سۋ ىستەرى نىسان قۇرىلىسىن ىلگەرىلەتىپ، حالىقتىڭ قيىنشىلىعىن شەشىپ، ناقتى ٴىس ىستەدى

وبلىستىق سۋ ىستەرى مەكەمەسىنىڭ پارتيا تاريحىن ۇيرەنۋ تاربيەسى ناقتى، ٴونىمدى بولدى

ٴتىلشىمىز حۋاڭ يان حابارلايدى. پارتيا تاريحىن ۇيرەنۋ تاربيەسى ورىستەتىلگەننەن بەرى اۆتونوميالى وبلىستىق سۋ ىستەرى مەكەمەسى بۇقارانىڭ الاڭداعان، قينالعان، ۋايىمداعان، كوكسەگەن ىستەرىن كوزدە ۇستاپ، «بۇقارا ٴۇشىن ناقتى ٴىس ىستەيمىن» امالياتتىق قيمىلىن ىلگەرىلەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى. 

8 - ايدىڭ 11 - كۇنى وبلىستىق سۋ ىستەرى مەكەمەسى پارتگرۋپپاسىنىڭ ورىنباسار شۋجيى، ورىنباسار مەكەمە باستىعى ابدىرەيىم ٴالىمجان: «قازىر تەكەس اۋدانى، قۇلجا اۋدانى، توعىزتاراۋ اۋدانى 40 مىڭ ادامدى يگىلىككە كەنەلتەتىن اۋىل - قىستاق اۋىز سۋ حاۋىپسىزدىگى جونىندەگى جوندەۋ - قورعاۋ نىسانى قۇرىلىسىن اياقتاتىپ، تەكسەرىپ وتكىزىپ الۋ باسقىشىنا قادام تاستادى. ٴبىز نىسانداعى تىزىمدىك بويىنشا ٴبىر - بىرلەپ باقىلاۋ - تەكسەرۋدى تياناقتاندىرىپ، پارتيا تاريحىن ۇيرەنۋ تاربيەسىنىڭ ونىمدىلىگىن قىزمەتتەگى قوزعاۋشى كۇشكە شىنايى اينالدىردىق» دەدى.

حالىق تۇرمىسىندا جاي ٴىس بولمايدى، بارلىق ىستە دە سۇيىسپەنشىلىك ورناتۋ كەرەك. وبلىستىق سۋ ىستەرى مەكەمەسى «بۇقارا ٴۇشىن ناقتى ٴىس ىستەيمىن» امالياتتىق قيمىلىن ىشكەرىلەي ورىستەتىپ، سۋ ىستەرى نىسان قۇرىلىستارىن جەدەل ىلگەرىلەتتى. ۇعىسۋعا قاراعاندا بۇل مەكەمە اۋىل - قىستاق ٴوندىرىسىن دامىتۋدى توڭىرەكتەپ، اۋىل - قىستاقتىڭ قونىس ورتاسىن جاقسارتۋ، «بۇقارا ٴۇشىن ناقتى ٴىس ىستەۋ» قىزمەتىنىڭ جاۋاپكەرلىك تىزىمدىگىن جاساۋ، اۋىل - قىستاقتىڭ اۋىز سۋ حاۋىپسىزدىگى جونىندەگى جوندەۋ - قورعاۋ قىزمەتىن تياناقتاندىرۋدى جوسپارلاۋ، شاعىن اتىز - ارىق سۋ يگىلىگى ىستەرىن، ورتا، شاعىن وزەن ارنالارىن رەتكە سالۋ سياقتى 12 ناقتى، ىزگى ٴىس ىستەپ، تىزىمدىك ٴتۇزىمىن، جاۋاپكەرلىك ٴتۇزىمىن، ورنالاستىرۋ ٴتۇزىمىن اتقارىپ، ناقتى شارالاردى، قىزمەت ٴونىمىن، ورىندالۋ ۋاقىتىن جانە جاۋاپتى ادامدى تۇراقتاندىرىپ، بۇقارانىڭ قيىن ماسەلەلەرىن ناقتى شەشىپ، بۇقاراعا ناقتى ٴىس ىستەپتى. 

