汉文 ىلە اقپارات تورابىنا حوش كەلدىڭىزدەر!
كوكتەم مەرەكەسى سىزدەرمەن شۋاقتى
2021-02-19 16:40:51     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 

   جۇرگىزۋشى: انار بۇلت / شينجياڭ گازەتىنىڭ ءتىلشىسى چاۋ جين

 

    ءار ۇلت بۇقاراسى مەرەيلى كوكتەم مەرەكەسىن شات - شادىمان وتكىزىپ جاتقان كەزدە ءبىر توپ ادام ءۇن - ءتۇنسىز قىزمەت ورنىنان تاپجىلماي، جاپالى ەڭبەكتە بولدى. ولار اۋەلگى ماقساتتان بۇلجىماي، بورىشتى ارقالاپ، ”14 - بەسجىلدىقتىڭ“ جاڭا ساپارىندا قالتقىسىز ۇلەس قوسىپ، حالىق ءۇشىن شىنايى قىزمەت ىستەپ، حالىق بۇقاراسىنىڭ باقىتتى دا تاماشا تۇرمىسى ءۇشىن ۇزدىكسىز كۇرەس جۇرگىزدى.

    دەنساۋلىقتى قورعاۋ جولىندا دامىل تاپپادى

    بايلانىس جاساۋشى: انار بۇلت / شينجياڭ گازەتىنىڭ ءتىلشىسى سۋ لۋپيڭ

    بىلتىر 1 - ايدىڭ 28 - كۇنى كوكتەم مەرەكەسىنىڭ 4 - كۇنى اۆتونوميالى رايوندىق جۇڭي شيپاحاناسى ىشكى اۋرۋلار 4 - ءبولىمىنىڭ سەسترالار باستىعى لي يۋانيۋان شينجياڭنان 1 - توپتا حۋبەيعا كومەككە بارعان ەمدەۋ اترەتىمەن بىرگە ۋحان داشۋەسى حالىق شيپاحاناسىنىڭ شىعىس شيپاحاناسىنا بارىپ، ەمدەۋ اترەتىندەگى باسقا اترەت مۇشەلەرىمەن، سونداي - اق جەرگىلىكتى ەمدەۋ قىزمەتكەرلەرىمەن بىرگە ساقتانۋ - تىزگىندەۋ ءتارتىبىن ناقتىلاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستاردى قۇتقارىپ ەمدەدى. بيىل كوكتەم مەرەكەسىندە لي يۋانيۋان ءباز - باياعىسىنداي قىزمەت ورنىندا بولۋدى تاڭدادى...

    كوكتەم مەرەكەسىنىڭ 1 - كۇنى تاڭەرتەڭ ەرتە ەمدەۋ قىزمەتكەرلەرىنىڭ تىلەگىن الىپ لي يۋانيۋان مەن قىزمەتتەستەرى شەكىلدەۋىك، جەمىس - جيدەكتەردى 20 نەشە ناۋقاستىڭ قولىنا جەتكىزدى. ”كوكتەم مەرەكەسى قۇتتى بولسىن!“. ءوزارا تىلەك تىلەۋدەن كەيىن لي يۋانيۋان جانە قايتالاپ ەسكەرتىپ جاتتى: ”اپاي، ماسكىڭىزدى دۇرىستاپ تاعىپ الىڭىز!“، ”اعاي، مەرەكە دەگەنمەن دە تاماقتى مايسىز جەگەنىڭىز ءجون“.

    كوكتەم مەرەكەسىنىڭ 2 - كۇنى لي يۋانيۋان ”جىلجىمالى قىزمەتكە“ كەزەكشى بولدى. بۇل بالنيتسا اۋماعىندا ناۋقاستارعا قارايلاسۋعا ۇقسامايدى، بۇل كۇنى شۇعىل ەمدەۋ - قۇتقارۋعا قاتىناسۋمەن بىرگە، ول جانە عيماراتقا جۇگىرىپ شىعىپ - ءتۇسىپ، ”ولقىلىقتار ىزدەيدى“، شۇعىل قۇتقارۋ ورتالىعى، امبولاتوريا عيماراتى، عىلمي زەرتتەۋ عيماراتى... ءاربىر قاباتتىڭ بارىنە بارۋ كەرەك. لي يۋانيۋاندى قۋاندىرعانى سول، 2 - ايدىڭ 13 - كۇنى ساعات 10دا كەزەكشىلىكتى العاننان 2 - ايدىڭ 14 - كۇنى ساعات 14تە كەزەكشىلىك اۋىستىرعانعا دەيىن بىرنەشە عيماراتتا ارلى - بەرلى شاپقىلاپ تەكسەرۋ جۇرگىزگەندە، ەشقانداي ماسەلە بايقالعان جوق. ”وسى رەتكى كوكتەم مەرەكەسىندە كوپشىلىكتىڭ بارلىعىنىڭ امان - ساۋ بولۋىن تىلەيمىن“.

