汉文 ىلە اقپارات تورابىنا حوش كەلدىڭىزدەر!
ىلەنىڭ كوركىن ايگىلەپ، ەكپىندەي ىلگەرىلەيتىن كۇش ۇيىستىرايىق
2023-01-31 12:06:41     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

ىلەنىڭ كوركىن ايگىلەپ، ەكپىندەي ىلگەرىلەيتىن كۇش ۇيىستىرايىق

ليۋ بيڭ

بيىلعى كوكتەم مەرەكەسى وزگەشە بولدى، كوكتەم مەرەكەسىنىڭ 7 كۇندىك ۇزاق دەمالىسىندا ىلە گازەتى «كوكتەم مەرەكەسىندە نەگىزگى ساتىنى ارالاۋ» ايدارىندا ٴار سالا، ٴار كاسىپكە ساياتىن توعىسپالى حابارلاردى دەر كەزىندە جاريالادى، تىلشىلەر اپپارات كوزىن، قالامىن نەگىزگى ساتىعا تۋرالاپ، ادامدارعا مەيىرلى دە اسەرلى كەسكىن جانە جازۋلاردان وزگەشە باقىتتى سەزىندىرىپ، ىلە وبلىسىنىڭ جەر - جەرىندەگى قارىشتاپ دامۋدىڭ ومىرشەڭدىك كۇشى مەن ٴار ۇلت بۇقاراسىنىڭ اسقاق رۋحاني بەت - بەينەسىن تىكە كورسەتتى.

10 قانشا ٴتىلشى اۋىل - قىستاقتارداعى اتىزدارعا، قالالى جەردەگى الەۋمەتتىك اۋماقتارعا، زاۆود سەحتارىنا، 110 دەلو مالىمدەۋ ورتالىعىنا، جولاۋشى تاسىمال بەكەتتەرىنە ىشكەرىلەي بارىپ، كوزبەن كورۋ، باقىلاۋ، قايتالاي تىلشىلىك ىستەۋ سىندى كوپ ٴتۇرلى حابارلاۋ فورمالارى ارقىلى  تۇتاس وبلىستاعى قالا، اۋىل، مال شارۋاشىلىق رايوندارىنداعى جاڭا وزگەرىستەردى، جاڭا لەپتى ارقاۋ ەتىپ، ٴبىرىنشى شەپكە قاراي بەت الىپ، نەگىزگى ساتىعا نازار اۋدارىپ، نەگىزگى ساتىداعى بۇقارانىڭ ٴوندىرىس تۇرمىسىنداعى كىشى - گىرىم وزگەرىستەر مەن ٴتول اسەرلەرىن وبرازدى سومداپ، پارتيالى كادرلاردىڭ قىزمەت ورنىنان تاپجىلماي ىستەگەن اسەرلى اڭگىمەلەرىن جازىپ، ٴار ۇلت بۇقاراسىنىڭ كوكتەم مەرەكەسىن شات مەرەيمەن وتكىزگەن قۋانىشتى بەينەسىن جاندى بەينەلەدى.