تاياۋدان بەرى وبلىستىق سۋ ىستەرى مەكەمەسى پارتيا ساباعىن تىڭداۋ، پارتيا كۇنىن وتكىزۋ، قىزىل تاربيە بازاسىن ەكسكۋرسيالاۋ،  پارتيا تاريحىن ۇيرەنۋ تاربيەسى بىلىمدەرىنەن جارىس وتكىزۋ سياقتىلارمەن پارتيا تاريحىن ۇيرەنۋ تاربيەسى مازمۇنىن بايىتتى.

وبلىستىق سۋ ىستەرى مەكەمەسى ۇلتتار ىنتىماعى قىزمەتىنە ەرىكتى قىزمەت وتەۋ، تاماشا تۇرمىسقا جەتۋگە ەرىكتى قىزمەت وتەۋ، ورتانى قورعاۋعا ەرىكتى قىزمەت وتەۋ سياقتىلار ارقىلى قىزمەت ورنىندا ەڭبەك كورسەتۋ مەن پارتيالى ەرىكتىلەردىڭ قىزمەت وتەۋ قيمىلىن تەرەڭدەتتى. ەرىكتىلەر ۇگىت - لەكسيا قيمىلىن ورىستەتىپ، پارتيا تاريحىن ۇيرەنۋ تاربيەسىن نەگىزگى ساتىعا ىشكەرىلەي ەنگىزىپ، كوڭىلگە ۇيالاتتى. ەرىكتىلەر پارتيا تاريحىنان 40 رەتتەن ارتىق ۇگىت - لەكسيا جاساپ، بۇقارا ٴۇشىن 360 ناقتى، ىزگى ٴىس ىستەدى.

وبلىستىق سۋ ىستەرى مەكەمەسى باستان - اياق «ۇلتتار ىنتىماعىنىڭ بەرەكەلى شاڭىراعى» قيمىلىن «بۇقارا ٴۇشىن ناقتى ٴىس ىستەيمىن» امالياتتىق قيمىلىنىڭ ماڭىزدى بۋىنى ەتىپ، پارتيالى كادرلار وتباسىلارىن ارالاپ، بۇقارادان ىشكەرىلەي جاعداي ۇعىسىپ، تۋىستاسقان وتباسىلارعا ناقتى، ىزگى ٴىس ىستەپ، پارتيا تاريحىن ۇيرەنۋ تاربيەسىنىڭ تەرەڭدەۋىن، كوكەيگە ۇيالاۋىن ىلگەرىلەتتى. 

كەلەسى قادامدا وبلىستىق سۋ ىستەرى مەكەمەسى ارناۋلى تاقىرىپتىق ۇيرەنۋدى، «بۇقارا ٴۇشىن ناقتى ٴىس ىستەيمىن» امالياتتىق قيمىلىن ىشكەرىلەي ورىستەتىپ، جەلىلەس نەگىزگى تاقىرىپتىق پارتيا كۇنى قيمىلىن مۇقيات ۇيىمداستىرىپ، توتە قاراستى ورىنداردىڭ سۋ ىستەرى سالاسىنداعى بارشا پارتيالى كادرلارىن پارتيا تاريحىن ۇيرەنۋگە، يدەيانى تۇسىنۋگە، ناقتى ٴىس ىستەۋگە، جاڭا جاعداي اشۋعا باستاپ، تاربيەلەپ، پارتيا تاريحىن ۇيرەنۋ تاربيەسىنىڭ جەتىستىگىن بۇقارا ٴۇشىن ناقتى ٴىس ىستەۋدىڭ، قيىن ماسەلەنى شەشۋدىڭ شىنايى ارەكەتىنە اينالدىرىپ، ىلەنىڭ سۋ ىستەرى سالاسىنىڭ تىڭ داستانىن جازباق.