توپ الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى

قىستاق تۇرعىندارىنا شىن پەيىلىمەن كومەكتەسىپ، ٴوندىرىستى دامىتتى

ٴتىلشىمىز دۋ لەي حابارلايدى. «وسى جەردە تۇرعانىما ٴوزىمدى ەرەكشە باقىتتى سەزىنەمىن، بۇقارا ۋايىمداعان ىستەرىن الەۋمەتتىك اۋماق پەن قىزمەت اترەتىنە اڭىس ەتسە بولعانى، ولار دەرەۋ جاۋاپ قايتارادى، بۇقارانىڭ جۇمىستارىنا يە بولاتىن ادام بار، ٴبىز بۇعان ارينە، قاباعات ريزامىز، كادرلار بەينە جاناشىر جاقىنىمىزداي بىزبەن تىلەۋلەس، جۇرەكتەس بولدى» دەدى 9 - ايدىڭ 13 - كۇنى چاپچال سىبە اۆتونوميالى اۋدانى اققوي فەرماسى رايونىن باسقارۋ كوميتەتى توپ الەۋمەتتىك اۋماعىنىڭ تۇرعىنى كاڭ شياۋيىڭ. 

  پارتيا تاريحىن ۇيرەنۋ تاربيەسى ورىستەتىلگەننەن بەرى چاپچال اۋداندىق بازاردى باقىلاپ - باسقارۋ مەكەمەسىنىڭ توپ الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى بۇقارالىق قىزمەتتى بارىنشا جاقسى ىستەپ، جۇرت تىلەگىن توعىستىرىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىنا ۇشتاستىرىپ، حالىق تۇرمىسىنا قۇلاق ٴتۇرىپ، حالىق جاعدايىن قاداعالاپ، ىرىقتىلىقپەن ىسكەرلىك كورسەتىپ، بۇقارا باسا نازار اۋدارعان قولامتالى، قيىن ماسەلەلەردى شىنايى شەشتى.

كاڭ شياۋيىڭ 150 مۋ جەرگە كۇرىش ەككەن، جىلدىق كىرىسى 120 مىڭ يۋاننان اسادى، بىرنەشە جىلدان بەرى ونىڭ كۇرىش اتىزىنا باراتىن جولداعى بىرنەشە كوپىر بۇزىلىپ، ونى قاتتى ۋايىمعا سالعان - دى. «ۇيدەن اتىزعا باراتىن جولىمىزداعى بىرنەشە كوپىر بۇزىلعاندىقتان، اۋىل شارۋاشىلىق ماشينالارىمەن اتىزعا بارىپ - قايتۋىمىز قيىنعا ٴتۇستى، ەگىستىك جەردى سۋارۋعا دا قولايسىزدىق تۋدىردى، كوكتەمگى ەگىس ٴوندىرىسى، كۇزگى جيىن - تەرىن جۇمىستارىن كەشەۋىلدەتۋگە بولمايدى، سوندىقتان بيىل جىل باسىندا ٴبىز بۇل جاعدايدى قىزمەت اترەتىنە اڭىس ەتكەننەن كەيىن ولار دەرەۋ جاۋاپ قايتاردى» دەدى كاڭ شياۋيىڭ.

 بيىل كوكتەمگى ەگىس وندىرىسىنە دايىندىق مەزگىلىندە قىزمەت اترەتى بۇقارا ٴۇشىن ناقتى ٴىس ىستەۋ قاراجاتى رەتىندە 30 مىڭ يۋان قارجى شىعارىپ، 10 كيلومەترلىك توعاندى ارشىپ، سۋارىلمالى رايونداعى 5 كوپىردى جوندەپ، الەۋمەتتىك اۋماقتاعى بۇقارانىڭ كوكتەمگى ەگىس ٴوندىرىسى مەزگىلىندە ٴدوپ كەلگەن قيىن ماسەلەلەرىن تۇبەگەيلى شەشتى. 

