ادەبيەت - كوركەمونەرشىلەردىڭ كۇش - قۋاتىن ۇيىستىرىپ، ىلەنىڭ مادەنيەتىن گۇلدەندىردى
وبلىستاعى ادەبيەت - كوركەمونەر سالاسىنداعىلار باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەندى، دايەكتىلەندىردى
ٴتىلشىمىز ۋاڭ جىحۋا حابارلايدى. 8 - ايدىڭ 12 - كۇنى ٴتىلشى وبلىستىق ادەبيەت - كوركەمونەر سالاسىنداعىلاردىڭ باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەنۋ، دايەكتىلەندىرۋ جونىندەگى اڭگىمە ماجىلىسىنەن وبلىستىق ادەبيەت - كوركەمونەر بىرلەستىگىنىڭ جانە اۆتونوميالى وبلىستىق ادەبيەت - كوركەمونەر قىزمەتكەرلەرىنىڭ باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ادەبيەت - كوركەمونەر قىزمەتىن ىلگەرىلەتۋدىڭ ٴىس جۇزىندىك ارەكەتىنە اينالدىرىپ، ٴتىپتى دە مول، ٴتىپتى دە تاماشا، سارا، سۇبەلى تۋىندىلار جاراتىپ، ورتاق تانىمعا ۇيىستىرىپ، كۇش - قۋات توپتاپ، كورىكتى ىلە قۇرۋعا ادەبيەت - كوركەمونەر جاعىنان ۇلەس قوسۋعا قۇلشىنىپ جاتقاندىعىن ۇعىستى.
وبلىستىق ادەبيەت - كوركەمونەرشىلەر بىرلەستىگىندە 9 ادەبيەت - كوركەمونەرشىلەر قوعامى، ٴبىر مىڭ 800 دەن استام مۇشە بار، مادەنيەت تاراتۋمەن شۇعىلداناتىن ادەبيەت - كوركەمونەر قىزمەتكەرى سالاۋاتىمەن ولار حالىق تۇرمىسىن بەينەلەپ، مادەنيەتتىڭ دامۋىن ىلگەرىلەتىپ، قوعامدىق سالتقا جەتەكشىلىك ەتىپ، ۇلت رۋحىن سەرپىلتۋ جاعىندا ماڭىزدى مىندەت ارقالاعان.
وبلىستىق ادەبيەت - كوركەمونەرشىلەر بىرلەستىگى پارتگرۋپپاسىنىڭ شۋجيى جىن جيڭتيڭ: «ادەبيەت - كوركەمونەر جاسامپازدىعى جاعىندا ٴبىز حالىقتى وزەك ەتكەن جاسامپازدىق باعىتىندا ۇزدىكسىز تاباندى بولىپ، دۇرىس ساياسي بەتالىستان جازباي، تاريحي تاقىرىپتاعى جانە قىزىل كلاسسيكالىق كوركەمونەر جاسامپازدىعىمەن شۇعىلدانىپ، رەال تاقىرىپتاعى جانە ۇلتتىق ەرەكشەلىككە يە كوركەمونەر جاسامپازدىعى مەن تۋىندى جاراتۋعا زەر سالامىز» دەدى.
اۆتونوميالى وبلىستىڭ پارتيا قۇرىلعاندىعىنىڭ 100 جىلدىعىن قۇتتىقتاۋعا ارنالعان سۋرەت كورمەسى، حاتكەرلىك، اسەمونەر كورمەسى اشىلعاننان تارتىپ تاڭدامالى تەاترلار «حان اۋلەتى حانىشاسى»، «ىلەنىڭ ٴتورت ماۋسىمى»، «كوكتەم سامالى» سياقتىلار شىعارىلعانعا دەيىن وبلىسقا توتە قاراستى ورىنداردىڭ «پارتياعا حالىق ٴانىن ارنايمىن» لەزدىك كەسكىنى تاراتىلعاننان تارتىپ كوركەمونەرشىلەردىڭ مادەنيەتتى اسكەري كازارمالارعا، مەكتەپتەرگە، كاسىپورىندارعا جەتكىزگەنىنە دەيىن ٴبىر توپ وڭ ەنەرگيالى ادەبيەت - كوركەمونەر تۋىندىلارى جاراتىلدى. بيىلدان بەرى اۆتونوميالى وبلىستىڭ ادەبيەت - كوركەمونەر سالاسى جاسامپازدىق امالياتىندا كورنەكتى ناتيجەلەرگە قول جەتكىزدى.
باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن نەگىزگى ساتىعا قالاي ىشكەرىلەي جەتكىزىپ، ٴونىمدى تياناقتاندىرۋ جونىندە وبلىستىق ادەبيەت - كوركەمونەرشىلەر بىرلەستىگى ادەبيەت - كوركەمونەردە سارا تۋىندى جاراتۋ ستراتەگياسىن ىشكەرىلەي اتقارىپ، جاسامپازدىق قىزمەتىن ٴتۇيىندى دەمەپ جانە ۇيىمداستىرىپ، ٴبىر توپ كەلەلى تاريحي جانە رەال تاقىرىپتاعى ادەبيەت - كوركەمونەر تۋىندىلارىن سۇرىپتاپ تۇراقتاندىردى؛ «ىلە ادەبيەت - كوركەمونەر سيلىعىن» اتقارۋ ٴادىسىن كەمەلدەندىرىپ، ٴتول جاسامپازدىققا، ادەبي اۋدارماعا جانە اۋىل - قىستاق، ورەندەر جاسامپازدىعىنا شابىتتاندىردى جانە وعان دەم بەردى؛ ادەبيەت - كوركەمونەر باسىلىمدارىن جاقسى شىعارىپ، بەلدى جازۋشىلاردىڭ تىڭ تۋىندىلارىن، جاس بۋىنداردىڭ سۇبەلى تۋىندىلارىن ۇزدىكسىز تانىستىرىپ، «ىلەنىڭ پوۆەست، اڭگىمەلەر جيناعى»، «ىلەنىڭ اسەمونەر تۋىندىلار جيناعى»، «ىلەنىڭ حاتكەرلىك تۋىندىلار جيناعى»، «ىلەنىڭ فوتو تۋىندىلار جيناعى» جانە «ىلەنىڭ مۋزىكالىق تۋىندىلار جيناعى» سياقتى ٴبىر توپ ادەبيەت - كوركەمونەر تۋىندىلارىن باسپادان شىعاردى؛ بۇقارالىق ادەبيەت - كوركەمونەر قيمىلىن ۇيىمداستىرىپ، حالىق ٴانى، ٴبي، حالىقتىق مۋزىكا، حالىق ٴان - كۇيلەرى، تەاتر، حالىق جىرلارى، حالىق تامسىلدەرى، حالىق اراسىنداعى حيكايالار سياقتىلاردى نەگىز ەتىپ، وبلىسىمىزداعى حالىقتىق كوركەمونەر مۇرالارىن جانداندىرىپ، رەتتەپ، حالىقتىق ادەبيەت - كوركەمونەر دارىندىلارىن باۋلىپ، حالىق اراسىنداعى تاڭدامالى ادەبيەت - كوركەمونەر ۇلگىلەرىن كادەگە جاراتىپ، ىلەنىڭ كورنەكتى ەرەكشەلىككە يە حالىقتىق كوركەمونەرىن جاڭالىق اشا دامىتتى.
وبلىستىق ادەبيەت - كوركەمونەرشىلەر بىرلەستىگى تاعى اۋىل - قىستاق مادەنيەت قيمىل ورتالىعى، كىتاپ ٴۇيى، مادەنيەت اۋلاسى سياقتىلاردان پايدالانىپ، «جۇڭحۋانىڭ كلاسسيكالىق شىعارمالارىن وقۋ» «جۇڭگو ارمانىمىز − مادەنيەتتى مىڭداعان وتباسىلارعا جەتكىزۋ» سياقتى جەلىلەس قيمىل ورىستەتتى؛ نەگىزگى ساتى مادەنيەت شەبىنە بارىپ، پارتيا ورتالىق كوميتەتىنىڭ ٴار ۇلت حالىق بۇقاراسىنا شىنايى كوڭىل بولگەن اڭگىمەلەردى، شينجياڭنىڭ حالىق تۇرمىسىمەن تىعىز جاناسىپ، جوعارى ساپالى دامۋدى جەبەگەن اڭگىمەلەردى، «ۇلتتار ىنتىماعىنىڭ بەرەكەلى شاڭىراعى» اڭگىمەلەرىن، ٴار ۇلت جۇرتشىلىعىنىڭ قول ۇستاسا العا ۇمتىلعان اڭگىمەلەرىن ... كوپ رەت جاقسى بايانداپ، اسەرلى اڭگىمەلەردى سان مىڭداعان وتباسىلارعا جەتكىزىپ، ٴار ۇلت جۇرتشىلىعىنىڭ پارتياعا العىس ايتۋ، پارتياعا قۇلاق اسۋ، پارتياعا ىلەسۋ تانىمىن بەكەمدەدى.