    قىزمەت ىستەگەلى كوپ جىل بولعان لي يۋانيۋان دا قىزمەتتەستەرى سياقتى كوكتەم مەرەكەسىن ءبىر رەت تە تولىق وتكىزىپ كورگەن ەمەس، باسىم كوپ ۋاقىتىندا قىزمەت ورنىنان تاپجىلماي ناۋقاستارعا قارايلاستى. ول جونىنەن ايتقاندا، كوكتەم مەرەكەسى كۇندەلىكتى قىزمەتكە شىعۋمەن بىردەي. بيىلعى كوكتەم مەرەكەسىنىڭ باسقا كەزدەن ۇقسامايتىنى سول، حۋبەيعا كومەككە بارىپ، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىن ەمدەۋ - قۇتقارۋ قىزمەتىنە قاتىناسقان لي يۋانيۋان جايشىلىقتاعى كۇندەردىڭ وڭاي - وسپاق قولعا كەلمەگەنىن جانە ەمدەۋ قىزمەتكەرلەرىنىڭ بورىش - جاۋاپكەرشىلىگىن اناعۇرلىم سەزىنە ءتۇستى. ”مەرەكە - مەيرام بولعان سايىن، قىراعىلىقتى جوعارىلاتۋ كەرەك، ىندەتتەن ساقتانۋ - تىزگىندەۋدى ۇدايىلاندىرۋدى تىڭعىلىقتى ىستەۋ كەرەك“، - لي يۋانيۋان بىلاي دەدى: رۋحتى تولىق سەرپىلتىپ، كوپشىلىكپەن بىرگە بۇقارانىڭ ءومىرى مەن سالاماتتىعىن جاقسى قورعاۋ كەرەك.

    الەۋمەتتىك قاتىناس ءجۇرىس - تۇرىسقا جايلى بولدى

    بايلانىس جاساۋشى: انار بۇلت/ شينجياڭ گازەتىنىڭ ءتىلشىسى ۋي حۇڭپيڭ

    2 - ايدىڭ 12 - كۇنى كوكتەم مەرەكەسىنىڭ 1 - كۇنى تاڭەرتەڭ، ءۇرىمجى قالاسى الەۋمەتتىك قاتىناس جىنباۋ اۆتوبۋز شەكتى سەرىكتەستىگىنىڭ الەۋمەتتىك اۆتوبۋز شوفەرى گۋ شياڭفىڭ جايشىلىقتاعىداي 2005 - جول الەۋمەتتىك اۆتوبۋزىنىڭ الاڭىنا ءدال ۋاعىندا كەلدى، تازالاۋ بۇيىمدارىن الىپ، ”ەتەنە سەرىگى“ − الەۋمەتتىك اۆتوبۋزدى ىجداعاتتىلىقپەن تازالاپ، زارارسىزداندىرا باستادى.

    بىلتىر ”مەملەكەتتىك ەڭبەك ەرى“ اتاعىنا داڭقپەن يە بولعان گۋ شياڭفىڭ ءار جىلى كوكتەم مەرەكەسىندە قىزمەت ورنىندا تاپجىلماي كەلەدى، اۆتوبۋز ونىڭ 2005 - جول الەۋمەتتىك اۆتوبۋزى جۇرەتىن جول بويىنداعى تۇرعىندارمەن قارىم - قاتىناس تۇعىرىنا اينالدى.

    ”گۋ ۇستاز، جاڭا جىلىڭىز قۇتتى بولسىن!“، ”گۋ ۇستاز، كوكتەم مەرەكەڭىزدى قۇتتىقتايمىن!“... اۆتوبۋزعا شىققان جولاۋشىلار گۋ شياڭفىڭعا توقتاۋسىز جاڭا جىلدىق تىلەكتەر ايتىپ جاتتى. ول اۆتوبۋزدى جۇرگىزىپ كەلە جاتىپ: ”جاڭا جىل قۇتتى بولسىن، جاڭا جىل قۇتتى بولسىن!“ دەپ كۇلە جاۋاپ قاتىپ، ەسەندىك سۇراپ، اۆتوبۋزدى شاتتىق كۇلكىسىنە شومدىردى.

