دەن قويا ىستەپ، ىقىلاستى قىزمەت وتەدى
قۇلجا قالالىق حالىق ىستەرى مەكەمەسى بۇقارانىڭ كوڭىلىنەن شىعارلىقتاي ناقتى قىزمەتتەر ىستەدى
ٴتىلشىمىز مىڭ شيا حابارلايدى. «<ولكە اتتاپ ٴبىر تۇتاس ٴبىتىرۋ> شىنىمەن وتە قولايلى بولدى، تۋعان جەرگە بارىپ كەلەتىن ۋاقىت ۇنەمدەلىپ، اۋرەشىلىك ازايدى»، - دەدى 9 - ايدىڭ 8 - كۇنى قۇلجا قالاسىندا تۇراتىن ٴمۇسىليمان تۇرعانجان حالىققا تيىمدىلىك جەتكىزەتىن وسى شارانى اۋىز جاپپاي ماقتاپ.
ٴمۇسىليمان ەستۋ قۋاتى اۋىر دارەجەدە اقاۋعا ۇشىراعان ناۋقاس، ول قۇلجا قالاسىنا قونىستانعانىنا تالاي جىل بولسا دا ناپوسى ٴۇرىمجى قالاسىندا بولاتىن. «ولكە اتتاپ ٴبىر تۇتاس ٴبىتىرۋ» ساياساتى ونىڭ تۇرمىسىنا كوپتەگەن قولايلىقتار الا كەلدى. بيىل 4 - ايدا ول قۇلجا قالالىق حالىق ىستەرى مەكەمەسىندە كۋالىك - ماتەريالدارىن سالىستىرىپ، ٴىس بىتىرەتىن تەكشەگە شىعىپ سۋرەتىن جولداپ، مۇگەدەكتىگى جونىندەگى ينفورماتسيالارىن ەنگىزۋگە نە بارى 20 مينۋت عانا ۋاقىت جۇمساپ، مۇگەدەكتەرگە بەرىلەتىن ەكى ٴتۇرلى تولىقتاما قاراجات جونىندەگى تولىمدىلىعىن تۇراقتاندىرۋ رەسمياتىن ٴبىتىرىپ الدى. بۇل قۇلجا قالالىق حالىق ىستەرى مەكەمەسىنىڭ پارتيا تاريحىن ۇيرەنۋ تاربيەسىن ورىستەتكەننەن بەرگى حالىق ٴۇشىن ناقتى ٴىس ىستەۋدى امالياتتا ايگىلەۋ قىزمەتىنىڭ ٴبىرى.
بيىل 4 - ايدا حالىق ىستەرى مينيسترلىگى كەڭسەسى، جۇڭگو مۇگەدەكتەر قوعامى كەڭسەسى بىرلەسىپ تاراتقان «مۇگەدەكتەردىڭ ەكى ٴتۇرلى تولىقتاما قاراجاتىن الۋ تولىمدىلىعىن تۇراقتاندىرۋ ٴوتىنىشىن <ولكە اتتاپ ٴبىر تۇتاس ٴبىتىرۋ> جونىندەگى حابارلاندىرۋىندا» قيىنشىلىعى بار مۇگەدەكتەردىڭ تۇرمىستىق تولىقتاما قاراجاتىنان جانە اۋىر دارەجەدەگى مۇگەدەكتەردىڭ كۇتىمدەلۋ تولىقتاما قاراجاتىنان يگىلىكتەنۋ تولىمدىلىعىن تۇراقتاندىرۋ ٴوتىنىشىن ناپوس شەكتەمەسىنە قاراماي قابىلداۋدى ايقىنداپ، وزگە جەرگە ۋاكىلاتان