شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي، يۋان لەي).2 – ايدىڭ 4 – كۇنى تۇستەن كەيىن اۆتونوميالى رايوندىق 13 – كەزەكتى حالىق قۇرىلتايى 4 – ءماجىلىسىنىڭ ءتوراعالار القاسى 4 – رەتكى جيىنىن وتكىزدى.

    ءماجىلىس ءتوراعالار القاسىنىڭ تۇراقتى ءتوراعالارى چىن چۋانگو، شاۋكەت يمىن، جۋ حايلۇن، لي شۋەجۇن، ۋاڭ يۇڭميڭ، ٴمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل ۇلى، سۋ يۋە جيىنعا قاتىناستى. شاۋكەت يمىن جيىندى باسقاردى.

    جيىندا اۆتونوميالى رايوندىق 13 – كەزەكتى حالىق قۇرىلتايى زاڭ – ءتۇزىم كوميتەتىنىڭ اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسى جوباسىن قاراۋ ناتيجەسى جونىندەگى بايانداماسى تىڭدالىپ، ەرەجە جوباسىنا وزگەرىس ەنگىزۋ نۇسقاسىن ءارقايسى ۋاكىلدەر ۇيىرمەسىنىڭ قاراۋىنا ۇسىنۋ ۇيعارىلدى؛ ءماجىلىس حاتشىلار باسقارماسىنىڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت باياندامالارىن قاراۋ جاعدايى جونىندەگى دوكلادى تىڭدالىپ، ءۇش باياندامانىڭ قارار جوباسىن ءارقايسى ۋاكىلدەر ۇيىرمەسىنىڭ قاراۋىنا ۇسىنۋ ۇيعارىلدى؛ ءماجىلىس حاتشىلار باسقارماسىنىڭ ۋاكىلدەر ورتاعا قويعان كەڭەس جوبالارىن ءبىر جاقتى ەتۋ جونىندەگى دوكلادى تىڭدالدى؛ ءماجىلىس حاتشىلار باسقارماسىنىڭ قاتىستى مەملەكەت ورگانى قىزمەتكەرلەرىنىڭ قىزمەتتەن بوساۋ ءوتىنىشىن قابىلداۋ ۇيعارىمى جوباسىن قاراۋ جاعدايى جونىندەگى دوكلادى تىڭدالىپ، مىندەتتەن بوساۋ ءوتىنىشىن قابىلداۋ ۇيعارىمى جوباسىن جالپى ماجىلىستە داۋىسقا سالۋعا ۇسىنۋ ۇيعارىلدى؛ ءماجىلىس حاتشىلار باسقارماسىنىڭ ءارقايسى ۋاكىلدەر ۇيىرمەسىنىڭ اقىلداسىپ ءتوراعالار القاسىنا كانديدات ۇسىنۋ جانە ۋاكىلدەردىڭ كانديداتىن بىرلەسىپ ۇسىنۋ جاعدايى جونىندەگى دوكلادى تىڭدالىپ، رەسمي كانديداتتىققا ۇسىنىلاتىنداردى جالپى ءماجىلىستىڭ سايلاۋىنا ۇسىنۋ بەلگىلەنىپ، قاتىستى ارناۋلى كوميتەتتەن قۇرالعان ادامداردىڭ ەسىمدىگى جوباسىن جالپى ماجىلىستە داۋىسقا سالۋعا ۇسىنۋ ۇيعارىلدى؛ باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگى جوباسىن جالپى ماجىلىستە داۋىسقا سالۋعا ۇسىنۋ ۇيعارىلدى.