بۇدان تىس، وبلىستىق ادەبيەت - كوركەمونەرشىلەر بىرلەستىگى «تۇرمىسقا ىشكەرىلەي ٴۇڭىلىپ، حالىقپەن بىتە قايناسايىق» نەگىزگى تاقىرىبىنداعى امالياتتىق قيمىل ۇيىمداستىرىپ، كوكتەم مەرەكەسى، قۇربان ايت مەرەكەسى، مەملەكەت مەرەكەسى سياقتى مەرەكەلىك قۇتتىقتاۋ جەلىلەس ادەبيەت - كوركەمونەر قيمىلىن كەڭىنەن ورىستەتىپ، بۇقارانىڭ مەرەكەلىك مادەني تۇرمىسىن بايىتا ٴتۇستى. «مادەنيەتتى وتباسىلارعا جەتكىزۋ» جانە «نەگىزگى ساتىنى شاتتىققا بولەۋ» قيمىلىن نەگىزگى دانەكەر ەتىپ، مادەنيەتتى نەگىزگى ساتىعا جەتكىزۋ، حال سۇراۋ كونسەرتىن بەلسەنە ۇيىمداستىرىپ، جاڭا جىلدى قۇتتىقتاۋ اسەمونەر، حاتكەرلىك كورگىزبەسى، كوكتەم مەرەكەسى بوساعالىعىن كوپشىلىككە تارتۋ ەتۋ، حاتكەرلىك، سۋرەت تۋىندىلارىن الەۋمەتتىك اۋماقتارعا جەتكىزۋ سياقتى الەۋمەتتىك يگىلىك سيپاتتى قيمىلدار وتكىزدى.
«ىلە ايدىنى» جۋرنالى مەكەمەسى حانزۋ رەداكسياسىنىڭ ورىنباسار جاۋاپتى رەداكتورى بي لياڭ مىنانى ٴبىلدىردى: «كەلەسى قىزمەت بارىسىندا مەكەمەمىز<1 - شىلدە وردەنىنىڭ> يەگەرى مامەتجان ومەردىڭ ىزگى ىستەرىن ادەبي حابار فورماسىندا جاريالاۋدى جوسپارلاپ وتىرمىز؛ شينجياڭداعى <90 - جىلدان كەيىنگى جاس جازۋشىلاردىڭ شىعارمالارىن> ارناۋلى ساندا شىعارىپ، جەرگىلىكتى ورىنداعى جاس جازۋشىلاردىڭ بەت - بەينەسىن شوعىرلى ايگىلەمەكشىمىز؛ كوپتەگەن ساقا جازۋشىلاردى ىلە ادەبيەتىنىڭ ەستەلىگىن جازۋعا ۇسىنىس ەتپەكپىز؛ باس شۋجي شي جينپيڭنىڭ <1 - شىلدەدەگى> ماڭىزدى ٴسوزىنىڭ رۋحىن دايەكتى تياناقتاندىرۋدى توڭىرەكتەپ، ارنايى ايدار اشپاقشىمىز؛ جازۋشىلاردى حالىق تۇرمىسىنا ىشكەرىلەي ۇڭىلۋگە، حالىقپەن بىتە قايناسۋعا، ىلەنىڭ اۋىل - قىستاقتى گۇلدەندىرۋ، شۇعىلالى تابىس جاراتۋ سياقتى جاقتارىنان ارناۋلى تاقىرىپتىق ماقالالار جازۋعا ۇيىمداستىرىپ، نەگىزگى ساتىداعى بۇقارانىڭ مادەني تۇرمىسىن بايىتىپ، جۇڭحۋا ۇلتى ورتاق تۇلعاسى تانىمىن بەكەمدەي تۇسپەكپىز».
وبلىستىق جازۋشىلار قوعامى، مۋزىكانتتار قوعامى، اسەمونەرشىلەر قوعامى، دراماتۋرگتەر قوعامى سياقتىلار دا ٴوز يقۋاتتارىن بارىنشا ساۋلەلەندىرىپ، ٴتىپتى دە كوپ، ٴتىپتى دە جاقسى سارا تۋىندىلار جاراتۋعا قۇلشىندى. ٴارقايسى ادەبيەت ـ كوركەمونەر قوعامدارى ادەبيەت ـ كوركەمونەر ەرىكتى قىزمەت وتەۋ ۇيىرمەلەرىن قۇرىپ، نىعايتىپ، «جاڭا ٴداۋىر كوركەمونەرىن جانداندىرايىق» اتىنداعى اۋىل ـ قىستاقتى گۇلدەنۋگە دەم بەرۋ قيمىلدارىن وتكىزىپ، ادەبيەت ـ كوركەمونەر قىزمەتكەرلەرىن نەگىزگى ساتىداعى اۋىل ـ قىستاقتارعا، زاۆود ـ كەندەرگە، ٴمالى، الەۋمەتتىك اۋماقتارعا، مەكتەپتەرگە ۇنەمى بارۋعا جۇمىلدىرىپ جانە ۇيىمداستىرىپ، كوركەمونەر كۋرسى، سۋرەت كورمەسى، ادەبيەت ـ كوركەمونەر كونسەرتى سياقتى قيمىلداردى ورىستەتىپ، ادەبيەت ـ كوركەمونەر قيمىلدارىن بۇقاراعا جەتكىزىپ، حالىق بۇقاراسىنىڭ مادەنيەت قاجەتىن قاناعاتتاندىردى.