قابىلداۋ، ٴبىتىرۋ ٴادىسى بويىنشا مۇگەدەكتەردىڭ ەكى ٴتۇرلى تولىقتاما قاراجات الۋ تولىمدىلىعىن تۇراقتاندىرۋ ينفورماتسياسىن بۇكىل مەملەكەت بويىنشا «ولكە اتتاپ ٴبىر تۇتاس ٴبىتىرۋدى» ٴوتىنىش ەتۋ جۇيەسىنەن پايدالانىپ، قوعامدىق قۇتقارۋ - كومەك بەرۋ، قوعامدىق قىزمەت وتەۋدىڭ «ٴبىر جەردە قابىلداۋ، سايكەسىپ ٴبىتىرۋ» مەحانيزمىنە سۇيەنىپ، مۇگەدەكتەردىڭ ەكى ٴتۇرلى تولىقتاما قاراجات الۋدى «ولكە اتتاپ ٴبىر تۇتاس ٴبىتىرۋ» كاسىبىن قابىلداۋدا قىزمەت بۋىنىن قاراپايىمداستىرىپ، «ەڭ كوپ بولعاندا ٴبىر رەت قانا بارۋ» تالابىن جاپپاي تياناقتاندىرىپ، «دەرەۋ ٴبىتىرۋ، ەڭ جاقىن جەردە ٴبىتىرۋ، ٴبىر جەردە ٴبىتىرۋدى» جۇزەگە اسىردى.
كەزەكتە قۇلجا قالاسىنىڭ مۇگەدەكتەرگە باعىتتالعان «ولكە اتتاپ ٴبىر تۇتاس ٴبىتىرۋ» كاسىبى مۇگەدەك توپتارعا توتەنشە قولايلى بولىپ، ٴجۇرىس - تۇرىسى قولايسىز بولعان مۇگەدەك بۇقاراعا بارىنشا قولايلىلىق جاراتىپ، حالىق تۇرمىسىنا دالمە - ٴدال قىزمەت وتەدى.
قۇلجا قالاسى شاڭحايچىڭ حۋاڭپۋيۋان شاعىن رايونىندا تۇراتىن جاڭ گوچۋان كاريا ٴار كۇنى وسىنداعى قارتتارعا قىزمەت وتەۋ پۋنكتىنە كەلىپ، فيزيكالىق جولمەن ەمدەلىپ، كونە كوز دوستارىمەن بىرگە ٴان ايتىپ، اڭگىمە دۇكەنىن قۇراتىندىقتان، كۇندەرى وتە ماعىنالى وتۋدە. قازىرگە دەيىن، قۇلجا قالاسى ازات جولى ٴمالى باسقارماسى سازدىق الەۋمەتتىك اۋماعىندا جاڭ گوچۋان سياقتى 50 دەن استام قارت قامقورلىققا، مەيىر - ماحابباتقا بولەنۋدە.
پارتيا تاريحىن ۇيرەنۋ تاربيەسى ورىستەتىلگەننەن بەرى قۇلجا قالاسى «قارتتار مەن بالالارعا» قىزمەت وتەۋدى پارتيا تاريحىن ۇيرەنۋ تاربيەسىندەگى حالىق ٴۇشىن ناقتى ٴىس ىستەۋدىڭ ماڭىزدى مازمۇنى ەتىپ، «قارتتار مەن بالالار» سىندى قيىنشىلىعى بار ەرەكشە توپقا ارناۋلى باعىتتالعان قامقورلىق جاساۋ، سۇيەمەلدەۋدىڭ ٴتۇرلى ساياساتتىق شارالارىن باتىل تياناقتاندىرىپ، تىڭعىلىقتى اتقاردى.
