باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
اۋىل شارۋاشىلىعىن وركەندەتۋ بانكەسىنىڭ ىلە وبلىستىق بولىمشەسى كوپ ٴتۇرلى شارا اتقارىپ، اۋىل ـ قىستاقتاردىڭ كاسىپ سالاسىن دامىتۋىنا دەم بەردى
2021-08-27 11:51:06     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

بيىل تاراتقان ٴتۇرلى قارىز اقشا جالپى سوماسى 8 ميلليارد 700 ميلليون يۋاننان استى


ەرىكتى ٴتىلشى لي ۋىن قۇلجادان حابارلايدى. 8 - ايدىڭ 23 - كۇنى  اۋىل شارۋاشىلىعىن وركەندەتۋ بانكەسىنىڭ ىلە وبلىستىق بولىمشەسىنەن ۇعىسۋىمىزشا، بيىل جىل باسىنان بەرى اتالعان بانكە پارتيا تاريحىن ۇيرەنۋ تاربيەسىن ىشكەرىلەي ورىستەتىپ، كوپ ٴتۇرلى شارا ارقىلى كاسىپ سالاسىن دامىتۋعا قىزمەت وتەگەن. قارىز اقشا تاراتۋ جاعىندا بۇل بانكە جازعى استىق ساتىپ الۋ، كونە  لاشىق رايونداردى جاڭالاۋ، اۋىل - قىستاقتىڭ قونىس ورتاسىن جاقسارتۋ، ساياحات نەگىزدىك قۇرىلعىلارى جانە كاسىپ باقشاسى رايونى قۇرىلىسى سياقتىلارعا  ٴتۇيىندى قولداۋ كورسەتكەن. 7 - ايدىڭ سوڭىنا دەيىن اتالعان بانكەنىڭ ىلە وبلىستىق بولىمشەسى تاراتقان ٴتۇرلى قارىز اقشا جالپى سوماسى 8 ميلليارد 726 ميلليون يۋانعا جەتىپ، جىل باسىنداعىدان 5 ميلليارد 934 ميلليون يۋان ارتىپ، بىلتىرعى ۇقساس مەزگىلدەگىدەن 4 ميلليارد 565 ميلليون يۋان ارتىق تاراتىلىپ، تاريحتاعى ەڭ جوعارى ورەنى جاراتقان. 

2020 ـ جىلدان بەرى اۋىل شارۋاشىلىعىن وركەندەتۋ بانكەسىنىڭ ىلە وبلىستىق بولىمشەسى قالا مەن اۋىلدىڭ توعىسپالى دامۋىن جەبەۋدى ماڭىزدى قولداۋ باعىتى ەتىپ، كونە لاشىق رايونداردى جاڭالاۋ نىسانىن اتقارۋعا بەلسەنە قولداۋ كورسەتىپ، وبلىسقا توتە قاراستى اۋدان، قالالاردىڭ 14 وزگەرتۋ نىسانىن تەكسەرىپ بەكىتىپ، جيىنى 6 ميلليارد 779 ميلليون يۋان قارىز اقشا بەرىپ، 11 مىڭ 394 وتباسىنداعى 51 مىڭ 873 ادامنىڭ تۇرعىن ٴۇي ورتاسىن جاقسارتىپ، قالا مەن اۋىلدىڭ توعىسپالى دامۋىن جەبەدى. 

فينانستىق قىزمەت وتەۋ ونىمدەرىنە جاڭالىق ەنگىزىپ، ساياحات كاسىبىنىڭ جوعارى ساپالى دامۋىنا دەم بەردى. ىلە وبلىستىق بولىمشە بانكە فينانستىق قىزمەت وتەۋ ونىمدەرىنە جاڭالىق ەنگىزۋ جونىندە بەلسەنە ىزدەنىس جاساپ، وبلىسقا توتە قاراستى ساياحات كاسىبىنە فينانستىق قولداۋ كورسەتۋ تەبىنىن ارتتىردى. 7 - ايدىڭ سوڭىنا دەيىن بۇل بانكە وبلىسقا توتە قاراستى ورىندارداعى 8 ساياحات نىسانىنا قارىز اقشا بەرىپ قولداۋ كورسەتىپ، 752 ميلليون يۋان قارىز اقشا تاراتتى. بۇل بانكە اۋىل شارۋاشىلىعىن وركەندەتۋ بانكەسىنىڭ ٴتۇيىندى قۇرىلىس قورى ارقىلى 10 ساياحات نىسانىنا قولداۋ كورسەتىپ، تاراتىلعان قور سوماسى 550 ميلليون يۋانعا جەتتى. بۇل بانكەنىڭ قولداۋ كورسەتكەن ٴوڭىرى قۇلجا قالاسى، كۇنەس اۋدانى، تەكەس اۋدانى سياقتى 8 اۋدان، قالاعا سايادى، مەملەكەتتىڭ 4A دارەجەلىدەن جوعارى كورىنىس رايوندارىنداعى نەگىزدىك قۇرىلعىلاردىڭ دارەجەسىن جوعارىلاتۋ، جاڭالاۋ جاقتارىنان قارىز اقشا تاراتىپ قولداۋ كورسەتتى، قارىز اقشا بەرۋ جانە قور تاراتۋ ارقىلى كورىنىس رايوندارىنداعى ساياحاتشىلارعا قىزمەت وتەۋ ورتالىعى، جول، اس ـ سۋ، جاتىن ورىن سياقتى نەگىزدىك قۇرىلعى شارت ـ جاعدايى زور دارەجەدە جاقسارىپ، كورىنىس رايوندارىنداعى ساياحاتشىلارعا قىزمەت وتەۋ ساپاسى مەن ەكولوگيالىق ورتانىڭ كوتەرىمدىلىك قۋاتى كورنەكتى جوعارىلادى. 

بۇدان سىرت، بۇل بانكە قورعاس وتكەلىن ٴتۇيىندى قىزمەت وتەۋ ٴوڭىرى ەتىپ، وتكەل ەكونوميكاسىن دامىتۋ، نەگىزدىك قۇرىلعى قۇرىلىسى، ەنەرگيا ۇنەمدەپ، ورتانى قورعاۋ كاسىبىن دامىتۋ سياقتىلاردى كۇش سالا جەبەدى. 7 - ايدىڭ سوڭىنا دەيىن بۇل بانكە شەكارا وتكەلى ەكونوميكالىق بەلدەۋى بويىنداعى 10 نىساندى تەكسەرىپ بەكىتىپ (مۇنىڭ ىشىندە وسى جىلى جاڭادان 3 نىسان تەكسەرىپ بەكىتىلدى)، جالپى 2 ميلليارد 126 ميلليون يۋان قارىز اقشا تاراتىپ، قورعاستىڭ جىلۋمەن قامداۋ، لاس سۋدى ٴبىر جاقتى ەتۋ جانە وسى زامانعى اۋىل شارۋاشىلىعىنان ۇلگى كورسەتۋ باقشاسى سياقتى نەگىزدىك قۇرىلعى شارت ـ جاعدايىن بارىنشا جاقسارتىپ، ٴار ۇلت بۇقاراسىنىڭ جۇمىسقا ورنالاسىپ، كىرىسىن ارتتىرۋىنا جەتەكشىلىك ەتىپ، اۋىل ـ قىستاقتى گۇلدەندىرۋدى ٴتارتىپتى ىلگەرىلەتتى. 

اۋىل شارۋاشىلىعىن وركەندەتۋ بانكەسى ىلە وبلىستىق بولىمشەسى پارتكومىنىڭ شۋجيى، بانكە باستىعى جۋاڭ ۋي - ۋ: «الداعى جەردە ٴبىز پارتيا تاريحىن ۇيرەنۋ تاربيەسىمەن ۇشتاستىرىپ، اۋىل ـ قىستاقتى گۇلدەندىرۋگە قىزمەت وتەۋ ارقىلى قىزمەتتىڭ جالپى جاعدايىن تولىق مەڭگەرىپ، نازاردى اۋىل شارۋاشىلىعىنىڭ، اۋىل ـ قىستاقتىڭ ٴتۇيىندى سالالارىنا شوعىرلاندىرىپ، اۋىل ـ قىستاقتىڭ كاسىپ سالاسىن دامىتۋىنا بەلسەنە قولداۋ كورسەتەمىز» دەدى.