بۇقارانىڭ تالاپ - تىلەگىن قاناعاتتاندىردى

كۇيتۇن قالاسى بۇقاراعا قىزمەت وتەۋدى ەڭ سوڭعى ٴبىر شاقىرىمعا دەيىن جەتكىزدى

ٴتىلشىمىز ما چىڭلۋ، ەرىكتى ٴتىلشى فىڭ حانليڭ حابارلايدى. كۇيتۇن قالاسى كەگەنشي اۋىلى بەس توراڭعى قىستاعىنىڭ تۇرعىنى كۇمىسقان توقاي قىزى وتباسىندا نەبارى 2 جان بار، قىزى سىرت جەردە جوعارى مەكتەپ وقيدى، كۇمىسقاننىڭ 3 مۋ جەردەگى جۇگەرىسى پىسىپ، جيناپ الۋدان قينالىپ تۇرعان ەدى. 10 - ايدىڭ 10 - كۇنى قىستاق كادرلارى مەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى كۇمىسقان مەن 78 جاستاعى جالعىز تۇراتىن قارت دۇڭ شياڭ - ۋانىڭ جۇگەرىسىن جيناپ بەردى.

بەس توراڭعى قىستاعى كورىكتى اۋىل ـ قىستاق قۇرىلىسىن جەدەلدەتۋمەن بىرگە، قىستاق تۇرعىندارىنىڭ كىرىسىن ارتتىرىپ، اۋقاتتانۋىن جەبەپ، ەگىن، مال شارۋاشىلىق وندىرىسىندە جولىققان قيىنشىلىقتارىن شەشۋىنە شىنايى كومەكتەستى.

كۇيتۇن قالاسى «بۇقارا ٴۇشىن ناقتى ٴىس ىستەيمىن» امالياتتىق قيمىلىن تىڭعىلىقتى ورىستەتىپ، پارتيا تاريحىن ۇيرەنۋ تاربيەسىن باستان ـ اياق كەلەلى ساياسي مىندەت رەتىندە مىقتى يگەرىپ، ناقتى ىستەپ، تۇتاس قالاداعى پارتيالى كادرلاردى ۇيرەنۋدە وزا شاۋىپ، العا ۇمتىلۋعا جۇمىلدىرىپ، ولاردىڭ حالىق ٴۇشىن قىزمەت ىستەۋ جىگەرىن تاسقىنداتتى.

ەمدەۋ قامتاماسىزداندىرۋى كوپتەگەن وتباسىنا سايادى. كۇيتۇن قالالىق ەمدەۋدى قامتاماسىزداندىرۋ مەكەمەسى بۇقارانىڭ قاجەتىن شىعار ٴتۇيىن ەتىپ، تۇتاس قالادا سوزىلمالى اۋرۋعا شالدىققانداردىڭ ٴدارى ساتىپ الۋىنا  قولايلىلىق جاراتۋ ٴۇشىن 5 ٴدارى دۇكەنىن بەلگىلەنگەن ٴدارى دۇكەنى ەتىپ اشۋدى ٴوتىنىش ەتىپ، سوزىلمالى اۋرۋعا شالدىققان ناۋقاستاردىڭ شيپاحاناعا بارىپ ٴدارى الۋى قيىن بولۋ ماسەلەسىن شەشتى.

10 - ايدىڭ 8 - كۇنى تاڭەرتەڭ قالا تۇرعىنى لي حۇڭ 10 مينۋتتاي عانا جاياۋ ٴجۇرىپ جاقىن ماڭداعى ٴدارى دۇكەنىنە بارىپ، قاتارعا تۇرماي - اق سوزىلمالى اۋرۋ دارىلەرىن الدى.

«ينفورماتسياعا كوبىرەك سۇيەنىپ، بۇقارانى اۋرە - سارساڭعا سالماۋدى» تياناقتاندىرۋ ٴۇشىن قالالىق ەمدەۋدى قامتاماسىزداندىرۋ مەكەمەسى ەمدەۋ اقىسىن ەسەپتەن كوتەرۋ ٴتارتىبىن قاراپايىمداستىرىپ، قارتتار مەن مۇگەدەكتەرگە ىركىلىسسىز ارنا اشىپ، پارتيا تاريحىن ۇيرەنۋ تاربيەسىن كەزەكتەگى قىزمەتپەن شىنايى ۇشتاستىردى.

بۇقارانىڭ «ٴىس ٴبىتىرۋى قيىن بولۋ» ماسەلەسىنە باعىتتاي وتىرىپ، «حالىقتىڭ تالاپ - تىلەگىنە جاۋاپ بەرۋدى» تياناقتاندىردى، قالالىق ۇكىمەت الەۋمەتتىك قىزمەت وتەۋ ورتالىعى «12319 قالا تۇرعىندارىنا قىزمەت وتەۋ تۇعىرىن» عىلىمي جوسپارلاپ قۇرىپ، بۇكىل قالاداعى 60 فۋنكتسيالىق ورىنمەن  (تاراۋ)  بىرگە قيمىلداپ، «الەۋمەتتىك قىزمەت وتەۋدى ٴبىر جەلىدە ٴبىتىرۋ»، «قالا اينالىمىن ٴبىر جەلىدە باسقارۋدى» ورىنداپ، حالىق تۇرمىسىنا قاتىستى ٴتۇرلى ارىز ـ ارماندى تاۋلىك بويى قابىلداپ، ساندى مالىمەتتەرگە تالداۋ جاساپ، جونگە سالۋدىڭ جاڭا ۇلگىسىنەن پايدالانىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشتى. قازىرگە دەيىن قالا بويىنشا 12 مىڭنان استام جۇمىسشى ىستەتۋ دايىندىق ورنى ازىرلەنىپ، ساۋدا - زات اينالىمىنا قىزمەت وتەۋدى وسىزامانداندىرۋ قۇرىلىسىنىڭ دەڭگەيى ۇزدىكسىز جوعارىلاتىلىپ، جەلىدە ٴىس ٴبىتىرۋ سالىستىرماسى %100 كە جەتتى. 31 الەۋمەتتىك اۋماق حالىققا قولايلى قىزمەت وتەۋ ٴتۇيىنىن قۇرىپ جانە ىسكە قوسىپ، بۇرىنعى كونە شاعىن تۇرعىندار رايونىن جاڭالاۋ، سايكەستى نەگىزدىك قۇرىلعىلار قۇرىلىسى جانە اۋىل ـ قىستاق قونىس ورتاسىن وڭاۋ سياقتى 12 قۇرىلىس نىسانىن ورنىقتى تياناقتاندىردى.

قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ كادرلارى وتباسىلارىن ارالاپ، ادام كۇشى بايلىعى جانە قوعامدىق قامتاماسىزداندىرۋ كاسىبىن الەۋمەتتىك اۋماقتىڭ وزىندە ٴبىتىرۋدى العا قويىپ، كۇيتۇن قالاسىنداعى تۇڭعىش «ادام كۇشى بايلىعى جانە قوعامدىق قامتاماسىزداندىرۋ بەكەتىن» سىناق رەتىندە قۇرىپ، بۇقاراعا قىزمەت وتەۋدى ەڭ سوڭعى ٴبىر شاقىرىمعا دەيىن جەتكىزدى. بۇدان بىلاي «ادام كۇشى بايلىعى جانە قوعامدىق قامتاماسىزداندىرۋ بەكەتىنىڭ» قاتىستى فۋنكتسيالارىن اناعۇرلىم كەمەلدەندىرىپ، وسى ۇلگىنى بۇكىل قالاداعى ٴارقايسى شاعىن رايوندارعا جالپىلاستىرىپ، ٴتىپتى دە كوپ تۇرعىنداردى ادام كۇشى بايلىعى جانە قوعامدىق قامتاماسىزداندىرۋ قىزمەت وتەۋىنىڭ قولايلىلىعىنان يگىلىكتەندىرمەك. سۇرانىس تۇيىندەرىن دالمە ـ ٴدال تاۋىپ، حالىققا قولايلى قىزمەت وتەۋدى ساپالىلاندىرۋ ٴۇشىن، كۇيتۇن قالاسى تۇتاس قالاداعى ٴار دارەجەلى پارتيا ۇيىمدارىن بايلىقتى بىرىكتىرىپ، بۇقاراعا ٴتىپتى دە قولايلى قىزمەت وتەپ، «چاڭشىڭ جاراستىرۋ كەڭسەسى»، «توقىلداۋىق ايالداماسى»، «قىزىل پاراۆوز»، «ادام كۇشى بايلىعى جانە قوعامدىق قامتاماسىزداندىرۋ ايالداماسى» سياقتى حالىققا قولايلى 31 قىزمەت وتەۋ ورنىن جاڭالىق اشا قۇرىپ، تۇرعىنداردىڭ ارىز ـ ارمانىن دەر كەزىندە شەشىپ، بۇقارانىڭ قىزۋ قارسى الۋىنا بولەندى.

پارتيا تاريحىن ۇيرەنۋ تاربيەسىن جالعاستى تەرەڭدەتۋ ٴۇشىن، كۇيتۇن قالاسى ۇزدىكسىز كۇش توپتاپ، قىزمەت ورنىندا ۇلەس قوسۋ مەن ەرىكتى قىزمەت وتەۋدى ىشكەرىلەي ورىستەتتى. قىزمەت ورنىندا لەي فىڭنان ۇيرەنۋ قيمىلىن ۇيىمداستىرىپ جانە ورىستەتىپ، پارتيا مۇشەلەرى اۆانگارد قىزمەت ورنىن، جاۋاپكەرشىلىك رايونىن قۇرىپ، قىزمەتتەگى پارتيا مۇشەلەرىنىڭ «ەكىدە تىزىمگە الىنۋىن» ىلگەرىلەتىپ، تۇتاس قالادا ۇگىت ـ لەكسيا جاساۋ، اۋىل ـ قىستاقتى گۇلدەندىرۋ ، كورشىلەر ارا قارايلاسۋ، تۇنىق سۋ ، جاسىل تاۋ، حاۋىپسىزدىكتى بىرگە قۇرۋ سياقتى 9 ۇلكەن ەرىكتى قىزمەت وتەۋدى كۇش سالا ورىستەتىپ، جاڭا ٴداۋىر وركەنيەتىن امالياتتا ايگىلەۋ ورتالىعىن  (ورىن، پۋنكت، ٴتۇيىن) سۇيەنىش ەتىپ، «پارتيا تاريحىن، مەملەكەت تاريحىن ۇيرەنۋ» بويىنشا وركەنيەتتى امالياتتا ايگىلەۋ تاقىرىپتىق تاربيە قيمىلىن كەڭ كولەمدە ورىستەتتى. قازىرگە دەيىن جالپى 2 مىڭ 326 رەت ەرىكتى قىزمەت وتەۋ قيمىلى ۇيىمداستىرىلىپ، بۇقارا ٴۇشىن  7 مىڭ 252 جاقسى، ناقتى ٴىس ىستەلدى، 436  داۋ - شار جاراستىرىلدى، 836 ناقتى ٴىس ٴبىر جاقتى ەتىلدى.