردى ناق مايداندا شەشتى، ۋاعىندا شەشۋگە بولمايتىندارىن الەۋمەتتىك اۋماق «ەكى كوميتەتىمەن» اقىلداسىپ شەشتى. قازىر تۇرعىندار ٴۇشىن 2 مىڭنان استام ناقتى، جاقسى ٴىس ىستەلىپ، مىڭعا جۋىق ٴتۇرلى قيىنشىلىق پەن ارىز ـ ارمان شەشىلدى.