«سۋمەن، گازبەن، جىلۋمەن قامداۋ قىزمەت وتەۋى توقتامادى، قۇلجا قالاسى كوكتەم مەرەكەسى كەزىندەگى حالىق تۇرمىسىنداعى قامداۋدى قامتاماسىزداندىرۋدى بار كۇشپەن قورعادى»، «ەرىكتىلەر ارەكەتى: <ۇگىت - لەكسيا + قىزمەت وتەۋ> ۇلگىسىندەگى مەرەكەلىك قويۋ لەپ سان مىڭ وتباسىنا جەتكىزىلدى»، «قۇلجا قالاسىنداعى بۇرشاق ونىمدەرى كاسىپورىندارى مەرەكە كەزىندە بازاردى قامداۋعا بار كۇشپەن كەپىلدىك ەتتى» سياقتى جەلىلەس بەينەبايان مەن اقپاراتتىق حابارلار ىلە وبلىسىنىڭ مەرەكە كەزىندەگى دۋمانىن ايگىلەۋمەن بىرگە، كوپتەگەن كادرلار مەن جۇمىسشى ـ قىزمەتكەرلەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاعان تاباندىلىقتارىن دا ايگىلەدى. «مەرەكەدە مەن قىزمەت ورنىمدا بولامىن: ٴبىر قىستاق پارتيا ياچەيكا شۋجيىنىڭ قاربالاس وتكەن كوكتەم مەرەكەسى» بەينەبايانىندا قۇلجا قالاسى تاسكوپىر اۋىلى باعىبان قىستاعى پارتيا ياچەيكاسىنىڭ شۋجيى ما جۇننىڭ قىزمەت ورنىنان تاپجىلماي، تىنىم الماعان اڭگىمەسى باياندالدى، ول: «كوكتەم مەرەكەسى كەزىندە اۋىلعا ورالعاندار كوبەيدى، كوپتەگەن قىستاق تۇرعىندارى دا وسى ۇزاق دەمالىستان پايدالانىپ، قىستاق كوميتەتىنە كەلىپ ناپوس ىستەرى، بالاسىنىڭ مەكتەپ اۋىسۋى، جەردى كوتەرمەگە الۋ سياقتى ٴىشىنارا جۇمىستارىن بىتىرەدى، كادرلارىمىز دا قاربالاستىققا تۇسەدى» دەدى. «كوكتەم مەرەكەسىن قىستاق پارتيا ياچەيكاسى شۋجيىمەن بىرگە وتكىزدىم» بەينەبايانىندا قورعاس قالاسى يچىگاشان سىبە ۇلتتىق اۋىلى قاراتاس قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جوۋ ماۋلايدىڭ وتباسىلارىن ارالاعاندا ايتقان مىنا ٴبىر اۋىز ٴسوزى ادامدى اسەرلەندىردى: «كادرلار ۇنەمى تومەنگە ٴتۇسىپ كورۋى كەرەك، بۇقارا سوندا وزدەرىنىڭ كادرلاردىڭ كوڭىل تورىندە ەكەنىن سەزەدى». سولاي ەمەس پە، سان مىڭ وتباسىنىڭ شامى جايناپ تۇرعان تاماشا كورىنىس ىشىندە ٴسىز بەن ٴبىزدى الدەبىرەۋ قورعاپ وتىرسا، مىنە، بۇل ناعىز قاراپايىمدىلىق ەمەس پە، تاپجىلماي قورعاۋدىڭ كۇش - قۋاتىن وسىدان سەزىنەمىز دە. كوكتەم مەرەكەسىندە بۇقارا وتباسىنداعىلارمەن بىرگە سىرتقا شىعىپ اشەكەي شامداردى تاماشالاپ، كورمەنى ارالاپ، كونسەرت كورەدى، مادەنيەتتەن وتەتىن ەڭ قويۋ مەرەكەلىك ٴتۇس بولماس. «قۇلجا قالاسىنداعى كىتاپ دۇكەندەرى كوكتەم مەرەكەسىندە دەمالمادى» بەينەبايانىنان كوكتەم مەرەكەسى كەزىندە شينحۋا كىتاپحاناسى ىلە كىتاپ بازارى، شىگۋاڭ كىتاپ ٴۇيى، ىلە وبلىستىق كىتاپحانا سياقتى ورىنداردىڭ تاباندىلىقپەن اشىق ۇستاپ، كوپتەگەن قالا تۇرعىندارىنا جاڭا جىلدىڭ «ٴدامىن سەزىندىرىپ»، كوكتەم مەرەكەسىن كىتاپ وقىپ وتكىزۋىنە مۇمكىندىك جاساعانىن كوردىك. سونىمەن بىرگە، جەر - جەردىڭ مادەنيەت الاڭ - سارايلارىندا وتكەن قيمىلدار تارتىمدى بولدى، ادەبيەت - كوركەمونەر كونسەرتى ىركەس - تىركەس قويىلدى، «كوكتەم مەرەكەسىندە كۇندە قۋانىش بولدى، ويىن نومىرلەرى تولاستامادى» بەينەبايانىندا شينماۋيە حالىقارالىق زات ساتىپ الۋ ورتالىعى كوكتەم مەرەكەسىنىڭ 1 - كۇنىنەن  6 - كۇنىنە دەيىن 20 نەشە مايدان ادەبيەت - كوركەمونەر كونسەرتىن قويىپ، بالالارعا ارىستان ٴبيى، قۋىرشاق تەاترى سياقتى جۇڭحۋانىڭ ٴداستۇرلى مادەنيەتى حالىقتىق كوركەمونەرىنىڭ تارتىمدىلىعىن سەزىندىرگەنىن ايگىلەدى؛ تاعى دا «شام مەن جالىن مىڭ قۇلپىرتقان التىشۋار كوشەسى − دۋمانعا بولەنگەن كوكتەم مەرەكەسى»، «قۇلجا قالاسىنىڭ كوكتەم مەرەكەسىندەگى كينو بازارىندا ادامدار ٴيىن تىرەستى، قويان جىلىنىڭ العاشقى شاتتىعى قىزۋ ورلەۋگە كوتەرىلدى»... الۋان ٴتۇرلى مەرەكەلىك مادەنيەت پەن بۇقارانىڭ بيىككە تالپىنعان رۋحاني بەت - بەينەسى ارقىلى ادامداردىڭ سەنىمى مەن باتىلدىعىن ونان ارى تاسقىنداتۋعا بولادى.