قىستاقتاردىڭ قونىس ورتاسىن اناعۇرلىم جاقسارتىپ، بۇقارانىڭ تۇرمىس ساپاسىن قۇلشىنا جوعارىلاتۋ ٴۇشىن قىزمەت اترەتى 20 مىڭ يۋان قارجى جۇمساپ، قىستاق كوميتەتى الدىنداعى ۇلكەن سايدى تەگىستەدى ٴارى  كورىكتەندىرىپ، جاسىلداندىردى.

الەۋمەتتىك اۋماق تۇرعىنى ايسۇلتان بىرنەشە جىلدىڭ الدىندا باعىمشىلىقتى دامىتپاق بولادى، تەحنيكانىڭ جەتەرسىزدىگىنەن، ول قارىزعا العان 60 مىڭ يۋانىن ورىندى جۇمساي الماي، زيان تارتىپ، وتباسى قيىنشىلىق قىسپاعىندا قالادى. بيىل قىزمەت اترەتى ٴبىر جاعىنان جۇمىسقا ورنالاستىرۋدان باستاپ كىرىسىپ، ايسۇلتاندى الەۋمەتتىك اۋماقتىڭ ورتا تازالىقشىسى ەتىپ، ايەلىن الەۋمەتتىك اۋماق اسحاناسىنىڭ اسپازدىعىنا ورنالاستىرادى؛ ەندى ٴبىر جاعىنان، ارتقى تىرەك ورىن مەن ٴناسىلدى قوي فەرماسى رايونىن باسقارۋ كوميتەتىن بەلسەنە سايكەستىرىپ، ايسۇلتاننىڭ 200 شارشى مەترلىك قورا سالۋىنا كومەكتەستى، بۇل ونىڭ بۇدان كەيىنگى اۋقاتتانۋىنا، دوڭگەلەك داۋلەتتى ورەگە جەتۋىنە دەگەن سەنىمىن بەكەمدەيدى. 

ايسۇلتان بىلاي دەدى: «وتباسىمنىڭ دامۋىنا نەگىز قالاۋ ٴۇشىن الەۋمەتتىك اۋماق، قىزمەت اترەتى، اسىل تۇقىمدى قوي فەرماسى رايونىن باسقارۋ كوميتەتى كوپ كومەك كورسەتىپ، قورا سالۋىما 100 مىڭ يۋان بەردى. ٴوزىمنىڭ جانىمنان شىعارعان اقشا 50 مىڭ يۋانعا دا جەتپەدى، بۇدان تىس، قىزمەت اترەتىنىڭ ارتقى تىرەك ورنى ماعان تاعى قۇنى 13 مىڭ يۋاندىق سەمونت اكەلىپ بەردى، بۇدان بىلاي مەن باعىمشىلىق ارقىلى اۋقاتتانسام دەيمىن، ۇكىمەتتىڭ كومەگى باردا تۇرمىسىمنىڭ بارعان سايىن جاقساراتىندىعىنا سەنىمدىمىن».

توپ الەۋمەتتىك اۋماعىنىڭ ٴبىرىنشى شۋجيى، قىزمەت اترەتىنىڭ باستىعى دىڭ لۋحۇڭ بىلاي دەدى: «تۇرعىندارمەن جاقىننان ەتەنە ارالاسىپ، بۇقارانىڭ ويى مەن ارمانىن، قاجەتى مەن ٴۇمىتىن اناعۇرلىم تەرەڭ سەزىندىم. بۇدان بىلايعى قىزمەت بارىسىندا الەۋمەتتىك اۋماق ٴىس جۇزىندىكتى شىعار ٴتۇيىن ەتۋگە ۇزدىكسىز تاباندى بولىپ، يگى، شىنايى ىستەردى بۇقارانىڭ كوڭىلىنەن شىعا وتىرىپ ىستەپ، ٴاربىر تۇرعىنعا پارتيانىڭ مەيىرىن شىنايى سەزىندىرەمىز».