汉文 ىلە اقپارات تورابىنا حوش كەلدىڭىزدەر!
قىستاق تۇرعىندارىنىڭ مەرەكەسى − ٴبىزدىڭ مەرەكەمىز
2023-01-31 12:09:04     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

قىستاق تۇرعىندارىنىڭ مەرەكەسى − ٴبىزدىڭ مەرەكەمىز

حابارىن جازىپ، سۋرەتىن تۇسىرگەن ٴتىلشىمىز شۇي جيجى

مەنىڭ اتىم تان دۇڭچۋ، قازىر چاپچال سىبە اۆتونوميالى اۋدانى كەن اۋىلى چىعىلىق قىستاعىنىڭ ٴبىرىنشى شۋجيىمىن، اۋداندىق اۋىل شارۋاشىلىعى، اۋىل - قىستاق مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعىمىن. بيىل مەنىڭ وسى قىستاقتاعى 3 ـ رەت كوكتەم مەرەكەسىن وتكىزۋىم.

قىستاقتا كوكتەم مەرەكەسىن وتكىزۋدىڭ كوپتەگەن قىزىقتارى بولادى، قالاعا ۇقسامايتىن كوپتەگەن جەرلەرى دە بار. قىستاقتا تۇراتىن كادر رەتىندە قىستاق تۇرعىندارى كوكتەم مەرەكەسىن وتكىزگەندە قىزمەتتى بوساڭسىتۋعا بولمايدى، ويتكەنى وسى مەزگىلدە قىستاقتا تۇراتىن كادرلار كەزەكشىلىك ىستەۋ، جول قاتىناس حاۋىپسىزدىگى، ورتتەن ساقتانۋ، ىستان ساقتانۋ سياقتى قىزمەتتەردى ويداعىداي ىستەۋى كەرەك.

ٴار جىلى كوكتەم مەرەكەسى كەزىندە قىستاقتان سىرتقا شىققانداردىڭ كوبى اۋىلىنا قايتىپ، اۋلاسىن تازالاپ، بازارعا بارىپ، مەرەكەلىك بۇيىمدار ساتىپ الادى. وتكەن جىلى قىستاق ورتا تازالىعىن وڭاۋعا 30 مىڭ يۋاننان استام قارجى قوستى، قىستاقتىڭ بەت - بەينەسىندە زور وزگەرىس تۋىلدى؛ وبلىس دارەجەلى عىلىم - تەحنيكا ارناۋلى قىزمەتكەرلەرىن ۇسىنىس ەتىپ، «تاماق بۇيىرتۋ فورماسىندا» تەحنيكالىق باۋلۋ جۇرگىزىپ، قىستاق تۇرعىندارىنا كۇرىش، جۇگەرى سياقتى ەگىس داقىلدارىنىڭ ەگىمشىلىك تەحنيكاسىن ەگجەي - تەگجەيلى ٴتۇسىندىردى؛ 22 ميلليون 800 مىڭ يۋان جوعارى ولشەمدى اتىز قۇرىلىسى نىسانىن اتقارىپ، 19 مىڭ مۋ ەگىس اتىزىن سۋارۋ، سۋ ىعىستىرۋ ينجەنەرياسىن باستاپ اتقاردى. قىستاق تۇرعىندارىنىڭ ماڭىندا تۋىلعان وسى مىسالدار بۇقارانى «ۇيىستىرۋ» قىزمەتىن اناعۇرلىم جاقسى ورىستەتۋگە مۇمكىندىك جاسادى.

كوكتەم مەرەكەسىنىڭ الدىندا، قىستاق «قويان جىلعى كوكتەم مەرەكەسىن قارسى الىپ، مەرەكەنى دۋماندى وتكىزەيىك» اتىنداعى «قىستاق ساۋىق كەشىن» وتكىزدى، كوپشىلىك وزدەرى دايىنداپ، وزدەرى ورىنداعان ٴبي، ساكىس مۋزىكاسى، چيپاۋ سانگەرلىگى، بەت قۇبىلتۋ، ٴان ايتۋ سياقتى 12 كونسەرت قويىپ، قىستاق تۇرعىندارىنىڭ جاپپاي القاۋىنا بولەندى. «قىستاق كەشىن» ۇيىمداستىرۋ ارقىلى قىستاق تۇرعىندارىنىڭ ساحناعا شىعىپ وبرازىن ايگىلەۋىنە مۇمكىندىك جاساپ، اۋىل - قىستاقتىڭ «جاندانۋىن»، «كورىكتەنۋىن»، «اۋقاتتانۋىن» ىلگەرىلەتتى. 