    جىل سايىن كوكتەم مەرەكەسىن الەۋمەتتىك قاتىناستىڭ ءبىرىنشى شەبىندە وتكىزۋ، گۋ شياڭفىڭ ءۇشىن العاندا، ءبىر ءتۇرلى باقىت، ”باس شۋجي شي جينپيڭ باقىت كۇرەستەن كەلەدى دەدى. بيىل سيىر جىلى، وگىز ەڭبەكقورلىقتىڭ، ۇلەس قوسۋدىڭ، ۇدەرە العا ىلگەرىلەۋدىڭ سيمۆولى، مەن كومپىس وگىز رۋحىن ساۋلەلەندىرىپ، قالا حالقىنىڭ ءجۇرىس - تۇرىسىنا ءتىپتى جاقسى قىزمەت وتەپ، كوپشىلىكتىڭ ساپارىنىڭ حاۋىپسىز، جايلى بولۋىنا مۇمكىندىك جاسايمىن“.

    حىسۋان تەكسەرۋدە ”جۇمىس ورنىنان تاپجىلمادى“

   بايلانىس جاساۋشى: انار بۇلت / شينجياڭ گازەتىنىڭ ءتىلشىسى يۇي مىڭران

    ”اپاي، جاڭا جىلىڭىز قۇتتى بولسىن، اۋزىڭىزدى اشىڭىز...“ 2 - ايدىڭ 13 - كۇنى تۇستەن بۇرىن قورعانۋ كيىمىن كيگەن شينجياڭ مەديتسينا داشۋەسىنە قاراستى 2 - شيپاحانانىڭ قىزۋ امبولاتورياسىنىڭ سەسترالار باستىعى جاڭ جيا كىشكەنتاي تاياقشانى تەكسەرۋ وبيەكتىسىنىڭ كومەكەيىنە يكەمدىلىكپەن جۇگىرتىپ ۇلگى الدى.

    كوكتەم مەرەكەسى كەزىندە حىسۋان تەكسەرۋدىڭ ”تەكسەرتۋدى قالاعانداردى قالدىرماي تەكسەرۋ، تەكسەرۋگە تيىستىلەردى قالدىرماي تەكسەرۋ“ قىزمەت نىساناسىن ويداعىداي تياناقتاندىرۋ ءۇشىن، شينجياڭ مەديتسينا داشۋەسىنە قاراستى 2 - شيپاحانا 24 ساعات بويى ”جۇمىس ورنىنان تاپجىلماي“ حىسۋان تەكسەرىپ، بۇقاراعا قولايلى قىزمەت وتەدى.

    ”قىزمەتتەستەرىمنىڭ بارلىعى ىرىقتىلىقپەن ءوتىنىش ەتىپ، قىزمەت ورىندارىندا ءوز ەرىكتەرىمەن تابانداپ تۇردى“. جاڭ جيا بىلاي دەدى: ادەتتەگى كۇندەر تابانداپ تۇرۋدى قاجەت ەتەدى، ەرەكشە كۇندەردە جاۋاپكەرشىلىك ارقالاۋعا ءتيىسپىز، ءبىر ەمدەۋ قىزمەتكەرى رەتىندە، مەرەكە، دەمالىس كۇندەرى دەمالماۋ قالىپتى جاعداي، - دەدى.

    ”مەن كەزەكشىلىك ىستەيتىن حىسۋان تەكسەرۋ تۇيىنىندە شيپاحانا دايىندىق قىزمەتتەردى الدىن الا ويداعىداي ىستەدى“. جاڭ جيا بىلاي دەپ تانىستىردى: ”ۇلگى الۋ كەزىندە دالمە - ءدال بولۋدى ورىنداۋ ءۇشىن تەكسەرۋ وبيەكتىلەرىنە اۋزىن ۇلكەن اشۋدى ەسكەرتىپ قالماستان، ءوزىم دە بارىنشا دەن قويدىم. جۇتقىنشاقتى سۇركەپ ۇلگى الۋ 10 نەشە سەكۋند بولعانىمەن، الايدا ءار رەتكى ۇلگى الۋ، ءسوز جوق، دالمە - ءدال، اعاتسىز بولۋ كەرەك“.

