”كوكتەم مەرەكەسىندە نەگىزگى ساتىنى ارالاۋ“ اتىندا جالپىلىق مەديالاردىڭ حابارلاۋ كولەمدى قيمىلى باستالدى

　انار بۇلت \ شينجياڭ گازەتىنىڭ ءتىلشىسى ءرايدا 1 - ايدىڭ 4 - كۇنى ۇرىمجىدەن حابارلايدى. ”ءتورت قابىلەت“ تالابىن شىڭداپ، امالياتتا ايگىلەپ، شينجياڭ حيكاياسىن ويداعىداي باياندايىق. شينجياڭ گازەتى مەكەمەسى (توبى) ”كوكتەم مەرەكەسىندە نەگىزگى ساتىنى ارالاۋ“ اتىندا جالپىلىق مەديالاردىڭ حابارلاۋ كولەمدى قيمىلىن باستادى، قيمىل 2 - ايدىڭ 5 - كۇنىنە دەيىن جالعاسادى.

　　بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، ”14 - بەسجىلدىق“ جوبانى تياناقتاندىرۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل. شينجياڭ گازەتى مەكەمەسى (توبى) ”كوكتەم مەرەكەسىندە نەگىزگى ساتىنى ارالاۋ“ قيمىلىن ورىستەتىپ، جالپىلىق مەديا رەداكتورلارىن، تىلشىلەرىن نەگىزگى ساتىنىڭ الدىڭعى شەبىنە، بۇقارانىڭ تۇرمىسىنا ىشكەرىلەي ارالاسۋعا جىبەرىپ، جەر - جەردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ جاعىنداعى ىلگەرىلەۋ ناتيجەلەرىن تۇرلىشە تۇرعىدان بەينەلەپ، ىندەتتەن ساقتانۋ - تىزگىندەۋدە جانە ەكونوميكالىق، قوعامدىق دامۋدا قول جەتكەن بەلسەندى ناتيجەلەردى ءبىر تۇتاس جوسپارلاپ، جەر - جەردىڭ گۇلدەنىپ - دامىعان، ءار ۇلت بۇقاراسىنىڭ كوكتەم مەرەكەسىن شات - شادىمان وتكىزگەن تاماشا بەينەسىن تولىق ايگىلەيدى.

　　شينجياڭ گازەتى مەكەمەسى (توبى) گازەت - جۋرنال، سايت، كليەنت، ۋيشين سىندى جالپىلىق مەديالار تاراتۋ شەبىنىڭ باسىمدىعىن تولىق ساۋلەلەندىرىپ، جەر - جەردەگى توعىسپالى مەديا ورتالىقتارىمەن بىرلەسىپ قيمىلداپ، ”تيانشان الابىندا كوكتەم مەرەكەسىنە ارنالعان مەرەكەلىك زاتتار ساتىپ الۋ“، ”اۋىلدىڭ جاڭا جىل مەرەكەسىن تويلاپ تۇرۋ“ سياقتى جەلىلەس بەينە ەكران تىكە تاراتىلىمىن جۇرگىزىپ، سىزدەرگە قويۋ مەرەكەلىك رايدى سەزىندىرەدى. ءارقايسى تۇعىرلار تاعى ”تيانشان الابىنداعى كولەمدى شاعانشىلاۋ“، ”اۋىلىمداعى كوكتەم مەرەكەم“، ”كوكتەم مەرەكەسىندە قىزمەت ورنىمىزدان تاپجىلمايمىز“، ”ءتىلشىنىڭ كوكتەم مەرەكەسىندەگى Vlog“ى سياقتى جەلىلەس قىسقا بەينەجازباسى جانە جارياناما، H5، MG انيماتسياسى، ۇزىن سۋرەت سياقتى جاڭا مەديالىق ونىمدەردى ۇسىنادى.

　　شينجياڭ گازەتى، انار بۇلت كليەنتى، تيانشان سايتى، ”ۇيرەنۋدە قۋاتتى ەل“ شينجياڭ ۇيرەنۋ تۇعىرى سياقتىلار ”كوكتەم مەرەكەسىندە نەگىزگى ساتىنى ارالاۋ“ ارناۋلى ستونىن، ارناۋلى تاقىرىبىن ءبىر تۇتاس اشىپ، جالپىلىق مەديالاردىڭ حابارلارىن جاريالايدى.