ەرىكتى ٴتىلشى ساي لوگاڭ حابارلايدى. تاياۋدا اۆتونوميالى وبلىستىق ەڭبەك وزاتى، جۇڭمەي ىلە ەنەرگيا اشۋ شەكتى سەرىكتىگى كومىر تاسىمالداۋ اسپاپتارىن تەكسەرۋ ـ جوندەۋ گرۋپپاسىنىڭ باستىعى قاسىمبەك كوڭبەك ۇلى سەرىكتىكتىڭ پارتيالىق تاربيە قيمىلى زالىندا سەرىكتىكتەگى بارلىق پارتيالى كادرلارعا پارتيا ساباعىن ٴوتىپ، كوممۋنيستىك پارتياعا العىس ايتتى.

    قاسىمبەك: «قاراپايىم گرۋپپا باستىعىنان قۇرمەتكە بولەنگەن ەڭبەك وزاتى بولعانعا دەيىنگى ەسەيۋ بارىسىمدى پارتيانىڭ كوپ جىلدىق تاربيەسى مەن باۋلۋىنان بولە قارامايمىن، پارتيانىڭ قامقورلىعى بولماسا مەنىڭ بۇگىنگى تابىسىم دا بولماس ەدى. پارتيانىڭ قامقورلىعىنا العىس ايتۋىمىز كەرەك، قىزمەت ورىنىمدى تياناق ەتىپ، قىزمەتتى جاقسى، مۇقيات، تىڭعىلىقتى، شىنايى ىستەپ، تاماشا ناتيجەمەن پارتيانىڭ 100 جىلدىق مەرەي تويىن قارسى الامىز» دەدى.

    قاسىمبەك قىزمەت ەتكەن كومىر تاسىمالداۋ اسپاپتارىن تەكسەرۋ ـ جوندەۋ گرۋپپاسىندا 15 ادام بار، التاۋىنىڭ جاسى 50 دەن اسقان قارت ۇستاز، جاسى ەڭ ۇلكەنى 58 دە، تەك ەكى ادامنىڭ جاسى 30 عا تولماعان، ناعىز «ەگدە، ورتا، جاستار» بىرلەستىگىنىڭ ۇلگىسى. گرۋپپا سەرىكتىكتىڭ وتىندىق كومىرلەردى تاسىمالداۋ جۇيەسى، جانار ماي جۇيەسى سياقتى قۇرىلعىلاردى تەكسەرۋ ـ جوندەۋ جانە قورعاۋعا جاۋاپتى بولىپ «كومىرشىلەر» دەپ اتالعان. جاقىن جىلدان بەرى «كومىرشىلەر» گرۋپپاسى قاسىمبەكتىڭ باستاماشىلىعىندا كوپتەگەن اتاق ـ داڭققا قول جەتكىزگەن.

    پارتيا تاريحىن ۇيرەنۋ تاربيەسى ورىستەتىلگەننەن بەرى جۇڭمەي ىلە ەنەرگيا اشۋ شەكتى سەرىكتىگىنىڭ پارتكومى نازاردى تۇيىنگە شوعىرلاندىرىپ، جۇيەلى سارالاپ، ۇيرەنۋ ساپاسىن كورنەكتىلەندىرىپ، پارتيا تاريحىن ۇيرەنۋ تاربيەسىنىڭ ناقتى ونىمدىلىگىنە نازار اۋدارىپ، قىزمەت امالياتىمەن سايكەستىرىپ، ۇيرەنۋ مازمۇنىن مۇقيات جوسپارلاپ، ات ۇستى قاراماي، فورماشىلدىققا سالىنباي، ۇيرەنگەننەن كەيىن ويلانۋ، ٴتۇسىنۋ، ۇيرەنۋدەن ناتيجە شىعارۋدى شىنايى ورىندادى. سەرىكتىك پارتيا مۇشەلەرىنىڭ اۆانگارد، ۇلگىلىك رولىن ساۋلەلەندىرىپ، جۇمىسكەرلەرگە ناقتى ٴىس ىستەپ، ماسەلەلەرىن شىنايى شەشىپ، جۇمىسكەرلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتتى.