− 2022 - جىلى ”كوكتەم مەرەكەسىندە نەگىزگى ساتىنى ارالاۋ“ قيمىلى جونىندە جالپى شولۋ

 انار بۇلت / شينجياڭ گازەتىنىڭ ءتىلشىسى جاڭ جىلي

ومىرشەڭدىگى قاۋلاعان نەگىزگى ساتىنىڭ ءورىسى كەڭ.

1 - ايدىڭ ورتاسىنان 2 - ايدىڭ ورتاسىنا دەيىن شينجياڭ گازەتى مەكەمەسى (توبى) كوپ تىلشىلەردى وڭتۇستىك، سولتۇستىك شينجياڭعا جىبەرىپ، جالپىلىق اقپارات قۇرالدارى حابارلاۋ فورماسىندا 2022 - جىلى ”كوكتەم مەرەكەسىندە نەگىزگى ساتىنى ارالاۋ“ قيمىلىن ورىستەتتى. جالپىلىق اقپارات قۇرالدارىنىڭ تىلشىلىك ىستەۋ گرۋپپالارى اۋىل - قىستاققا، الەۋمەتتىك اۋماققا بارىپ، كاسىپورىن، زاۆود، كەندەردى ارالاپ، قىزمەت وتەۋ تەرەزەسىن بارلاپ، ءوندىرىستىڭ ءبىرىنشى شەبىنە ەنىپ، قارلى ۇستىرتكە شىعىپ، شەكارا قورعانىس قاراۋىلحاناسىنا باردى، قار - مۇز سپورتى جونىندە سۇحباتتاسىپ، مادەنيەت قورىن باعامداپ، تيانشان الابىنىڭ كوركەيىپ - گۇلدەنگەن، قالىڭ بۇقارا تىنىش ءومىر، شات - شادىمان تىرشىلىك كەشىرگەن تاماشا كورىنىسىن كورىپ، تۇتاس شينجياڭداعى ءار ۇلت حالقى جاڭا داۋىردە ەكپىندەي ىلگەرىلەپ، جاڭا ساپارعا اتتانعان سۇيىنەرلىك جاعدايدى ەستەلىككە الدى.

　　جاقسى ساياسات جاقسى تۇرمىسقا باستادى

كوكتەم لەبى ەسكەن وڭتۇستىك شينجياڭدا ءار ۇلت بۇقاراسى كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە قول جەتكىزىپ، بۇكىل ەل حالقىمەن بىرگە جاپپاي دوڭگەلەك داۋلەتتىلىكتى تەڭ قادامدا جۇزەگە اسىرعاننان كەيىن، كەدەيلىكتەن ارىلتۋدان قامال الۋدىڭ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، حالىققا تيىمدىلىك جاساۋ ساياساتى بارعان سايىن مولايىپ، كىرىس ارتتىرۋ ارناسى بارعان سايىن كەڭەيىپ، تۇرمىستارىنىڭ بارعان سايىن جاقسارعانىن سەزىندى.

قاشقار ايماعى جاڭاءشار اۋدانىنا ورنالاسقان شينجياڭ قاشقار (شاندۇڭ شۇيفا) وسى زامانعى كوكونىس كاسىپ سالاسى باقشاسىندا جاقسى وسكەن شيە قىزاناعى جىلتىراپ، ادامدى وزىنە ەلىتەدى. وسى جەردە جۇمىستانعان جاڭاءشار اۋدانى باقچى اۋىلى جوعارعى سيىرىلما قىستاعىنىڭ تۇرعىنى پاتىگۇل مامەت بۇگىنگى تاماشا تۇرمىسىن ايتا كەلىپ: اي سايىن تۇراقتى ەڭبەكاقىم بار، وتباسىمىزداعى 7 مۋ جەردى سەلبەستىك كووپەراتيۆىنە اينالىمعا بەردىك. ءوزىم بۇل ارادا قىزمەت ىستەيمىن، كىرىسىم ورنىقتى، ۇيىمە جاقىن، ونىڭ سىرتىندا بالاما دا قاراي الامىن، - دەدى.

