ٴادىليالىق قىزمەت وتەۋ وتباسىلارىنا دەيىن جەتكىزىلدى

وبلىسقا توتە قاراستى سوت جۇيەسى حالىق ٴۇشىن ناقتى ٴىس ىستەۋ بارىسىندا پارتيا تاريحىن ۇيرەنۋ تاربيەسى ونىمدىلىگىن سىننان وتكىزدى

ٴتىلشىمىز لي يافىڭ حابارلايدى. 8 - ايدىڭ 30 - كۇنى ٴتىلشىنىڭ وبلىستىق سوت مەكەمەسىنەن ۇعىسۋىنشا، وبلىسقا توتە قاراستى سوت جۇيەسى پارتيا تاريحىن ۇيرەنۋ تاربيەسىن ٴتۇرلى قىزمەتتىڭ ساپا ونىمدىلىگىن جوعارىلاتۋمەن ورگانيكالى ۇشتاستىرىپ، حالىق ٴادىلياسىنىڭ تاڭداۋلى ٴداستۇرىن بارىنشا ساۋلەلەندىرىپ، پارتيا تاريحىن ۇيرەنۋ تاربيەسى ونىمدىلىگىن ٴادىليانى حالىق ٴۇشىن جۇرگىزۋ مەن ٴادىليانىڭ ادىلدىگىندە تاباندى بولۋدىڭ ناقتى ارەكەتىندە ايگىلەگەن. 

سول كۇنى كۇنەس اۋدانىنداعى ىلە جينچىڭ جيايە قۇبىر جاساۋ شەكتى جاۋاپكەرلىك سەرىكتىگىنىڭ، ىلە شيموشۋوگو ساۋدا شەكتى سەرىكتىگىنىڭ «سۋديالاردىڭ كاسىپورىندارعا قىزمەت وتەۋ پۋنكتىندە» كۇنەس اۋداندىق سوت مەكەمەسىنىڭ سۋديالارى كاسىپورىن جۇمىسشى ـ قىزمەتكەرلەرىنە زاڭ بىلىمدەرىن جالپىلاستىردى ٴارى كاسىپورىنداردىڭ قىزمەت بارىسىندا جولىققان ساتۋ توقتامى، شيكىزات ساتىپ الۋ توقتامى، جارنا كەلىسىمى سياقتى زاڭدىق ماسەلەلەرى جونىندە زاڭدىق كەڭەس بەرىپ، ولاردى الاڭنان ارىلتتى. 

ۇعىسۋعا قاراعاندا، سۋديالاردىڭ كاسىپورىندارعا قىزمەت وتەۋ پۋنكتى − كۇنەس اۋداندىق سوت مەكەمەسىنىڭ پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، «بۇقارا ٴۇشىن ناقتى ٴىس ىستەيمىن» امالياتتىق قيمىلىن ورىستەتۋدەگى ناقتى قيمىلىنىڭ ٴبىرى ەكەن. قاراستى رايونداعى كولەمدى كاسىپورىنداردا قىزمەت پۋنكتىن قۇرۋ ارقىلى كاسىپورىنداردىڭ ٴوندىرىس - تيجاراتى مەن زاڭدىق حاۋىپ - قاتەردەن ساقتانۋ - تىزگىندەۋى ٴۇشىن زاڭدىق جەتەكشىلىك  ۇسىنىس - پىكىر بەرىپ، كاسىپورىنداردىڭ ىشكى جاعىنداعى قايشىلىقتار مەن داۋ - شارلاردى دەر كەزىندە شەشۋىنە كومەكتەسىپ، كاسىپورىنداردىڭ شارۋاشىلىقتى ساپالىلاندىرۋ، دارەجەسىن جوعارىلاتۋ جوباسىن جاساۋىنا دالمە - ٴدال ٴادىليالىق كومەك بەردى. 

«قىزمەت پۋنكتى كاسىپورنىمىزعا ەرەكشە زور كومەك كورسەتتى، ٴبىزدىڭ ٴتۇرلى توقتامدارىمىزدى تەكسەرىپ ايقىنداۋدان تىس، تاعى كاسىپورىنىمىزدىڭ تاۋار ماركاسىن تىركەۋگە الدىرۋدى ٴوتىنىش ەتۋىنە جەتەكشىلىك ەتىپ، كاسىپورنىمىزدىڭ جاڭالىق اشا دامۋىن جەبەدى» دەدى ىلە شيموشۋوگو ساۋدا شەكتى سەرىكتىگىنىڭ جاۋاپتىسى حۋاڭ جىچياڭ اسەرلەنە.

