باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
پارتيا تاريحىن ۇيرەنۋگە، يدەيانى تۇسىنۋگە، ناقتى ٴىس ىستەۋگە، جاڭا جاعداي اشۋعا تاباندى بولىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق
2021-06-23 11:12:32كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

   

 چىن چۋانگو ماناس اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

    پارتيا تاريحىن ۇيرەنۋگە، يدەيانى تۇسىنۋگە، ناقتى ٴىس ىستەۋگە، جاڭا جاعداي اشۋعا تاباندى بولىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق

 

    شينجياڭ گازەتىنىڭ حابارى (ٴتىلشى ياۋ تۇڭ). 6 - ايدىڭ 21 - كۇنى اۆتونوميالى رايوندىق پارتكومنىڭ شۋجيى چىن چۋانگو پارتيا تاريحىن ۇيرەنۋ تاربيەسى بويىنشا بايلانىس جاساۋ ٴتۇيىنى ماناس اۋدانىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىن ىشكەرىلەي تىڭعىلىقتى ورىستەتىپ، پارتيا تاريحىن ۇيرەنۋدى، يدەيانى ٴتۇسىنۋدى، ناقتى ٴىس ىستەۋدى، جاڭا جاعداي اشۋدى شىنايى ورىنداۋ كەرەك.

    چىن چۋانگو ماناس اۋدانى جۇڭشين گو - ان ٴجۇزىم اراعى كاسىبى سەرىكتەستىگىنە كەلىپ، ٴوندىرىس تيجاراتى، ٴونىمنىڭ ساتىلۋى سياقتى جاعدايلاردى ۇعىستى. ول بىلاي دەدى: ەرەكشەلىككە يە باسىمدىقتاردى ساۋلەلەندىرىپ، ماركا جاراتىپ، ساپاسىن جوعارىلاتىپ، كولەمىن كەڭەيتىپ، شينجياڭنىڭ ٴجۇزىم اراعى كاسىپ سالاسىن كۇش سالا ۇلعايتۋ، كۇشەيتۋ كەرەك. شىما نان باقشاسىندا چىن چۋانگو باقشا اۋماعى قۇرىلىسى، ٴوندىرىس جۇرگىزۋ، جۇمىستانۋدى جەتەكتەۋ سياقتى جاعدايلاردى تەكسەرىپ كوردى، بازاردى كوزدەپ، ٴتۇرىن مولايتىپ، كولەمدەنۋ، كاسىپ سالالانۋ، بازارلانۋ ورەسىن جوعارىلاتىپ، كىشكەنتاي ناندى ۇلكەن كاسىپ سالاسىنا اينالدىرىپ، جالپى حالىق تۇرمىسىن جەبەۋ؛ ەڭبەك شوعىرلانعان كاسىپ سالاسىن بار كۇشپەن دامىتىپ، بۇقارانىڭ ورنىقتى جۇمىستانۋىن، كىرىستەرىن ۇزدىكسىز ارتتىرۋىن جەبەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ كەرەك دەپ اتاپ كورسەتتى. شينجياڭ نۇڭفۋ بازاسى ماناس ازىق - تۇلىك شەكتى سەرىكتەستىگىندە چىن چۋانگو ٴوندىرىستىڭ ٴبىرىنشى شەبىنە بارىپ، ٴوندىرىس تيجاراتى، ٴونىمدى زەرتتەپ اشۋ سياقتى جاعدايلاردى ۇعىسىپ، جۇمىستاندىرۋدى باعدار ەتۋگە تاباندى بولىپ، جەرگىلىكتى ورىننىڭ جاعدايىنا قاراي ەرەكشە باسىمدىققا يە كاسىپ سالاسىن دامىتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك دەپ باسا دارىپتەدى.

    شىحىزى - ماناس ۇلكەن كوپىرىندە چىن چۋانگو ماناس وزەنى الابىنداعى تاۋ، سۋ، ورمان، اتىز، كول، جايىلىم ەكولوگياسىن قورعاۋ، قالپىنا كەلتىرۋ ينجەنەرياسىنىڭ جاعدايىنان بەرىلگەن مالىمەتتى تىڭدادى ٴارى ماناس وزەنىنىڭ ەكولوگيالىق قورشاعان ورتاسىن قالپىنا كەلتىرۋ اياق الىسىن ناقتى كوردى. ول بىلاي دەپ اتاپ كورسەتتى: وزەن - كول باستىعى ٴتۇزىمىن مۇقيات اتقارىپ، ەكولوگيانى قالپىنا كەلتىرۋدى جانە قورشاعان ورتانىڭ لاستانۋىن جونگە سالۋدى ىشكەرىلەي ىلگەرىلەتىپ، الاپتىڭ ەكولوگيالىق قورشاعان ورتاسىن ۇزدىكسىز جاقسارتۋدى ىلگەرىلەتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيانى الدىڭعى ورىنعا قويۋعا، جاسىل، تومەن كومىرتەكتى دامۋعا تاباندى بولىپ، ەكولوگيانى قورعاۋدى، جاسىل دامۋدى، حالىق تۇرمىسىن جاقسارتۋدى ٴوزارا بىرلىككە كەلتىرۋ كەرەك.

