موڭعۇلكۇرە اۋدانى:

تاريحتى ۇيرەنىپ، اۋەلگى ماقساتتى امالياتتا ايگىلەپ، بۇقارانىڭ جاناشىرى بولۋعا قۇلشىندى

ەرىكتى تىلشىلەر ۋ جىيۇڭ، تۋ يا، ۋي يۇيحۋا حابارلايدى. پارتيا تاريحىن ۇيرەنۋ تاربيەسى ورىستەتىلگەننەن بەرى موڭعۇلكۇرە اۋدانىنداعى ٴار دارەجەلى تاراۋلار بۇقارا ەڭ كوڭىل ٴبولىپ وتىرعان، ەڭ تىكە، ەڭ رەال مۇددە ماسەلەلەرىنەن باستاپ كىرىسىپ، يگى ىستەردى شىنايى ىستەپ، ناقتى ىستەردى ويداعىداي ىستەپ، بۇقارانىڭ كوڭىلىنەن ورىن الدى.

بيىل جىل باسىنان بەرى موڭعۇلكۇرە اۋداندىق دامۋ جانە رەفورما كوميتەتى ارتقى تىرەك ورىن رولىن تولىق ساۋلەلەندىرىپ، «ۇعىسۋ، تيىمدىلىك جاساۋ، توعىستىرۋ» بويىنشا قاشاجار قالاشىعى بەدە قىستاعىندا تۇراتىن قىزمەت اترەتىمەن تىعىز بايلانىس جاساپ، قىستاق جاعدايىن، حالىق رايىن ۇعىسقاننان كەيىن 2 ميلليون 600 مىڭ يۋان نىسان قارجىسىنا قول جەتكىزىپ، بەدە قىستاعىنىڭ نەگىزدىك قۇرىلعى قۇرىلىستارىن جاقسارتتى. اتالعان قۇرىلىس نىساندارى جول بەتى، كوشە شامدارى، جاياۋلار جولى سياقتىلاردى قامتىپ، تۇرعىنداردىڭ قونىس ورتاسىن جاقسارتىپ، بۇقارانىڭ ٴجۇرىس ـ تۇرىسىنا قولايلىلىق جاسادى.

قونىس ورتاسىن وڭاۋ نىسانىنىڭ اتقارىلۋى سول ماڭداعى اۋماقتا تۇراتىن 300 دەن استام قىستاق تۇرعىنىنىڭ ٴجۇرىس ـ تۇرىسى قيىن بولۋ ماسەلەسىن ٴونىمدى شەشىپ، قىستاقتىڭ بەت ـ بەينەسىن جاقسارتىپ، ٴار ۇلت بۇقاراسىنىڭ القاۋىنا يە بولدى.

موڭعۇلكۇرە اۋداندىق دامۋ جانە رەفورما كوميتەتى نىسان قۇرىلىسىنىڭ جەبەۋ رولىن ساۋلەلەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدى ويداعىداي جاقسى ىستەۋ اياق الىسىن جەدەلدەتىپ، ٴار ۇلت بۇقاراسىنىڭ ٴوندىرىس، تۇرمىسىنداعى نەگىزدىك قۇرىلعى شارت ـ جاعدايىن ٴونىمدى جاقسارتىپ، قىزمەت ورىندارىن تياناق ەتىپ، قىزمەت وتەۋدى كۇشەيتىپ، ەڭ رەال مۇددەنى شىعار ٴتۇيىن ەتىپ، بۇقارانىڭ قيىن، الاڭداعان، ۋايىمداعان، كوكسەگەن ماسەلەلەرىن دەن قويا، سۇيىسپەنشىلىكپەن، كۇش سالا شەشىپ، ۇيرەنۋ ونىمدىلىگىن قىزمەتتىڭ قوزعاۋشى كۇشىنە جانە ونىمدىلىگىنە شىنايى اينالدىردى.

جالپى حالىقتىق دەنساۋلىق تەكسەرتۋ − ٴار ۇلت بۇقاراسىنا تيىمدىلىك جاسايتىن حالىق تۇرمىسى ينجەنەرياسى، تاياۋدا تۇتاس اۋدانداعى ٴار دارەجەلى ەمدەۋ قۇرىلىمدارى «بۇقارا ٴۇشىن ناقتى ٴىس ىستەيمىن»  امالياتتىق قيمىلىن ىشكەرىلەي ورىستەتتى.

65 جاستان اسقان قارتتاردىڭ دەنساۋلىعىن تەكسەرۋ داعدىلى دەنساۋلىق تەكسەرۋ، قان تەكسەرۋ، باۋىر قىزمەتى، بۇيرەك قىزمەتى، نەسەپ تەكسەرۋ، اشقارىندا قانداعى قانت قۇرامىن تەكسەرۋ، قانداعى ماي قۇرامىن تەكسەرۋ، ەلەكتركارديوگرامما، B تيپتى ۋلترا دىبىس تولقىنىمەن تەكسەرۋ سياقتى كوپ مازمۇندى قامتيدى. دەنساۋلىق تەكسەرۋ بارىسىندا ەمدەۋ قىزمەتكەرلەرى قارتتاردىڭ دەنساۋلىعىن مۇقيات تەكسەردى ٴارى ولاردىڭ تۇرمىس ادەتىن، بۇرىنعى اۋرۋ تاريحىن جانە ٴدارى ٴىشۋ جاعدايىن ەگجەي - تەگجەيلى سۇراپ، اقاۋسىز تۇرمىس ٴتاسىلى جاعدايىن يەلەدى ٴارى دەنساۋلىق ارحيۆىن تۇرعىزدى.

ٴجۇرىس - تۇرىسى قولايسىز قارتتارعا ەمدەۋ قۇرىلىمدارىنداعى ەمدەۋ قىزمەتكەرلەرى ۇيلەرىنە بارىپ قىزمەت وتەدى. دەنساۋلىق تەكسەرۋ ناتيجەسى شىققاننان كەيىن ٴارقايسى ەمدەۋ قۇرىلىمى دەنساۋلىق تەكسەرۋ ناتيجەسىن اڭىس ەتۋ قاعازىنا جاۋاپتى شيپاگەردىڭ تەلەفون ٴنومىرىن ٴبىر تۇتاس تولتىرىپ، قارتتارعا كەز كەلگەن ۋاقىتتا دەنساۋلىق ساقتاۋ جاعىنان كەڭەس بەرىپ، ناۋقاستىڭ ناقتى جاعدايىنا قاراي ۇيلەسىمدى ەمدەلۋىن ۇسىنىس ەتتى. سونىمەن بىرگە، وتباسى شيپاگەرلەرى دە دەنساۋلىق تەكسەرتەتىن قارتتارعا دەنساۋلىق جونىندە كەڭەس بەرىپ، دەنساۋلىق بىلىمدەرىن ٴتۇسىندىرىپ، ولارعا پارتيا مەن ۇكىمەتتىڭ مەيىرى مەن قامقورلىعىن سەزىندىردى.

بيىل جىل باسىنان بەرى تۇتاس اۋدانداعى ەمدەۋ قۇرىلىمدارى 65 جاستان اسقان 6 مىڭ 831 قارتتىڭ دەنساۋلىعىن اقىسىز تەكسەردى.