3 ميلليارد يۋان مولشەرىندە قارجى قوسىلاتىن نىساندار جونىندە العاشقى كەلىسىم جاسالدى
اۆتونوميالى وبلىستىڭ بيىلعى تۇڭعىش رەتكى «توراپتا ساۋداگەر شاقىرۋ قوناق قابىلداۋ بولمەسى» الۋەتتى كاسىپورىنداردى باۋرادى
سۋرەتتە: «توراپتا ساۋداگەر شاقىرۋ قوناق قابىلداۋ بولمەسىنىڭ» ناق مايدانى.
سۋرەتتى لي يافىڭ تۇسىرگەن.
ءتىلشىمىز لي يافىڭ حابارلايدى.جۋىرداعى جىلداردان بەرى «بۇلتتىق جەلىدە» كەزدەسۋ، «ەكران ارقىلى » قارجى قوسۋ نىساندارىن تانىستىرۋ، ساۋداگەر شاقىرىپ، قارجى ەنگىزۋ قىزمەتىن ويداعىداي ورىستەتۋدەگى جاڭا ۇلگىگە اينالدى. 2 – ايدىڭ 1 – كۇنى اۆتونوميالى وبلىستىڭ بيىلعى تۇڭعىش رەتكى «توراپتا ساۋداگەر شاقىرۋ قوناق قابىلداۋ بولمەسى» قيمىلى تابىستى وتكىزىلىپ، وبلىستىڭ ءتورت باسشىلىق القاسىنىڭ سالالارعا جاۋاپتى باسشىلارى مەن نەگىزگى باسشىلارى «بۇلتتىق جەلى» ارقىلى بۇكىل مەملەكەتتىڭ جەر – جەرىندەگى ساۋداگەرلەرگە قارجى قوسۋ نىساندارىن تانىستىرىپ، ءتپىتى دە كوپ كاسىپورىنداردى ىلەگە كەلىپ قارجى قوسۋعا باۋرادى.
وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى جۋ بين، وبلىستىق پارتكومنىڭ تۇراقتى مۇشەسى، وبلىستىڭ ورىنباسار باستىعى تاۋ چيڭسۇڭ قاتارلى باسشىلار قيمىلعا قاتىناستى.
ناق مايدانعا بارعان ءتىلشى بۇل رەتكى «توراپتا ساۋداگەر شاقىرۋ قوناق قابىلداۋ بولمەسى» قيمىلىنىڭ «نەگىزگى ءماجىلىس الاڭى + بولىمشە ءماجىلىس الاڭى + قارجى قوساتىن جاقپەن بەينە ەكرانىن جالعاۋ» فورماسىندا جۇرگىزىلىپ جاتقانىن كوردى. كەڭەس بارىسىندا تاۋ چيڭسۇڭ الدىمەن ىلە وبلىسىنىڭ وڭىرلىك، قاتىناس، بايلىق، كەن ونىمدەرى ابزالدىعىن جانە ساۋداگەر شاقىرۋداعى ءتيىمدى ساياساتتارىن تانىستىردى، اۋدان، قالالاردىڭ قاتىستى جاۋاپتىلارى كاسىپورىنشىلار ورتاعا قويعان قارجى قوسۋ قاجەتى جانە كاسىپ ساياساتى سياقتىلارعا باعىتتاي وتىرىپ ساۋداگەرلەردىڭ سۇراۋىنا جاۋاپ بەردى ءارى نىسانداردى ۇزدىكسىز ىلگەرىلەتۋ باعىتىن ايقىن بەلگىلەدى.
2020 – جىلى اۆتونوميالى وبلىس ساۋداگەر شاقىرىپ، قارجى ەنگىزۋ قىزمەتىن جوعارى ساپالى دامۋداعى « 1- ءنومىرلى ينجەنەريا» ەتۋدە تاباندى بولىپ، تۇتاس جىلدا 793 ساۋداگەر شاقىرىپ، قارجى ەنگىزۋ نىسانىن اتقارىپ، 84 ميلليارد 920 ميلليون يۋان قارجىنى تياناقتاندىرىپ، رايون سىرتىنان ەنگىزىلگەن قارجىنى تياناقتاندىرۋ سالىستىرماسى، ارتۋ قارقىنىنا ۇلەس قوسۋ سالىستىرماسى بىردەي تۇتاس شينجياڭ بويىنشا 1 - ورىندى يەلەدى. نىسانداردىڭ ارت – ارتىنان ىرگە تەۋىپ، ويداعىداي تياناقتاندىرىلىپ، جەمىس بەرۋى ارقىلى كاسىپتى دامىتۋداعى جاڭا قوزعاۋشى كۇش ۇزدىكسىز ۇيىستىرىلىپ، وبلىسقا توتە قاراستى ورىنداردىڭ كاسىپ قۇرىلىمىن رەتتەپ، تيبىن وزگەرتىپ، دارەجەسىن جوعارىلاتۋىن ىلگەرىلەتىپ، ەكونوميكا مەن قوعامنىڭ جوعارى ساپالى دامۋىن جەبەدى.
