جاڭا تام قالاشىعى:

الەۋمەتتىك حاۋىپسىزدىك قۇرىلىسى ىستەرىندە يگى، ناقتى ٴىس ىستەۋگە قاداعالاي نازار اۋداردى

 ارنايى ۇسىنىس ەتىلگەن تىلشىلەر جۇڭ گايچيڭ، جوۋ جىپىڭ حابارلايدى. پارتيا تاريحىن ۇيرەنۋ تاربيەسى ورىستەتىلگەننەن بەرى قۇلجا اۋدانى جاڭا تام قالاشىعى نازاردى الەۋمەتتىك حاۋىپسىزدىك قۇرىلىسى ىستەرىندەگى ٴالسىز بۋىندارعا شوعىرلاندىرىپ، «بۇقارا ٴۇشىن ناقتى ٴىس ىستەيمىن» امالياتتىق قيمىلى ٴتىزىمىن جاساپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى. 

بيىلدان بەرى جاڭا تام قالاشىعى جالپى 100 مىڭ يۋان قارجى قوسىپ، 3 كيلومەتر جول بولەگىن جوندەپ، 73 كوشە شىراعىن، 69 ەسكەرتۋ تاقتاسىن ورناتىپ، 26 رەت ٴوندىرىس حاۋىپسىزدىگى تەكسەرۋ - باقىلاۋىن ورىستەتىپ، 3 مايدان ارناۋلى تاقىرىپتا ۇگىت - لەكسيا ۇيىمداستىردى. 

«بۇرىن قىستاقتان سىرتقا كولىكپەن شىققاندا ويلى - شۇڭقىر جولدارمەن ٴجۇرىپ، تەڭسەلگەن كولىكتە سەكەكتەپ وتىراتىنبىز. قازىر جاقسى بولدى، تەگىس جولدا ورنىقتى جۇرەتىن بولدىق» دەدى قاراسۋ قىستاعىنىڭ تۇرعىنى ما دا - ۋ العىستى سەزىمىن لەبىزىنەن اڭعارتىپ. 

قاراسۋ قىستاعىنىڭ نەگىزگى جولدارىندا ٴىرى تيپتى جۇك ماشينالارى ۇنەمى جۇرەتىندىكتەن جول اۋىر دارەجەدە ٴبۇلىنىپ، قىستاق تۇرعىندارىنىڭ ٴجۇرىس - تۇرىسىنا قولايسىزدىقتار تۋدىرعان. قالاشىق پارتكومى مەن ۇكىمەت جاعدايدان حاباردار بولعاننان كەيىن اۋداندىق قاتىناس مەكەمەسىمەن بەلسەنە بايلانىس جاساپ، بۇلىنگەن 3 كيلومەتر جولدى جوندەپ، قىستاق تۇرعىندارىنىڭ ٴجۇرىس - تۇرىسىنا قولايلىلىق جاراتىپ، ولارعا جاقسى، ناقتى ٴىس ىستەپ بەردى. 

الەۋمەتتىك حاۋىپسىزدىك قۇرىلىس ىستەرى بارىسىندا جاڭا تام قالاشىعى جۇمىس قارقىنىن بەلگىلى مەرزىمدە حابارلاندىرۋ، تىزىمدىكتى جاڭالاۋ سياقتى شارالار قولدانىپ، قىزمەتتىڭ ورىستەتىلۋى مەن تياناقتانۋ جاعدايىن ۇعىسىپ، ورىن تەپكەن ماسەلەلەردى سارالاپ، قىزمەت وتەۋ شارالارىن كەمەلدەندىرىپ، ساقتالعان ماسەلەلەردى ٴبىر - بىرلەپ شەشىپ، ٴاربىر ناقتى ٴىستىڭ، نىساننىڭ ٴتارتىپتى جۇرگىزىلۋىنە كەپىلدىك ەتتى. 

