شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى. جاقىندا پارتيا تاريحىن ۇيرەنۋ تاربيەسى باسشىلىق گرۋپپاسى «<مەن بۇقارا ٴۇشىن ناقتى ٴىس ىستەيمىن> امالياتتىق قيمىلىن ىشكەرىلەي ىلگەرىلەتۋ جونىندە حابارلاندىرۋ» باسىپ تاراتىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن ىشكەرىلەي ىلگەرىلەتۋ جونىندە ايقىن تالاپتاردى ورتاعا قويدى.

حابارلاندىرۋدا مىنالار اتاپ كورسەتىلدى: پارتيا تاريحىن ۇيرەنۋ تاربيەسى قيمىلى ورىستەتىلگەننەن بەرى وڭىرلەر، تاراۋلار، ورىندار شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ورتالىق كوميتەتتىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقپەن ساناسۋمەن، قىزمەتتى ىلگەرىلەتۋمەن ۇشتاستىرىپ، بۇقارانىڭ قاجەتىن ىشكەرىلەي ۇعىسىپ، كورنەكتى ماسەلەلەردى شوعىرلى شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىندا ماڭىزدى كەزەڭدىك تابىستارعا قول جەتكىزدى.

حابارلاندىرۋدا مىنالار باسا دارىپتەلدى: بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن اناعۇرلىم پارمەندى شارالارمەن شەشىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىنىڭ جاڭا ىلگەرىلەۋشىلىككە، جاڭا ونىمدىلىككە قول جەتكىزۋىن ىلگەرىلەتۋ كەرەك. ٴسوزدى ۇيرەنىپ، يدەيانى ٴتۇسىنىپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ىشكەرىلەي دايەكتىلەندىرۋگە، تياناقتاندىرۋعا كۇش سالىپ، «9 ٴسوز جوق» ٴتۇبىرلى تالابىمەن سالىستىرىپ، ٴتۇيىندى حالىق تۇرمىسى نىساندارى تىزىمدىگىن تولىقتاپ، كەمەلدەندىرىپ، ماسەلەنىڭ دالمە - ٴدال، شارانىڭ ناقتى، ونىمدىلىگىنىڭ جاقسى بولۋىنا شىنايى كەپىلدىك ەتىپ، بۇقارا ٴۇشىن ناقتى ٴىس ىستەۋدىڭ ساپالىق دەڭگەيىن ونان ارى جوعارىلاتۋ كەرەك. اۋەلگى ماقساتتان اينىماي، بورىش ارقالاپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋدى ۇزدىكسىز ىلگەرىلەتۋگە كۇش سالىپ، نازاردى اۋىل - قىستاقتى گۇلدەندىرۋگە، «قارتتار مەن بالالارعا» قىزمەت وتەۋگە، تۇرمىسىندا قيىنشىلىعى بار بۇقارانى كومەكتەسىپ - سۇيەمەلدەۋگە، توڭكەرىستىك بايىرعى رايونداردىڭ جوعارى ساپالى دامۋىن ىلگەرىلەتۋگە دەم بەرۋگە شوعىرلاندىرىپ، مەملەكەت مەرەكەسى سياقتى ماڭىزدى ۋاقىت كەزەڭدەرىن مىقتى يگەرىپ، ودان ويداعىداي پايدالانىپ، حالىقتى يگىلىككە كەنەلتەتىن، حالىققا ٴتيىمدى ٴبىر توپ ساياسات - شارالاردى شوعىرلى شىعارىپ، قالىڭ بۇقاراعا امالياتتىق قيمىلدىڭ ونىمدىلىگىن شىنايى سەزىندىرۋ كەرەك. باتىلدىقپەن جاۋاپكەرشىلىك ارقالاپ، باتىلدىقپەن ىسكەرلىك كورسەتىپ، قيىن ماسەلەلەردى شەشۋگە قۇلشىنا كۇش سالۋ كەرەك. بۇقارانىڭ اڭىسى شوعىرلى بولىپ وتىرعان ورتاقتىققا يە قاجەت پەن ساقتالىپ وتىرعان جالپىلىق سيپاتتى ماسەلەلەردى، دامۋدا شەشۋدى كۇتىپ تۇرعان تولعاقتى، قيىن ماسەلەلەردى، ۇزاق ۋاقىت بويى شەشىلمەي كەلە جاتقان حالىق تۇرمىسىنداعى تاريحتان قالعان ماسەلەلەردى ٴار دارەجەلى باسشىلىق القالارىنىڭ مۇشەلەرى باستاماشىلدىقپەن ۇستىنە الىپ، ناقتى، مىعىم شارالار قولدانىپ، بيىل ناتيجە شىعارۋعا ۇمتىلۋ كەرەك. ۇيىمداستىرۋدى كۇشەيتىپ، كۇش بىرىكتىرۋگە ٴمان بەرىپ، امالياتتىق قيمىلدىڭ جەتىستىككە قول جەتكىزۋىن ىلگەرىلەتۋگە كۇش سالۋ كەرەك. ورگان جانە كاسىپورىن، ٴىسورىنداردىڭ پارتيا ياچەيكالارى مەن قىستاق (الەۋمەتتىك اۋماق) پارتيا ياچەيكالارى جۇپ قۇراپ، بىرگە قۇرىپ، شىنايى كومەكتەسىپ، شىنايى قۇرىپ، ماسەلەنى شىنايى شەشۋ، قالىڭ پارتيا مۇشەلەرى ٴوز ٴىس جۇزىندىگىمەن بىرلەستىرىپ ەرىكتى قىزمەت وتەۋگە بەلسەندىلىكپەن قاتىناسىپ، نەگىزگى ساتىداعى قيىن ىستەردى، بۇقارانى مازالاپ وتىرعان ىستەردى اناعۇرلىم ويداعىداي شەشۋ كەرەك.

  حابارلاندىرۋدا مىنالار تالاپ ەتىلدى: بار كۇشتى سالىپ، شاماعا قاراي ىستەپ، فورماشىلدىقتان، تورەشىلدىكتەن اۋلاق بولىپ، نەگىزگى ساتىنىڭ اۋىرتپالىعىن جەڭىلدەتۋگە ٴمان بەرىپ، امالياتتىق قيمىل ارقىلى ۇيىمدى كۇشەيتىپ قۇرىپ، پارتيا مۇشەلەرىن شىڭداپ، بۇقارانى ۇيىستىرىپ، پارتيانىڭ حالىق بۇقاراسىمەن ەتەنە قاتىناسىن ۇزدىكسىز قويۋلاتۋ؛ ۇگىتتەۋدى، جەتەكتەۋدى كۇشەيتىپ، نەگىزگى ساتىنىڭ تاجىريبەسىن، ٴادىس - امالىن جانە ٴىس جۇزىندىك ونىمدىلىگىن دەر كەزىندە اڭىس ەتىپ، تۇتاس قوعامدا حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەسىن زەيىن - زەردەنى، كۇش - قۋاتتى ۇيىستىرا شەشەتىن تاماشا راي قالىپتاستىرۋ كەرەك.