كۇنەس اۋداندىق حالىق سوت مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى دىڭ گاڭ بىلاي دەدى: «كەزەكتە <سۋديالاردىڭ كاسىپورىندارعا قىزمەت وتەۋ پۋنكتىنەن> بەسەۋىن قۇردىق، جاراستىرۋ ۇيىمىن كومەكتەسىپ قۇرىپ، ارىز - شاعىمنان بۇرىن مال - مۇلىكتى امان ساقتاۋ ٴوتىنىشى بەرىلگەن شينجياڭ جۇڭحۇي شىنيۋان قارجى قوسۋ جارناسى تىزگىندەۋلى شەكتى جاۋاپكەرلىك سەرىكتىگىنە بانكە ەسەپ ٴنومىرىن وزگەرتىپ، مال - مۇلىكتى امان ساقتاۋ شاراسىن اتقاردىق،  ىلە فۋرۇندى ەگىن، مال شارۋاشىلىعىن دامىتۋ شەكتى سەرىكتىگىنىڭ جاس ەتتى تازارتۋ سەحى نىسانىن كەڭەيتىپ سالۋى ٴۇشىن سەرىكتىك جاعدايىنا ۇيلەستىرە وتىرىپ كاسىپتى ساپالىلاندىرىپ، دارەجەسىن جوعارىلاتۋ قىزمەت جوباسىن جاساۋىنا ٴادىليالىق جاقتان دەم بەردىك، جاڭا قالا رايونى بيشۇي يۇنتيان شاعىن رايونى قۇرىلىسى نىسانىنا ساياتىن قۇرىلىس ينجەنەرياسىن جۇرگىزۋ توقتامى داۋ - شارى دەلوسىن ٴادىليالىق جاقتان پارمەندى قامتاماسىزداندىردىق...». 

  موڭعۇلكۇرە اۋدانى ساعانسۇن اۋىلى تومەنگى قىستاعىندا موڭعۇلكۇرە اۋداندىق سوت مەكەمەسى ٴوز ابزالدىلىعىن تولىق ساۋلەلەندىرىپ، «زاڭدىق قىزمەت وتەۋ پۋنكتىن» قۇرىپ، بۇقارا اسىققان، قينالعان، ۋايىمداعان، ٴزارۋ بولعان ماسەلەلەردى كوزدە ۇستاي وتىرىپ، قايشىلىقتاردى جاراستىرىپ، بۇقارانىڭ زاڭدىق ماسەلەلەرىنە جاۋاپ بەرىپ قانا قالماستان، تاعى دەلو ارقىلى زاڭدى ٴتۇسىندىرۋ فورماسىمەن بۇقارانى زاڭنان پايدالانىپ ٴوز ۇقىق - مۇددەسىن قورعاۋعا تاربيەلەپ جانە جەتەلەپ، «زاڭدى قۇرمەتتەۋ، زاڭ ۇيرەنۋ، زاڭعا بويسۇنۋ، زاڭنان پايدالانۋ» ۇستانىمىن جۇرت كوڭىلىنە تەرەڭ ۇيالاتىپ، زاڭمەن جونگە سالۋ، ۇقىق - مۇددەنى قورعاۋدىڭ قويۋ اۋانىن قالىپتاستىرىپ، سوت مەكەمەسىندەگى كادر - ساقشىلاردىڭ نەگىزگى ساتىعا زاڭدى جالپىلاستىرۋ جاۋاپكەرلىك تانىمىن كۇشەيتتى. قازىر 10 نان استام جەر داۋى ٴساتتى جاراستىرىلىپ، 30 دان استام وتباسى قايشىلىق داۋ - شارى ٴساتتى شەشىلىپ، حالىق بۇقاراسىنىڭ تابىس سەزىمى، باقىت سەزىمى جانە حاۋىپسىزدىك سەزىمى ۇزدىكسىز كۇشەيدى. 

 «4A دارەجەلى كورىنىس رايوندارىندا 11 ساياحات سوتحاناسىن قۇردىق، قىستاق اترەتتەردە 124 سۋديالار قىزمەت كەڭسەسى، 212 حالىقتىق جاراستىرۋ كەڭسەسى قۇرىلدى، 6 قالا رايونى ورتالىق سوتحاناسىن اشتىق، ٴادىليادا حالىققا قولايلىلىق جاراتۋدىڭ ونىمدىلىگى كورنەكتى ارتتى» دەدى وبلىستىق سوت مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى يىن شىشيڭ. ول تاعى بىلاي دەدى: «پارتيا تاريحىن ۇيرەنۋ تاربيەسى ورىستەتىلگەننەن بەرى وبلىسقا توتە قاراستى ورىندارداعى سوت جۇيەسى <بۇقارا ٴۇشىن ناقتى ٴىس ىستەيمىن> امالياتتىق قيمىلىن جالعاستى ورىستەتۋ ارقىلى زاڭ جالپىلاستىرۋ ۇگىتىنىڭ ٴادىس - شاراسىندا ۇزدىكسىز جاڭالىق جاراتىپ، ٴادىليا ستيلىندە بۇرىلىس جاساپ، ٴادىليالىق قىزمەت وتەۋ ۇلگىسىندە جاڭالىق اشىپ، بۇقارانىڭ زاڭمەن جونگە سالۋ تانىمى مەن زاڭدىق دەڭگەيىن جوعارىلاتتىق. كەلەسى قادامدا حالىققا بەرگەن ۋادەنى ورىنداۋدى ٴجىتى قاداعالاپ، نەگىزگى ماقساتتى توڭىرەكتەي وتىرىپ قىزمەت جاۋاپكەرلىگىمىزدى ادا ەتىپ، تەرگەۋ، اتقارۋ قىزمەتىنىڭ ساپاسىن، ونىمدىلىگىن جوعارىلاتۋ مەن بۇقارا اسىققان، قيىنالعان، ۋايىمداعان، ٴزارۋ بولعان ماسەلەلەردى شەشۋدى ٴبىر تۇتاس جوسپارلاپ، تەڭ يگەرىپ، پارتيا تاريحىن ۇيرەنۋ تاربيەسىنىڭ ونىمدىلىگىن حالىق ٴۇشىن ناقتى ٴىس ىستەۋ بارىسىندا سىننان وتكىزەمىز».