    لانجوۋۋان قالاشىعى ىرداۋ شۋوزى قىستاعىندا چىن چۋانگو قىستاق تۇرعىنى ياسىن ٴتالىپتىڭ ۇيىنە بارىپ، ۇيدەگىلەرمەن بىرگە ٴجۇزىم سورەسى استىندا قورالانا وتىرىپ، ٴوندىرىس، تۇرمىس، وتباسى كىرىسى سياقتى جاعدايلاردى ەگجەي - تەگجەيلى ۇعىستى. ول بىلاي دەدى: ٴبىزدىڭ بۇگىنگى باقىتتى تۇرمىسىمىز وڭاي - وسپاق قولعا كەلگەن جوق، ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋىمىز، قاجىرلى ەڭبەگىمىزگە جانە پاراساتىمىزعا سۇيەنىپ كۇندەرىمىزدى اناعۇرلىم بالداي ٴتاتتى وتكىزۋىمىز، اناعۇرلىم تالپىنىسپەن وتكىزۋىمىز كەرەك. نەگىزگى ساتى ٴبىرىنشى شەبىندەگى كادرلارعا ٴار ۇلت حالقىنىڭ ٴىسىن سۇيىسپەنشىلىكپەن، جاۋاپكەرشىلىكپەن جاقسى، شىنايى ىستەپ بەرۋدى تاپسىردى.

    چىن چۋانگو تاعى ماناس قالاشىعى شيگۋان مەشىتىنە كەلىپ ٴدىني قيمىلداردىڭ ورىستەتىلۋ جاعدايىن ۇعىستى. ول بىلاي دەپ اتاپ كورسەتتى: شينجياڭدا ٴىسلام ٴدىنىن جۇڭگوشالاندىرۋ بەتالىسىنا تاباندى بولىپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. پارتيانىڭ ٴدىني سەنىم ەركىندىگى ساياساتىن جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ٴدىني قيمىلدارى مەن ٴدىني قاجەتىن زاڭ بويىنشا قامتاماسىزداندىرۋ كەرەك. ٴدىن سالاسىنداعى قالىڭ قايراتكەرلەر وتاندى ٴسۇيۋ، ٴدىندى قادىرلەۋ تاڭداۋلى ٴداستۇرىن بار كۇشپەن ساۋلەلەندىرىپ، دىنگە سەنەتىن بۇقارانى قوعام ورنىقتىلىعى مەن باياندى تىنىشتىقتى جۇزەگە اسىرۋعا بەلسەنە ۇلەس قوسۋعا جەتەكتەۋ كەرەك.

    چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ٴمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، پارتيا تاريحىن ۇيرەنۋ تاربيەسىن جوعارى ولشەمدە، جوعارى ساپادا ويداعىداي ورىستەتۋ كەرەك. يدەيانىڭ ۇلى كۇشىن ٴتۇسىنىپ، پارتيالى كادرلاردى پارتيانىڭ عالامات بارىسىنان ماركسيزمنىڭ اقيقات كۇشى مەن امالياتتىق كۇشىن سەزىنىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ٴتۇسىنىپ، بۇلجىماستان وسى ماڭىزدى يدەيا ارقىلى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاربيەلەۋ، جەتەكتەۋ كەرەك. حالىق تۇرمىسىنا قاتىستى ناقتى ىستەردى ويداعىداي ىستەپ، بۇقارامەن ٴبىر تىلەكتە بولىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن تىڭعىلىقتى ورىستەتىپ، بۇقارانىڭ «شۇعىل، قيىن، ۋايىمداعان، ٴزارۋ» ماسەلەلەرىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ ويداعىداي شەشىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. كەڭ كولەمدە ۇگىت جۇرگىزىپ، لەكسيا جاساپ، بۇقارا قۋانا قابىلدايتىن تاسىلدەردى قولدانىپ، تۇتاس قوعامدا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى جونىندەگى ۇگىت - تاربيەنى كەڭ كولەمدە ورىستەتىپ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ تاربيەسىن بۇقاراعا ىشكەرىلەي جەتكىزۋدى، نەگىزگى ساتىعا ىشكەرىلەي جەتكىزۋدى، جۇرت جۇرەگىنە تەرەڭ ۇيالاتۋدى ىلگەرىلەتۋ كەرەك.

    چىن چۋانگو بىلاي دەپ باسا دارىپتەدى: پارتيا تاريحىن ۇيرەنۋ تاربيەسى مەن «ٴتورت تاريح» ۇگىت تاربيەسىن ورىستەتۋدەن قاۋلاپ شىققان قوزعاۋشى كۇشتى قىزمەتتى ىلگەرىلەتۋدىڭ ٴىس جۇزىندىك ارەكەتىنە شىن مانىندە اينالدىرىپ، پارتيا 19 - كەزەكتى ورتالىق كوميتەتى بەسىنشى جالپى ٴماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى جانە باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ٴبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ٴوندىرىس حاۋىپسىزدىگى، ەكونوميكانىڭ جوعارى ساپالى دامۋى سياقتى قىزمەتتەردى تىڭعىلىقتى، ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

    اۆتونوميالى رايوننىڭ ورىنباسار ٴتوراعاسى جاۋ چيڭ قاتارلىلار بىرگە تەكسەرۋ - زەرتتەۋ جۇرگىزدى.