شالعايداعى دۋماندى وتار
ىلە «عىلىم - تەحنيكا، مادەنيەت، دەنساۋلىق ساقتاۋدى قىستاۋعا جەتكىزۋ» بويىنشا ارالاپ حال سۇراۋ قيمىلىن ورىستەتتى
ٴتىلشىمىز جاڭ چيڭحۋا حابارلايدى. مالشىلارمەن بىرگە پارتيا 20 - قۇرىلتايىنىڭ رۋحىن ۇيرەنىپ، تارتىمدى ٴان - ٴبي ويىندارىن كورىپ، ولارعا كۇرىش، ۇن، ماي، كوكونىس سومكەسى، شۇعىل قۇتقارۋ سومكەسى سياقتى حال سۇراۋ بۇيىمدارىن تارتۋ ەتتى؛ ەمدەۋ قىزمەتكەرلەرى ناق مايداندا مالشىلاردىڭ اۋرۋىن كورىپ، ٴدارى تاراتتى؛ مال شارۋاشىلىق تەحنيكتەرى ناق مايداندا مالشىلاردىڭ باعىمشىلىق بارىسىندا جولىققان ماسەلەلەرىنە جاۋاپ بەرىپ، ولارعا عىلمي باعىمشىلىققا قاتىستى ماتەريالداردى تاراتىپ بەردى؛ اسەرلى دە ادامدى شابىتتاندىراتىن كوكپار جارىسىن وتكىزدى ... وسىلاردىڭ بارلىعى ىلە وبلىسىنىڭ «عىلىم - تەحنيكا، مادەنيەت، دەنساۋلىق ساقتاۋدى قىستاۋعا جەتكىزۋ» بويىنشا وتكىزىلگەن قيمىلداردىڭ جاندى كورىنىستەرى.
1 - ايدىڭ 8 - كۇنى وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى ٴنابيجان يبىرايىم قاتىستى تاراۋلاردىڭ جاۋاپتىلارى مەن قىزمەتكەرلەرىن باستاپ، بۇراتالا موڭعۇل اۆتونوميالى وبلىسى شەكاراسى ىشىندەگى شالعاي وتارعا بارىپ، حال سۇرادى جانە «عىلىم - تەحنيكا، مادەنيەت، دەنساۋلىق ساقتاۋدى قىستاۋعا جەتكىزۋ» بويىنشا ارالاپ حال سۇراۋ قيمىلىن ورىستەتتى. ٴنابيجان يبىرايىم وبلىستىق پارتكوم مەن ۇكىمەت اتىنان مالشىلارعا حال سۇراۋ بۇيىمدارىن تاراتتى.
بۇراتالا وبلىسىنىڭ اراسان اۋدانىنداعى ورتاقسارى قىستاۋلىعىنداعى حال سۇراۋ تۇيىنىندە مالشىلار ەرتەمەن اتپەن نەمەسە موتوتسيكلمەن 5 كيلومەتردەن استام جەردەن تارتىمدى ويىن نومىرلەرىن تاماشالاۋ ٴۇشىن كەلدى.
سوڭعى جىلداردان بەرى وبلىستىق پارتكوم مەن ۇكىمەتتىڭ قامقورلىعى جانە زور كۇشپەن قولداۋىندا الىس وتارداعى ٴتۇرلى نەگىزدىك قۇرىلعىلار كۇن سايىن كەمەلدەنىپ، مالشىلاردىڭ ٴوندىرىس، تۇرمىس شارت - جاعدايى ۇزدىكسىز جاقسارىپ، ىلە مال شارۋاشىلىعىنىڭ اقاۋسىز دامۋىنا بەرىك نەگىز قالادى.
ورتاقسارى قىستاۋلىعىنا قۇلجا قالاسى جاڭا جەر قالاشىعىنىڭ 64 مالشى وتباسى، 19 مىڭ 682 باس مالى قىستايدى.
مالشى ەلباي قوجابەك ۇلىنىڭ 200 تۇياق قويى، 4 جىلقىسى بار. وسى قىستاۋدى قىستاعانىنا بيىل 13 جىل بولعان. حال سۇراۋ تۇيىنىندە ارالاپ حال سۇراۋ قيمىلى وتكىزىلەتىندىگىن ەستىگەندە ول تاڭەرتەڭ ەرتە موتوتسيكلمەن باردى.