بيىل اۆتونوميالى وبلىس تۇتاس جىلدا ساۋداگەر شاقىرىپ، قارجى ەنگىزۋدىڭ ارتۋىن %30 تەن اسىرۋ نىساناسىن ورتاعا قويدى، وسىلايشا، قايتكەندە ءساتتى باستاما جارىققا شىعارۋ وبلىسقا توتە قاراستى ورىنداردىڭ ساۋداگەر شاقىرۋ قىزمەتىندەگى ماڭىزدى تۇيىنگە اينالدى.
جاڭا جىل باستالىسىمەن اۋدان، قالالار (وتكەل) نىسانداردى ءبىر – بىردەن سارالاپ، جاڭالاپ، ىرگە تەبۋ مۇمكىندىگى بار نىسانداردى سايكەستىرۋ جوباسىن جاسادى. بۇدان تىس اۋدان، قالالار كاسىپتى دامىتۋ تىزبەگىن مۇقيات سارالاپ، «نە جەتكىلىكسىز بولسا، سونى تولىقتاۋ» پرينسيبىنە ساي، كاسىپ تىزبەگىندەگى شەشۋشى بۋىنداردى، وزەكتى كاسىپورىنداردى جانە جوعارى، تومەنگى بۋىندارداعى تۇلعالى كاسىپورىنداردى ەنگىزۋدە تىڭ ىلگەرىلەۋشىلىكتى جۇزەگە اسىرۋعا قۇلشىندى.
«بۇلتتىق جەلىدە» وبلىستىڭ ساۋداگەر شاقىرۋ قىزمەتكەرلەرى تۇتاس مەملەكەتتىڭ جەر – جەرىندەگى ساۋداگەرلەرمەن جانە كاسىپورىن جاۋاپتىلارىمەن بەينە ەكران ارقىلى قاجەتسىنۋ، سەلبەستىك جونىندە بەتپە – بەت ەگجەي – تەگجەيلى اڭگىمەلەستى، قىرۋار كاسىپورىن جەلى ارقىلى قاتىستى قىزمەتكەرلەرمەن حابارلاسىپ، تەز ارادا ناق مايداندا تەكسەرۋ جۇرگىزىپ، نىسانداردىڭ ىرگە تەبۋىن جەدەلدەتۋدى ءۇمىت ەتەتىندىگىن ءبىلدىردى.
2000 – جىلى قۇرىلعان يۇننان شىلي جارنا مەڭگەرۋ توبى – جۇڭگو قورا - جاي كاسىبىندەگى 100 الۋەتتى كاسىپورىننىڭ، سونداي – اق جۇڭگو مادەنيەت، ساياحات، جەر – مۇلىك اينالىم تيجاراتىنداعى 10 الۋەتتى كاسىپورىننىڭ ءبىرى. كەڭەس بارىسىندا يۇننان شىلي جارنا مەڭگەرۋ توبىنىڭ ورىنباسار باس القاسى گاۋ چىڭ توپتىڭ مادەنيەت، ساياحات، دەنساۋلىقتى قالپىنا كەلتىرۋ، كۇتىنۋ سياقتى كاسىپتەردى دامىتۋ ابزالدىعى جانە بايلىقتى بىرىكتىرۋ قۋاتىنا ۇشتاستىرىپ، ىلە وبلىسىنىڭ مادەنيەت، ساياحاتتى دامىتۋ نىساندارىنا جالپى ءبىر ميلليارد يۋان قارجى قوساتىندىعىن ايتقاندا، ىلە وبلىستىق مادەنيەت، ساياحات كاسىبى توبى شەكتى سەرىكتىگىنىڭ باس ديرەكتورى ياڭ پىڭ ەرەكشە قۋاندى. ياڭ پىڭ بىلاي دەدى: ىلەنىڭ مادەنيەت، ساياحات كاسىبى جالپى جاقتان العاندا ءالى دە ءداستۇرلى سەرۋەن – ساياحات ساتىسىندا تۇر، دەمالىس ساياحاتى، سەزىنۋ ساياحاتى بۇدان بىلايعى دامۋ بەتالىسى بولماق، يۇننان شىلي جارنا مەڭگەرۋ توبىنىڭ نىسان قارجىسىن باۋراۋ ساياحات كاسىبىنىڭ تيبىن وزگەرتىپ، دارەجەسىن جوعارىلاتۋدا، ساپاسى مەن دەڭگەيىن جوعارىلاتۋدا ماڭىزدى مانگە يە.
