汉文 ىلە اقپارات تورابىنا حوش كەلدىڭىزدەر!
اق حالاتتى پەرىشتە بۇقارانىڭ اقاۋسىزدىعىن قورعاپ، جەلىدە ناۋقاس كوردى
2021-03-04 11:36:35     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

 

    ٴتىلشىمىز شى شۋەحۇڭ، پراكتيكانت تىلشىلەر باعلان شالقار قىزى، ران حۇڭيۇي حابارلايدى. «شيپاگەر، مەنىڭ CT قاعازىمدى كورىڭىزشى، سالماقتى ناۋقاسقا كىرىپتار بولماعان شىعارمىن؟». 2 ـ ايدىڭ 15 ـ كۇنى قولىنا CT قاعازى مەن تەكسەرۋ قورىتىندىسىن ۇستاعان ناۋقاس ٴارشىدىن ازىمات ىلە وبلىستىق دوستىق شيپاحاناسى تىنىس جولى ىشكى اۋرۋلار بولىمىنە كىردى.

    تىنىس جولى ىشكى اۋرۋلار ٴبولىمىنىڭ مەڭگەرۋشى شيپاگەرى اينۇر يارمامەت CT قاعازىن مۇقيات تەكسەرگەننەن كەيىن «تەكسەرۋ قورىتىندىسىندا ماسەلە جوق ەكەن» دەدى.

    ٴارشىدىن قۋانا: «راقىمەت شيپاگەر، كوپتەن بەرى كوڭىلىمە تۇيگەن كۇدىكتەن ارىلعانداي بولدىم» دەدى.

    كوكتەم مەرەكەسىندە اينۇر قىزمەت ورنىندا تاباندى بولدى، ونىڭ مۇنداي تاباندىلىعىنا 28 جىل بولعان، بۇل تاباندىلىق وعان تابىس سەزىمىن سيلادى.

    «مەنى ەرەكشە شابىتتاندىراتىنى ـ ناۋقاستاردىڭ العىسى». 28 جىلدان بەرى اينۇر كوكتەم مەرەكەسىنىڭ بارلىعىندا قىزمەت ورنىندا بولىپ، ٴار ۇلت ناۋقاستارىنا قىزمەت وتەگەن. ول: «ساۋىققان ناۋقاستارىمدى كورگەندە توتەنشە قۋانامىن» دەدى.

    اينۇر تىلشىگە قىس مەزگىلىندە تىنىس جولى اۋرۋلارى كوبىرەك بولاتىنىن، كوكتەم مەرەكەسى كەزىندە كۇنىنە 30 دان ارتىق ناۋقاس كەلەتىنىن ايتتى. ەمدەلۋگە كەلگەن ٴار ناۋقاسقا ول ىقىلاسپەن ٴوزىن قورعاۋدى، ازىقتانۋدى كۇشەيتىپ، يممۋنيتەتتى ارتتىرىپ، كوڭىل كۇيدى ۇنەمى كوتەرىڭكى ۇستاۋدى ەسكەرتىپ وتىراتىن.

    ۇعىسۋعا قاراعاندا، مەرەكە كەزىندە وبلىستىق دوستىق شيپاحاناسى ەمدەۋ ۇيىندە شيپاگەر مەن ناۋقاس قانا بولۋ سياقتى شارالاردى اتقارىپ، دەمالىسسىز امبۋلاتوريا اشىپ بۇقارانىڭ اقاۋسىزدىعىن بارىنشا قورعاعان. بۇل شيپاحانا ٴنومىر الۋ، اقى تاپسىرۋ، اۆتوماتتى اسپاپ ىستەتۋ، ٴدارى الۋ ورىندارى سياقتى ادامدار شوعىرلاناتىن ورىندارعا ٴبىر مەتر ارالىق ساقتاۋ سىزىعىن ورنالاستىرىپ، تەكسەرىلۋ رايونىندا ناۋقاستاردى ارالىق ساقتاپ وتىرۋعا جەتەكشىلىك ەتكەن.

    كوكتەم مەرەكەسىندە وبلىستىق دەنساۋلىق ساقتاۋ - سالاماتتىق كوميتەتى، وبلىستىق دوستىق شيپاحاناسىنىڭ باسشىلارى شيپاحانانىڭ كلينيكا بولىمىنە، ارتقى ساپ بولىمىنە ىشكەرىلەي بارىپ، كوكتەم مەرەكەسىندە قىزمەت ورنىندا بولعان ەمدەۋ قىزمەتكەرلەرىنەن حال سۇراپ، ەمدەۋ قىزمەتكەرلەرىنە كوكتەم مەرەكەسى بايلانىسىمەن مەيىر جەتكىزدى. ولاردىڭ مەرەكە كەزىندە وتباسىندا باس قوسۋ ورايىن قويا تۇرىپ، قىزمەت ورنىندا تاباندى بولىپ، كوپتىڭ مۇددەسىن ويلايتىن، قىزمەت ورنىن ٴسۇيىپ كاسىبىن قاستەرلەيتىن جانە قالتقىسىز ٴوزىن ارنايتىن رۋحىنا العىس ايتتى ٴارى ەمدەۋ قىزمەتكەرلەرىنىڭ جەكەلىك قورعانۋعا، دەنساۋلىعىنا كوڭىل بولگەندە عانا ٴتۇرلى ەمدەۋ قىزمەتىن ويداعىداي ىستەۋگە بولاتىنىن ەسكەرتتى.