ديقاندار ەگىن ەگۋ، ٴونىم جيناۋ بارىسىندا بويراشى قىستاعىنىڭ تۇرعىنى ما جىياڭنىڭ ەسىك الدىنان وتەدى. الايدا ونىڭ ەسىگىنىڭ الدى ويپاڭ جەر بولعاندىقتان جىل بويى سۋ جينالىپ جاتاتىن، ٴار جولى جاڭبىر جاۋعاندا نەمەسە اتىز سۋارعاندا، بۇل جول بولەگى باتپاقتى قايراڭ بولىپ، ماشينالاردىڭ وتۋىنە توسقىندىق جاسايتىن، قىستاق تۇرعىندارى لاي كەشىپ، توتەنشە قولايسىز بولاتىن. سول ٴۇشىن بۇل جەردەن حالىققا قولايلى كوپىر سالۋ - قىستاق تۇرعىندارىنىڭ «الاڭداعان، قينالعان، ۋايىمداعان، كوكسەگەن» ٴىرى ىسىنە اينالعان. 

وسى جاعدايعا قاراتا جاڭا تام قالاشىعى سول قىستاقتىڭ باسشىلارىمەن، قىستاق «ەكى كوميتەتىنىڭ» باسشىلىق القالارىمەن بايلانىس جاساپ، ناقتى جاعداي ۇعىسىپ، تەكسەرۋ - زەرتتەۋ جۇرگىزىپ، حالىققا قولايلى كوپىر سالۋ جۇمىسىن «بۇقارا ٴۇشىن ناقتى ٴىس ىستەيمىن» امالياتتىق قيمىلىنىڭ تىزىمدىگىنە ەنگىزىپ، «ۇعىسۋ، تيىمدىلىك جاساۋ، توعىستىرۋ» بويىنشا بويراشى قىستاعىندا تۇراتىن قىزمەت اترەتى مەن جوعارى دارەجەلى قاتىستى تاراۋلاردىڭ بەلسەنە سايكەسۋىندە قارجى قۇراپ، ويپاڭ جەردەن حالىققا قولايلى كوپىر سالىپ، قىستاق تۇرعىندارىنىڭ ٴجۇرىس - تۇرىسىنا  ۇلكەن قولايلىلىق جاسادى. 

ىلگەرىتىنىدە جاڭاتام قالاشىعى پارتكومى مەن ۇكىمەتتىڭ باسشىلىق القالارى بويراشى قىستاعىندا ناقتى جاعداي ۇعىسۋ بارىسىندا ٴىشىنارا قىستاق تۇرعىندارىنىڭ ەلەكتر اقىسىن ۇنەمدەۋ ٴۇشىن ەسىك الدىنا جارىقتاندىرۋ شىراعىن ورناتپاي، قاراڭعىدا دالاعا شىعاتىندىعىن، حاۋىپسىزدىك كومەسكى قاتەرى ورىن تەۋىپ وتىرعانىن بايقايدى. 

ماسەلەنى بايقاعاننان كەيىن قالاشىقتىڭ نەگىزگى جاۋاپتىلارى قاراستى رايون قانشا قاقپا شىراعى قاجەت ەكەنىن تىزىمدەپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ ارتقى تىرەك ورنى − قۇلجا اۋداندىق قوعام حاۋىپسىزدىگى مەكەمەسى 73 كۇن ەنەرگيالى ەلەكتر ۇنەمدەۋ شىراعىن اقىسىز تاراتىپ، قىزمەت اترەتى ورناتۋعا جاۋاپتى بولىپ، قىستاق تۇرعىندارىنىڭ تۇندە جول جۇرۋىنە قولايلىلىق جاسادى. 

«بۇرىن قاقپانىڭ الدىندا شىراق جوق، تۇندە جاڭبىر جاۋعاندا جول تايعاق، وڭاي جىعىلىپ قالاتىنبىز، كۇن ەنەرگيالى ەلەكتر ۇنەمدەۋ شىراعى ورناتىلعاننان كەيىن ٴبىز تۇندە سىرتقا شىعۋدان الاڭدامايتىن بولدىق» دەدى بويراشى قىستاعىنىڭ تۇرعىنى سالايدىن بارات قۋانىشتى بەينەدە.