1 - ايدىڭ 20 - كۇنى تاڭەرتەڭ ەرتە، قىزىلسۋ قىرعىز اۆتونوميالى وبلىسى اقشي اۋدانى شوڭ ءورشاتى جايلاۋى، مالشى تۇقتۇمۇش ابدىراحماننىڭ وتكەن كۇنى كەشتە 7 قويى تۋدى، بۇل وسى جاقىنعى بىرنەشە جىلدان بەرى قىستا قويدان ەڭ كوپ ءتول العان ءبىر جىل بولدى. ءتىپتى كوپ قۋانىش حابارى ءالى ارتىندا ەكەن، اقشي اۋدانى 2 دە 3 جىل قۇلشىنىس جاساۋ ارقىلى بۇكىل شينجياڭدا كولەمى ەڭ ۇلكەن قىرعىز قويىن ءوسىرۋ بازاسىن قۇرىپ، قىرعىز قويى باعىمشىلىق كاسىپ سالاسىن كۇن سايىن دامىتىپ، مالشىلاردى باعىمشىلىق ارقىلى اناعۇرلىم باقىتتى تۇرمىس كەشىرۋگە مۇمكىندىك جاساماقشى.

بۇقارانىڭ ماڭىنداعى وزگەرىس بارلىق جەردەن بايقالدى. نەگىزگى ساتىعا ىشكەرىلەي بارىپ، بۇقاراعا تىعىز جاناسقان جالپىلىق اقپارات قۇرالدارى حابارلاۋ ۇجىمى قاراپايىم تۇرعىدان تيانشان الابىندا تۋىلعان تاريحي وزگەرىستەردى ايگىلەپ، نەگىزگى ساتىداعى بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جانە بولاشاقتاعى تاماشا تۇرمىسقا دەگەن ءۇمىتىن حابارلادى.

　قىزمەت ورنىنان تاپجىلماي كۇرەسكەرلىك بەينەسىن اڭعارتتى

كۇرەسكەرلىك بەينە ەڭ كوركەم، كۇرەسپەن وتكەن ءومىر ەڭ تارتىمدى. شينجياڭ گازەتى مەكەمەسى (توبى) جالپىلىق اقپارات قۇرالدارى حابارلاۋ ۇجىمى ”كوكتەم مەرەكەسىندە نەگىزگى ساتىنى ارالاۋ“ قيمىلىندا ءارقايسى كاسىپ سالاسىندا قىزمەت ورنىنان تاپجىلماعان كۇرەسكەرلەرمەن كەزدەستى.

1 - ايدىڭ 30 - كۇنى بارلىق تاۋىنىڭ قويناۋىنداعى شينجياڭ اسكەري رايونى تارباعاتاي اسكەري بولىمشە رايونى تاستى شەكارا قورعانىس ليانى شياۋبايياڭ قاراۋىلحاناسىندا وفيتسەر - جاۋىنگەرلەر قاقاعان سۋىققا قاراماي سىرتتا شارلاۋ جۇرگىزدى. تاستى شەكارا قورعانىس ليانىنىڭ باستىعى گو جى مىنانى ءبىلدىردى: جاڭا ءبىر جىلدا وفيتسەر - جاۋىنگەرلەردى باستاپ ءتىپتى دە قۇلشىنا قىزمەت ىستەپ، قاجىرلىلىقپەن جاتتىعىپ، مەملەكەتتى قورعاۋ، شەكارانى كۇزەتۋ مىندەتىمىزدى ادالدىقپەن، ويداعىداي اتقارامىز.

”قىزمەت ورنىندا ءبىز بارمىز، ءسىز الاڭسىز بولىڭىز“. 1 - ايدىڭ 31 - كۇنى قۇمىل قالاسى يجوۋ رايونى چينچىڭ اۋىلى شياۋباۋ قىستاعىنداعى شاڭمايا شەكارا ساقشى بولىمشەسىنىڭ كەزەكشى تەلەفونى شىرىلدادى. جالعىز تۇراتىن قارت توقتىحان ياري كومەككە مۇقتاج بولىپ، حالىق ساقشىلارىنىڭ دەمالعان - دەمالماعانىن سۇرادى. ساقشى بولىمشەسىنىڭ ساياسي جەتەكشىسى داي بو تەلەفوندى قابىلداعان سوڭ، دەرەۋ حالىق ساقشىسى دۇڭ زىحاۋدى ءبىر جاشىك ءسۇت الىپ قارتقا امانداسا بارۋعا ورنالاستىردى.

1 - ايدىڭ 25 - كۇنى ءۇرىمجى قالاسى سايباق رايونى مۋشۇيگوۋ سولتۇستىك جولى مەملەكەت ەلەكتر تورى ءۇرىمجى ەلەكترمەن قامداۋ سەرىكتەستىگى قالا رايونى ءبىرىنشى ەلەكترمەن قامداۋ ورتالىعى شيشان ەلەكترمەن قامداۋ ورنىنداعى جۇرگىزۋشى، كۇتىمدەۋشى ۋ پىڭبو مەن قىزمەتتەسى لەنيانى شارلاۋدا. كوكتەم مەرەكەسى تاياپ قالدى، ەلەكترشىلەر ءبىر جىلداعى ەڭ قاربالاس مەزگىلگە ءوتتى.