    جاڭ جيا بىلاي دەدى: ”سيىر جىلى ەلپەك وگىز رۋحىن ساۋلەلەندىرۋ، ءبىز جونىنەن العاندا، جىلدام، ءساتتى تۇردە حىسۋان تەكسەرۋىن جۇرگىزۋگە شىنايى كەپىلدىك ەتىپ، بۇقارانىڭ سالاماتتىعى ءۇشىن حاۋىپسىزدىك ساقتىق شەبىن بەكەمدەۋ بولىپ تابىلادى“.

    قالا تازالىعىن ويداعىداي ىستەپ، كوكتەم مەرەكەسىن قارسى الدى

    بايلانىس جاساۋشى: انار بۇلت / شينجياڭ گازەتىنىڭ ءتىلشىسى جاۋ يۋە

    2 - ايدىڭ 14 - كۇنى تاڭ سارىدە ءۇرىمجى قالاسى تيانشان رايونى ورتا تازالىعى تازالاۋ جانە تاسۋ اترەتىنىڭ ورتا تازالىعى جۇمىسشىسى ۋاڭ دۇڭ قوقىر - قوقسىقتى تازالاۋ - تاسۋ كولىگىن گۋاڭميڭ جولى گۋاڭميڭ سارايى عيماراتىنىڭ الدىنا توقتاتتى. شولاق كوشەگە بۇرىلىپ، تار كەڭىستىكتە كولىكتىڭ باسىن يكەمدى بۇرعان ۋاڭ دۇڭ كولىكتى ”قاتار - قاتار ءتىزىلىپ كۇتىپ تۇرعان“ جاسىل قوقىر - قوقسىق شەلەگىنىڭ جانىنا ورنىقتى توقتاتتى.

    كولىكتەن تۇسكەننەن كەيىن ول كولىكتىڭ جان - جاعىنان ەلەكترلى مەڭگەرۋ ساۋىتىن الىپ شىعىپ، ماشينالى بىلىكتى مەڭگەرىپ، قوقىر - قوقسىق شەلەگىندەگى قوقىر - قوقسىقتى كولىك كەبەجەسىنە توڭكەرىپ سالدى. كوپ وتپەي نەشە ونداعان شەلەك قوقىر - قوقسىق تيەلىپ بولدى. ول مەڭگەرۋ ساۋىتىن جيناپ، كولىگىن جۇرگىزىپ، كەلەسى قوقىر - قوقسىقتى تازالاۋ - تاسۋ تۇيىنىنە قاراي اتتاندى.

    ”كوكتەم مەرەكەسى كەزىندە ورتا تازالىعى جۇمىسشىسى بولعان بىزدەر قار تازالاۋمەن، تۇرمىستىق قوقىر - قوقسىقتى تازالاۋ - تاسۋمەن قاربالاس بولىپ كەتتىك! وسى بىرنەشە كۇندە ءبىز ءار كۇنى تاڭعى ساعات 6دان تۇستەن كەيىنگى ساعات 4 - 5كە دەيىن ىستەيمىز. قاراشى، ۇلكەندى - كىشىلى كوشەلەر تاپ - تازا، ادامدار كوڭىلى جايلانىپ مەرەكەنى وتكىزسە، ءبىز وتە قۋانامىز ءارى تابىس سەزىمىنە كەنەلەمىز“، - دەدى توتىققان جۇزىنەن كۇلكى ەسكەن ۋاڭ دۇڭ.

    54 جاستاعى ۋاڭ دۇڭ ورتا تازالىعى قىزمەتىمەن شۇعىلدانعان 30 جىلدان بەرى ءار جىلى كوكتەم مەرەكەسىنىڭ بارلىعىندا دەمالمادى. ول تىلشىگە: ”بيىل ۇرىمجىدە قالىپ مەرەكەنى وتكىزگەن ادامدار ءبىرشاما كوپ، كوكتەم مەرەكەسىنە قاراعان كۇنى قوقىر - قوقسىق ادەتتەگى كەزبەن سالىستىرعاندا 2 ەسەدەن كوپ بولدى، جۇمىسشى دوستارىممەن بىرگە ۇزدىكسىز قايراتتانا كۇرەس جۇرگىزەمىن“، - دەدى.