ەڭبەك دۇنيەنى، اششى تەر بولاشاقتى جاراتادى. تىلشىلەرىمىزدىڭ جۇيرىك قالامىنان تۋىنداعان جانە فوتو اپپاراتىمەن تۇسىرىلگەن «تاماق جەتكىزۋشى اعاي: تىنباي قۇلشىنۋىنىڭ ارقاسىندا جاڭا جىلدا باقىتتى تۇرمىسقا قول جەتكىزدى»، «كوكتەم مەرەكەسىندە اۋىلىنا قايتپاي، قىزمەت ورنىنان تاپجىلماعان اۋىلداستارعا راقىمەت»، «پاحىردەن: شاكىرتتىكتەن جۇڭگونىڭ ايگىلى اسپازى بولعانعا دەيىن» سياقتى بەينەباياندار جۇرتتى اسەرلەندىردى، ٴار جولعى جاراسىمدى دا شاتتىققا تولى مەرەكە - مەيرام كۇندەرىنىڭ استارىندا ٴار سالادا، ٴار كاسىپتە تىنباي كۇرەس جۇرگىزىپ، ٴوز وتباسىنىڭ قامىن ەمەس، كوپتىڭ قامىن جەگەن ٴبىر توپ ەڭبەكشىلەردىڭ ٴۇن - ٴتۇنسىز، قالتقىسىز ۇلەس قوسقان ەڭبەگى جاتىر. ال «كۇنەس اۋدانى: كوكتەم مەرەكەسى بازارىندا جىلىجاي بۇلدىرگەنىنىڭ ساۋداسى كۇسەت بولدى»، «چاپچال اۋدانى: كوكتەم مەرەكەسىندە جىلىجايدا مايسا ٴوسىرىپ، مول ونىمگە ٴۇمىت ارتتى»، «وتباسىلىق مال فەرماسى مالشىلاردى اۋقاتتاندىرۋدىڭ سەركەسىنە اينالدى» سياقتى اقپاراتتىق حابارلار بىزگە بۇرىن ەلەۋسىز كورىنگەن شاعىن قىستاقتاردا زور وزگەرىس تۋىلىپ، قاز - قاتار جىلىجايلاردا، وتباسى مال فەرمالارىندا قىزۋ ناۋقانمەن جۇمىس جۇرگىزىلىپ، اۋىل - قىستاق كاسىپ سالاسىن كوركەيتۋگە زور كۇش ۇستەپ جاتقاندىعىن شىنايى ۇعىندىردى.