«وسى رەت LED تۇتاس كاسىپ جەلىسى باقشا رايونى، قايتا تۋىندايتىن بايلىق نىسانى، جارىق ەلەكترى كاسىپ باقشاسىن قالىپتاستىرۋ، مادەنيەت، ساياحات ۋنيۆەرسالدى كاسىبى جانە دەنساۋلىقتى قالپىنا كەلتىرۋ، كۇتىنۋ نىسانىن قامتىعان 4 نىسان كەلىسىمى العاشقى قادامدا جاسالىپ، بۇلارعا شامامەن 3 ميلليارد يۋان قارجى قوسىلادى » دەدى وبلىستىق ساۋداگەر شاقىرۋ، قارجى ەنگىزۋ باسشىلىق گرۋپپاسى كەڭسەسىنىڭ مەڭگەرۋشىسى، وبلىستىق ساۋدا مەكەمەسى پارتگرۋپپاسىنىڭ ورىنباسار شۋجيى، مەكەمەنىڭ ورىنباسار باستىعى، 2 – دارەجەلى شارلاۋشى جاڭ شۇيحۋا. ول تاعى بىلاي دەدى: «قيمىلدا مەجەلى نىسانا ورىندالدى، بۇدان بىلاي ەكى جاق ۇزدىكسىز پىكىر اۋىستىرىپ، العاشقى كەلىسىم جاسالعان نىسان توقتامدارىنا تەز ارادا قول قويىلىپ، كۇنى بۇرىن ىرگە تەۋىپ تياناقتانۋىن اناعۇرلىم ىلگەرىلەتەدى».
توراپتا ساۋداگەر شاقىرۋ نىساندارىن تانىستىرۋ – ساۋداگەر شاقىرىپ، قارجى ەنگىزۋ نىسانا - مىندەتتەرىن ورىنداۋدىڭ ءونىمدى جولى، بۇدان بىلاي ۇزاق ۋاقىت تاباندى بولاتىن جاڭالىق اشۋ شاراسى. جۋ بين بىلاي دەپ باسا دارىپتەدى: ساۋداگەر شاقىرىپ، قارجى ەنگىزۋ نىسانا - مىندەتىن %100 ورىنداۋ تالابىنا ساي، تيجارات – ساۋدا ورتاسىن ۇزدىكسىز ساپالىلاندىرىپ، توراپتا ساۋداگەر شاقىرۋ نىساندارىن تانىستىرۋدى ۇزدىكسىز مىقتى يگەرىپ، بەينە ەكران فورماسىمەن اۋىس – كۇيىس جاساۋدى، ماسەلەلەرگە جاۋاپ بەرۋدى ىلگەرىلەتۋ ارقىلى بايلىق تانىستىرۋ، كەڭەس وتكىزۋ نىساندارىن ءتىپتى دە ءدال، دۇرىس تاۋىپ، توراپتا ساۋداگەر شاقىرۋ ۇلگىسىنەن ۇتىمدى پايدالانىپ، «ءدال، دۇرىس ساۋداگەر شاقىرۋ، كاسىپتىك جۇيە بويىنشا ساۋداگەر شاقىرۋ» ۇلگىسىندەگى قىزمەت وتەۋ تانىمىن جالعاستىرىپ، كاسىپورىندارعا ساپالى قىزمەت وتەپ، ءتىپتى دە كوپ ءىرى كاسىپورىنداردىڭ، جاقسى نىسانداردىڭ ىلەدە ىرگە تەبۋىنە، «14 - بەسجىلدىقتا» تىڭ باستاما اشۋعا كەپىلدىك ەتەمىز.
وبلىسقا توتە قاراستى اۋدان، قالالاردىڭ (وتكەل)، وبلىسقا توتە قاراستى قاتىستى تاراۋلاردىڭ (مەكەمە) جانە تۇيىندەردە تۇراتىن ساۋداگەر شاقىرۋ بولىمشە مەكەمەلەرىنىڭ نەگىزگى جاۋاپتىلارى دا جينالىسقا قاتىناستى.