<<مالشىلاردا جوعارى قان قىسىم اۋرۋىنا شالدىققاندار كوبىرەك، مەن الدىمەن ەمحاناعا بارىپ، شيپاگەرگە قان قىسىمىمدى ولشەتتىم>> دەدى ەلباي. ول تاعى بىلاي دەدى: سوڭعى جىلدارى ۇكىمەت قىستاۋلىقتىڭ نەگىزدىك قۇرىلعىلارىن ۇزدىكسىز جاقسارتتى، بۇل ارادا جاساندى سەرىك ارقىلى تەلەۆيزور كورۋگە بولادى، قول تەلەفون ارقىلى توراپقا شىعۋعا بولادى، جول دا جاقساردى، ەمحانادا شيپاگەر كەز كەلگەن ۋاقىتتا اۋرۋ كورەدى، تاماشا ويىن نومىرلەرىن مەرزىمدى ۋاقىتتا كورە الامىز. قىستاۋلىقتىڭ تۇرمىسى بارعان سايىن جاقساردى.
<<بۇگىن ەرەكشە قۋانىشتامىن، كوپشىلىكپەن بىرگە وسىنشاما تارتىمدى كونسەرت كورمەگەنىمە كوپ بولىپتى>> دەدى مالشى اقجول ورالقان ۇلى. ول قۋانا تاعى بىلاي دەدى: قىستاۋدا مال باققانىما كوپ جىل بولدى، ٴار جولعى حال سۇراۋ كونسەرتىن قالدىرماي كورەمىن.
ساحناداعى كاسىپتىك ارتيستەر مەن مالشىلاردىڭ تارتىمدى ويىن نومىرلەرىنە كوپشىلىك تولاسسىز شاپالاق سوعىپ، بىرگە بيگە باسىپ، كونسەرتتى جوعارى ورلەۋگە كوتەردى.
1 - ايدىڭ 9 - كۇنى تاڭ سارىدە قار قاپالاقتاپ، اراسان اۋدانىنىڭ قازان قىستاۋلىعى قار قىمتاندى، ٴبىراق بۇل مالشىلاردىڭ حال سۇراۋ تۇيىنىنە كەلىپ كونسەرت كورۋ ىنتاسىنا بوگەت بولا المادى.
قازان قىستاۋلىعىنداعى حال سۇراۋ ٴتۇيىنى ماڭىندا قورعاس اۋدانىنىڭ 120 مالشى وتباسى، 36 مىڭ باس (تۇياق) ٴىرىلى - ۇساق مالى قىستايدى.
«بۇگىن وسىنشاما كوپ تارتىمدى ويىن نومىرلەرىن كورگەنىمە ەرەكشە قۋانىشتىمىن. ويىن نومىرلەرىن كورىپ بولعان سوڭ، كوكپار تارتۋعا قاتىناستىم، بۇدان كەيىن دە وسىنداي قيمىلداردى كوبىرەك وتكىزۋدى ٴۇمىت ەتەمىن» دەدى. قورعاس اۋدانى ساربۇلاق قالاشىعى شىباراعاش قىستاعىنىڭ مالشىسى ساپاربەك داۋىتباي ۇلى. ول تاعى بىلاي دەدى: مال باعۋ جايشىلىقتا ٴمانسىز سەزىلگەنىمەن، قازىر قىستاۋلىقتىڭ ٴتۇرلى قۇرىلعىلارى بارعان سايىن جاقساردى. قول تەلەفون ارقىلى حابار وقىپ، ٴۇنحاتتا اڭگىمەلەسىپ، دوۋيىن كورە الامىز. توراپتىڭ ىركىلىسسىزدىگى مالشىلاردىڭ تۇرمىسىن بايىتا ٴتۇستى. كونسەرت اياقتالىسىمەن، مالشىلار اتتارىنا قامشى باسىپ، قيان - كەسكى كوكپار تارتۋعا كىرىسىپ كەتتى.
وسى رەتكى <<عىلىم - تەحنيكا، مادەنيەت، دەنساۋلىق ساقتاۋدى قىستاۋعا جەتكىزۋ>> بويىنشا ارالاپ حال سۇراۋ قيمىلى پارتيانىڭ لۋشيان - باعىت ساياساتتارىنان ۇگىت - لەكسيا جاساۋ، كاسىپتىك بىلىمدەردى، عىلىم - تەحنيكانى جالپىلاستىرۋ، سونداي - اق اقىل - كەڭەس بەرۋ، ەمدەۋ بويىنشا دياگنوز قويۋ، سالاماتتىققا جەتەكشىلىك ەتۋ سياقتى فورمالاردا ورىستەتىلىپ، پارتيا 20 - قۇرىلتايىنىڭ رۋحىن قىستاۋلىقتارعا جەتكىزدى.