سونىمەن بىرگە، قىزمەت اترەتى شارۋالار كەشكى مەكتەبىنەن پايدالانىپ، قىستاق تۇرعىندارىن «ٴبىر ٴۇيلى جان» سياقتى وتانشىلدىق اندەردى ايتۋعا ۇيىمداستىردى. 50 نەشە ادامدىق «حور ۇيىرمەسى» ٴار كۇنگى كەشكى مەكتەپتەن بۇرىن وتانشىلدىق اندەردى «مىندەتتى ساباق» رەتىندە  بىرگە شىرقايدى. «ٴبىر ٴۇيلى جان» ٴانىن ستۋدەنت مەيىرزات باستاپ ايتادى، مەيىرزات «وتباسى − ٴبىر ٴۇيلى جانداي، مەملەكەتىمىز − ۇلى جۇڭگو. وتباسى بەرەكەلى بولسا بارلىق ٴىس وڭعا باسادى. تيانشان قاراعايلارى تامىرلاس، ٴار ۇلت حالقى جۇرەكتەس. ۇلتتار ىنتىماعى گۇلى تيانشاننىڭ تۇستىگى مەن تەرىستىگىندە شەشەك اتىپ، ۇلتتار ىنتىماعىنىڭ ماداق جىرىن اسقاقتاتا شىرقايمىز» دەدى.

كوكتەم مەرەكەسىنىڭ سالتى بويىنشا باس قوسۋ تاعامىنان ٴدام تاتقاندا عانا «قىستاقتا باس قوسۋ» ەسەپتەلىنەدى. بىلتىر جۇگەرى ەگۋ تەحنيكاسىنا باۋلۋعا قاتىناسىپ، اقشا تاپقان قىستاق تۇرعىنى رۋحيام ماحمۇت قىزمەت اترەتىنىڭ مۇشەلەرىمەن بىرگە باس قوسۋ تاماعىنان ٴدام تاتتى. كوپشىلىك قورالانا وتىرىپ، اقتارىلا سىر شەرتىپ، ٴدامدى تاعامداردان اۋىز ٴتيىپ، 2023 ـ جىلعى اۋقاتتانۋ وي جەلىسىن تىلگە تيەك ەتتى.

كوكتەم مەرەكەسى الدىندا قىستاق تۇرعىندارى تەرەزە اشەكەيى مەن كوكتەم بوساعالىعىن قۋانا جاپسىرىپ، كوكتەم مەرەكەسىن قۋانىشپەن قارسى الدى. گۇلنۇر ۇسەن: «تەرەزە اشەكەيى مەن بوساعالىق جاپسىرعاندا عانا مەرەكەنىڭ مەرەيىن سەزىنۋگە بولادى» دەدى.

ەسكىشە كالەندار بويىنشا 12 - ايدىڭ  29 - كۇنى قىستاق تۇرعىندارى قىزمەت اترەتىنىڭ جاتاعىنا كەلىپ، اترەت مۇشەلەرىمەن بىرگە تۇشپارا ٴتۇيدى، كوپشىلىك ٴوز ونەرلەرىن ايگىلەپ، شاتتىق كۇلكىسى ەسىپ، مارە - سارە بولىستى.

بارشا جۇرت مەرەكەلىك شام - شىراقتارمەن كونە جىلدى ۇزاتتى، بارلىق وتباسى باس قوسىپ، كوكتەم مەرەكەسىن قارسى الدى. تۇرعىندار وسى رەتكى قيمىلدان كوتەرىڭكى كوڭىل كۇي مەن تابىس شاتتىعىن سەزىندى. چىعىلىق قىستاعىنىڭ تۇرعىندارى كوكتەم مەرەكەلەرىنىڭ، ٴسوز جوق، بارعان سايىن دۋمانعا بولەنىپ، تۇرمىستارىنىڭ بارعان سايىن جاقساراتىندىعىنا سەنىم ارتتى.

微信图片_20230127162404.jpg

سۋرەتتە: قىزمەت اترەتىنىڭ مۇشەلەرى مەن قىستاق تۇرعىندارى بىرگە تۇشپارا تۇيۋدە.