    ”قالانىڭ اجارلاندىرۋشىسى رەتىندە، ورتا تازالىعى جۇمىسكەرى بولعان بىزدەر قوعامنىڭ قۇرمەتىنە بارعان سايىن بولەنىپ كەلەمىز. ءبىز تۇرمىس كەشىرىپ جاتقان قالانىڭ جىلدان - جىلعا كورىكتەنىپ كەلە جاتقانىن كورگەنىمىزدە، وتباسىمىزداعىلاردىڭ بارلىعى ءبىزدى وتە تۇسىنەتىن جانە قولدايتىن بولدى!“، - دەدى ۋاڭ دۇڭ.

    ءبىرىنشى شەپتە تاپجىلماي اماندىقتى قورعادى

     بايلانىس جاساۋشى: انار بۇلت / شينجياڭ گازەتىنىڭ ءتىلشىسى سۇي يۇنيان

    2 - ايدىڭ 15 - كۇنى ساعات 11دە اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى جوعارى دارەجەلى تاس جول تارماق اترەتى ءۇرىمجى باتىس ۇلكەن اترەتىنىڭ حالىق ساقشىسى سەرىك قايىم قاراستى وڭىرىندە جولدا مىندەت اتقارىپ، ارى - بەرى قاتىناعان اۆكولىكتەرگە قارقىندى باسەڭدەتىپ باياۋ ءجۇرۋدى ەسكەرتتى. ”بۇگىن قاراستى وڭىردە قاتىناعان كولىكتەر ءبىرشاما كوپ، كەزەكتە G30 ليانيۇنگاڭ - قورعاس جوعارى قارقىندى تاس جولى توۋتۇنحى اقى الۋ پۋنكتىنەن سانپيڭ قىزمەت وتەۋ اۋماعىنا دەيىنگى ارالىقتا تۇمان بار، كوپشىلىككە حاۋىپسىزدىككە كوڭىل ءبولۋدى، الباتى جول وزگەرتپەۋدى ەسكەرتۋگە تۋرا كەلەدى“، - دەدى ول.

    كوكتەم مەرەكەسى دەمالىسى كەزىندە جوعارى قارقىندى تاس جول قاتىناس ساقشىلارى باستان - اياق قىزمەت ورىندارىنان تاپجىلماي اماندىقتى قورعادى. سەرىك قايىم بىلاي دەدى: وسى كۇندەرى قاراستى وڭىردەگى تاس جولدار حاۋىپسىز، ىركىلىسسىز بولدى، تەك ءبىر ءبولىم جول بولىكتەرىندە عانا تاڭەرتەڭ، كەشتە تۇمان بار، كەشە كەشتە باتىس ۆوكزال ايقاسپالى كوپىرىنىڭ ماڭىندا بولماشى بۇرقاسىن بولدى، قاتىناسقا اسا زور ىقپال كورسەتكەن جوق.

    كوكتەم مەرەكەسىنىڭ العاشقى كۇنى تاڭ سارىدە سەرىك قايىم مىندەت اتقارعان كەزدە ءبىر اۆتوكولىكتىڭ قيىندىقتا قالعاندىعىن كورەدى. شوفەر ما X ۋاقىتتىق جۇمىسى شىعىپ قالعاندىعى سەبەپتى اۆكولىگىن جول بويىنداعى اشىق وڭىرگە توقتاتقان - دى. كولىكتى جۇرگىزەر كەزدە اۆتوكولىك وتىرعىسىنا مۇز قاتىپ، دوڭگەلەگى تايىپ قوزعالا الماي قالادى. سەرىك قايىم قىزمەتتەستەرىمەن بىرگە دەرەۋ كۇرەك جانە اۆتوكولىك سۇيرەيتىن ارقان الىپ كەلىپ، اۆتولىكتىڭ استىنا ءۇيىلىپ قالعان قاردى تازالاپ، ساقشى كولىگىمەن كولىكتى قار ۇيىندىسىنەن تارتىپ شىعارادى.

    ”ساقشى اۆتوكولىگىنە ىلگەكتى سىم، اۆكولىك سۇيرەيتىن ارقان، كوتەرگىش، شەلەك سياقتى كومەكتەسۋ - قۇتقارۋدا ۇنەمى ىستەتىلەتىن كەرەك - جاراقتاردىڭ بارلىعى سەپتەلگەن، بۇقارانى ۋايىمنان ارىلتىپ، قيىنشىلىعىن شەشۋگە قاشاندا ءازىرمىز“، - دەدى سەرىك قايىم.