كوركەم ٴداۋىردى قالام ۇشىمەن ەستەلىككە الىپ، جاندى جادىراتار ايتۋلى شاقتى قاس - قاعىم ساتتە اپپارات كوزىندە قالدىردى. «قۇرىش ساقشى دۋ ياڭياڭ جولاۋشىلاردىڭ ۇيىنە ۋاعىندا جەتۋى ٴۇشىن تاپجىلماي قىزمەت وتەدى» بەينەبايانىندا سان مىڭداعان وتباسى باس قوسىپ، مارە - سارە بولىپ جاتقان ەرەكشە ساتتە ٴۇرىمجى تەمىر جول قوعام حاۋىپسىزدىگى مەكەمەسى كۇيتۇن قوعام حاۋىپسىزدىگى باسقارماسى قۇلجا ۆوكزالى ساقشى بولىمشەسىنىڭ اتقارۋشى اترەت باستىعى دۋ ياڭياڭنىڭ قىزمەت ورنىندا تاپجىلماي مىندەت وتەپ جاتقاندىعى ٴارى ونىڭ جەتى جىل بويى شاعانعا قاراعان ٴتۇنى وتباسىمەن باس قوسا الماعاندىعى، ٴار كۇنى 20 مىڭ قادامنان ارتىق جول باساتىندىعى، ونىڭ قىزمەت ورنىندا تاباندىلىقپەن مىندەت وتەپ، بەكەت رايونىندا شارلاۋ جۇرگىزۋى، جولاۋشىلارعا قىزمەت وتەۋدەي قاراپايىم ٴارى ٴبىر سارىندى قىزمەتى ەگجەي - تەگجەيلى باياندالعان. ۇقساماعان قىزمەت ورنىندا ۇقساس بورىش ارقالاعان «حيكايا استارىنداعى» كوكتەم مەرەكەسى كەزىندەگى كورىنىستەردە دۋ ياڭياڭ ۋاكىلدىك ەتكەن كەزەكشىلىك مىندەت وتەپ جاتقان قىزمەتكەرلەر مىزعىماس تاباندىلىقپەن «تىنىش ىلە» قۇرۋعا تيەسىلى كۇش قوستى.

ەگەر اپپارات كوزىن الىسقا تۋرالاپ، ٴتۇسىرۋ كولەمىن ۇلعايتار بولساق، «شەكارا قورعانىسىندا مەن بارمىن، وتان انا الاڭسىز بولىڭىز»، «اسكەر زايىبى ەگىز ۇلىن ەرتىپ، شينجياڭ اسكەري رايونى تاستى شەكارا قورعانىس ليانىنداعى شەكارا قورعاۋشى كۇيەۋىنە امانداسا باردى»، «ىلە ٴورت ٴوشىرۋ، ورتتەن ساقتانۋ اترەتى ساقاداي سايلانىپ، بۇقارانىڭ مەرەكەنى امان - ەسەن وتكىزۋىن قامتاماسىزداندىردى»، «ۋاقىتپەن جارىسقان 120 شۇعىل قۇتقارۋ قىزمەتكەرلەرى تاۋلىك بويى حالىقتىڭ سالاماتتىعىن كۇزەتۋدە» سياقتى بەينەباياندار كوزىمىزگە تۇسەدى، بۇل بەينەبايانداردان حالىق ازاتتىق ارمياسى، قارۋلى ساقشى جانە ٴورت ٴوشىرۋ، ورتتەن ساقتانۋ جاۋىنگەرلەرى، ەمدەۋ - دەنساۋلىق ساقتاۋ قىزمەتكەرلەرى سياقتى ٴبىر توپ تاماشا تۇرمىستى جاراتۋشىلاردىڭ، قورعاۋشىلاردىڭ ٴوز قىزمەت ورنىن تياناق ەتىپ، تاباندىلىقپەن كۇرەس جۇرگىزىپ، جاۋاپكەرشىلىك جانە ٴىس جۇزىندىك ارەكەتتەرى ارقىلى سان - مىڭداعان وتباسىنىڭ اماندىعىنا، تىنىشتىعىنا كەپىلدىك ەتكەنىن اڭعارا الامىز. ولاردىڭ ٴوز وتباسىلارىنىڭ قامىن ەمەس، قايتا كوپتىڭ قامىن جەپ، كوپتىڭ مۇددەسى ٴۇشىن ٴوز مۇددەسىن قۇربان ەتكەن كوپتەگەن اسەرلى اڭگىمەلەرى بىزگە وتباسى مەن مەملەكەتتىڭ ٴبىر تۇتاس تۇلعا ەكەندىگىن، وتباسى مەن مەملەكەتتىڭ ٴبىر نيەت، ٴبىر تىلەكتە بولاتىن مىعىم كۇشىن سەزىندىردى.

ىلەنىڭ بايتاق دالاسىنان جاندى دا اسەرلى اڭگىمەلەر تولاستاعان ەمەس، اۋىل - قىستاقتارداعى اتىزداردان قالالى جەردەگى الەۋمەتتىك اۋماقتارعا دەيىن، زاۆود سەحتارىنان شەكارا قاراۋىلدارىنا دەيىن، اۋەجاي، تەمىر جولدارىنان قامداۋ - قامتاماسىزداندىرۋ ٴبىرىنشى شەبىنە دەيىن... سان - ساناقسىز قاراپايىم جاندار قاجىرلىلىقپەن كۇرەس جۇرگىزىپ، جاڭا داۋىردە كورىكتى ىلە قۇرۋدىڭ اسقاق جىگەرلى كۇش - قۋاتىن ۇيىستىرۋدا.

اقپارات تىلشىلەرى تومەنگە ىشكەرىلەي بارىپ، اپپارات كوزىمەن تارتىمدى دا اسەرلى ساتتەردى ەستەلىككە الىپ، قالام ۇشىمەن ارمانعا قۇلاش سەرمەگەن، تابىسقا قول جەتكىزگەن اڭگىمەلەردى جازىپ، بۇقارانىڭ جۇرەك ۇنىنە قۇلاق ٴتۇرىپ، «كۇرەس جۇرگىزگەن سايىن، قىزعىندى بولامىز» دەگەن اسقاق اۋەنمەن اناعۇرلىم كوپ «جاناسىمدى، ٴنارلى، جالىندى» اقپارات تۋىندىلارىن جازاتىن بولادى. ٴار دارەجەلى كادرلار تومەنگە ىشكەرىلەي بارىپ، نەگىزگى ساتىمەن ىشكەرىلەي ارالاسىپ، قوعام اۋانىن ۇعىنىپ، نىسانا بەلگىلەپ، ٴادىس - امالدى ٴداپ باسىپ تاۋىپ، بۇقارانىڭ بىلەك سىبانا ەڭبەكتەنۋىنە، اۋقاتتانۋىنا ٴۇمىت سيلايدى. جاڭا ٴبىر جىلدا ٴبىز قايراتتانا العا ۇمتىلۋىمىز، ەرلىكپەن العا باسۋىمىز، قاجىرلىلىقپەن قىزمەت ىستەۋىمىز، ايانباي تەر توگۋىمىز كەرەك، كادرلاردىڭ باتىلدىقپەن ٴىس بىتىرۋىنە، جەرگىلىكتى ورىننىڭ باتىلدىقپەن قامال الۋىنا، كاسىپورىننىڭ باتىلدىقپەنٴىس ىستەۋىنە، بۇقارانىڭ باتىلدىقپەن جاسامپازدىق جاراتۋىنا مۇمكىندىك جاساساق بولعانى، ٴسوزجوق، وبلىستىق پارتكوم بەلگىلەگەن نىسانا - مىندەتتەردى تاماشا رەالدىققا اينالدىرا الامىز. ٴبىز «كوكتەم مەرەكەسىندە نەگىزگى ساتىنى ارالاۋ» ايدارىنداعى تارتىمدى مازمۇندار مەن اسەرلى اڭگىمەلەر ارقىلى جاڭا اۋان، جاڭا بەت - بەينەمەن ورتاق تانىم ۇيىستىرىپ، كۇش - قۋات توپتاپ، جاڭا داۋىردەگى كورىكتى ىلە قۇرۋ جولىندا ەرلىكپەن العا باسايىق!