قۇلجا قالالىق حالىق ىستەرى مەكەمەسى «قارتتار مەن بالالارعا» قىزمەت وتەۋدى ماڭىزدى قىزمەت كۇنتارتىبىنە ەنگىزىپ، ٴبىر جاعىنان، قىستاق (تۇرعىندار) «ەكى كوميتەتىنىڭ» جاۋاپكەرلىگىن قاتايتىپ، ەندى ٴبىر جاعىنان، قوعامدىق كۇشتەردى، ەرىكتىلەردى، قىستاق دارەجەلى حالىق ىستەرى كومەكشىلەرىن جۇمىلدىرىپ، شىنىندا قامقورشىسى جوق بالالاردى ارناۋلى تۇردە وتباسىلارىن ارالاپ ٴبىر - بىرلەپ انىقتاپ، ەستەلىككە الىپ، تىزىمدىك جاسادى. قازىرگە دەيىن، تۇتاس قالاداعى شىنىندا قامقورشىسى جوق 543 بالانىڭ العاشقى مەرزىمدىك ماتەريالدارىن تەكسەرۋ قىزمەتى ورىندالىپ بولدى. سونىمەن بىرگە، قارتتاردى كۇتىمدەۋگە قىزمەت وتەۋ مەحانيزمىندە جاڭالىق جاراتىپ، الەۋمەتتىك اۋماقتىڭ الەۋمەتتىك بايلىق قاينارىن بىرىكتىرىپ، قوعامدىق ۇيىمداردى ەنگىزۋ، زەردەلى تەكشە قۇرۋ ارقىلى عىلىم - تەحنيكا مەن قارتتاردى كۇتىمدەۋدىڭ ورگانيكالى توعىسۋى جونىندە بەلسەنە ىزدەنىس جاساپ، الۋان ٴتۇرلى، كوپ ساتىلى، «ينتەرنەت + قارتتاردى كۇتىمدەۋگە قىزمەت وتەۋدىڭ» قامداۋ جۇيەسىن العاشقى قادامدا قالىپتاستىردى.
قۇلجا قالالىق حالىق ىستەرى مەكەمەسىنىڭ باستىعى ٴپاتيمان ابدۋالي بىلاي دەدى: «بيىل ٴبىز <ۇيگە بارىپ قىزمەت وتەيتىن الەۋمەتتىك اۋماق پەن ورگاندى ٴوزارا سايكەستىرۋ، ەمدەۋ مەن كۇتىمدەۋدى ٴوزارا ۇشتاستىرۋ> سىندى جاڭا ۇلگىدەگى قارتتاردى كۇتىمدەۋگە قىزمەت وتەۋ جۇيەسىن بەلسەنە قۇردىق، قازىر <ۇكىمەت جەتەكشى بولاتىن، قوعام اتسالىساتىن، بۇقارا مويىندايتىن، قالا مەن اۋىلدى جاپپاي قامتىعان> قارتتاردى كۇتىمگە الۋعا قىزمەت وتەۋدىڭ جۇلگەسى قالىپتاسىپ، قارتتاردىڭ ۇيدەن ۇزاپ شىقپاي - اق كۇتىمدەلۋ ارمانى ورىندالدى. قۇلجا قالاسى قازىر 15 پۋنكت ٴتۇيىنىن سالىپ، 8 مىڭ 700 دەن استام قارتقا يگىلىگىن كورسەتىپ، 2 مىڭ 700 دەن استام ادامعا قىزمەت وتەدى، جەلى سىرتىندا 20 مىڭنان استام ادامعا قىزمەت وتەدى».
قۇلجا قالالىق حالىق ىستەر مەكەمەسى حالىق ىستەرىندە قىزمەت وتەۋ وبيەكتىلەرىنىڭ قاجەتىن ساراپتاپ، دەن قويا قىزمەت ىستەپ، ىقىلاستى قىزمەت وتەدى، نازاردى حالىق ىستەرىندە قىزمەت وتەۋ وبيەكتىلەرى «اسىققان، قينالعان، ۋايىمداعان، ٴزارۋ بولعان» ماسەلەرگە شوعىرلاندىرىپ، ٴبىر قىدىرۋ امالياتتىق قيمىلدار ارقىلى قيىنشىلىعى ەڭ اۋىر قاۋىمنان باستاپ كىرىسىپ، ناقتى قىزمەتتەن باستاپ يگەرىپ، حالىق بۇقاراسىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز كۇشەيتتى.