”كوكتەم مەرەكەسىندە نەگىزگى ساتىنى ارالاۋ“ قيمىلىنا ات سالىسقان تىلشىلەر دە قىزمەت ورنىنان تاپجىلماعان كۇرەسكەرلەر. ولار قالامدارىمەن نەمەسە اپپارات كوزى ارقىلى وقىرماندارعا قاراپايىم، جۇرت تىلەگىن ۇيىستىراتىن، مەيىرلى، سۇيىسپەنشىلىككە تولى شينجياڭ حيكاياسىن جەتكىزدى. ولاردىڭ تىلشىلىك ىستەۋ بارىسى دا كاسىبىنەن شاتتاناتىن، قىزمەت مىندەتىن ادا ەتەتىن، جاۋاپكەرشىلىك ارقالايتىن، ىسىلعان، بار كۇشىن سالاتىن قىزمەتىن ءسۇيىپ، كاسىبىن ارداقتاۋ حيكاياسى سانالادى.

　　قىسقى وليمپيادا سپورت جارىسىن قارسى الىپ، الۋان مادەنيەتتەن سۋسىندادى

بيىل كوكتەم مەرەكەسىندە قىسقى وليمپيادا سپورت جارىسىن قارسى الۋ، قىسقى وليمپيادا سپورت جارىسىن قۇتتىقتاۋ جەلىلەس قيمىلدارى كوكتەم مەرەكەسىنىڭ ءتۇرلى مادەنيەت، دەنە تاربيە قيمىلدارىمەن توعىسىپ، تيانشان الابىندا ەڭ كوركەم كوكتەم مەرەكەسىن قارسى الۋ كۇيى اسقاقتادى.

1 - ايدىڭ 16 - كۇنى كەشتە سانجى قالاسى ليۋگۇڭ قالاشىعى شىسانحۋ قىستاعى قىستاق تۇرعىندار كوميتەتىنىڭ اۋلاسىندا داڭعىرا مەن بارابان ءۇنى جەر - الەمدى كەرنەدى، ويناقى ريتىمدەگى سىرناي ۇنىمەن بىرگە، ”قىستاق ساۋىق كەشىنە“ قاتىناسقان قىستاق تۇرعىندارى ماڭىنداعى ىستەردى انگە قوسىپ، ماڭىنداعى ادامداردىڭ رولىن الىپ، جۇرەك سوزدەرىن ايتىپ، كوپشىلىكتىڭ بارعان سايىن جاقسارعان تۇرمىسىن جىرلادى.

2 - ايدىڭ 4 - كۇنى ساعات 20دا 2022 - جىلعى بەيجيڭ قىسقى وليمپيادا سپورت جارىسىنىڭ باستالۋ سالتى ۋاقىتتى كەرى شەگەرىپ ساناۋعا وتكەندە، التاي قالاسى گەنەرال تاۋى حالىقارالىق شاڭعى دەمالىس رايونى دۋمانعا بولەندى. مەملەكەتتىڭ جەر - جەرىنەن كەلگەن شاڭعى اۋەسكەرلەرى، ساياحاتشىلار جانە التايداعى ءار ۇلت بۇقاراسى شاڭعى الاڭىنىڭ سىرتقا قويىلعان ەكرانىنان بەيجيڭ قىسقى وليمپيادا سپورت جارىسىنىڭ باستالۋ سالتىن كوردى.

ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ بارىسىندا، بۇكىل شينجياڭنىڭ جەر - جەرىندەگى كوكتەم مەرەكەسى كەزىندەگى باي مازمۇندى، الۋان ءتۇرلى قۇتتىقتاۋ قيمىلدارى، دۋماندى ساياحات بازارى، ىنتىماقتى، جاراسىمدى كادر - بۇقارانىڭ ءوزارا مەرەكەلىك تىلەك تىلەۋى سول جەردە تىلشىلىك ىستەپ جۇرگەن تىلشىلەردى اسەرلەندىردى. تىلشىلەردىڭ قالامى مەن اپپارات كوزىندە جاڭا داۋىردەگى جۇڭگوشا سوتسياليستىك شينجياڭنىڭ كوركەم كارتيناسى بىرتىندەپ اشىلا باستادى.