«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
«تاريحتى ۇيرەنۋ ارقىلى قاعيدانى ٴتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ٴمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەيىك»
شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى. 7 - ايدىڭ 1 - كۇنى باسپادان شىققان «ىزدەنۋ» جۋرنالىنىڭ 13 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «تاريحتى ۇيرەنۋ ارقىلى قاعيدانى ٴتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ٴمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەيىك» اتتى ماڭىزدى ماقالاسىن جاريالادى.
ماقالادا مىنالار باسا دارىپتەلدى: پارتيا تاريحىن ۇيرەنۋ تاربيەسى بارىسىندا تاريحتى ۇيرەنۋ ارقىلى قاعيدانى ٴتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ٴمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيا تاريحىن ۇيرەنۋ، يدەيانى ٴتۇسىنۋ، ناقتى ٴىس ىستەۋ، جاڭا جاعداي اشۋ كەرەك.
ماقالادا مىنالار اتاپ كورسەتىلدى: قاعيدانى ٴتۇسىنۋ سەنىمدى ارتتىرۋدىڭ، ٴمورالدى اسقاقتاتۋدىڭ، ۇمتىلا ىستەۋدىڭ العى شارتى. پارتيانىڭ شۇعىلالى تابىستارىنان، ماشاقاتتى بەلەستەرىنەن، تاريحي تاجىريبەلەرىنەن، تاماشا داستۇرىنەن جۇڭگو كوممۋنيستىك پارتياسىنىڭ نەلىكتەن ىسكەر، ماركسيزمنىڭ نە ٴۇشىن جارامدى، جۇڭگوشا سوتسياليزمنىڭ نە ٴۇشىن جاقسى، ت. ب دەگەن قاعيدالارىن جەتە ٴتۇسىنۋ كەرەك. جۇڭگو كوممۋنيستىك پارتياسىنىڭ باسشىلىعىنا تاباندى بولۋدىڭ تاريحي سوزسىزدىگىن جەتە ٴتۇسىنىپ، پارتيانىڭ باسشىلىعىنا بولعان سەنىمدى بەكەمدەۋ كەرەك. ماركسيزمنىڭ، سونداي - اق ونىڭ جۇڭگوشالانعان جاسامپاز نازارياسىنىڭ اقيقاتتىق سيپاتىن جەتە ٴتۇسىنىپ، پارتيانىڭ جاسامپاز نازارياسىن سانالى تۇردە دايەكتىلەندىرۋ، تياناقتاندىرۋ تاباندىلىعىن كۇشەيتۋ كەرەك. جۇڭگوشا سوتسياليزم جولىنىڭ دۇرىستىعىن جەتە ٴتۇسىنىپ، جۇڭگوشا سوتسياليزم سىندى بىردەن - ٴبىر دۇرىس جولمەن مىزعىماي ٴجۇرۋ كەرەك.
ماقالادا مىنالار اتاپ كورسەتىلدى: نانىم، ۇستانىم، سەنىم ٴارقانداي كەزدە توتەنشە ماڭىزدى. تاريحتى ۇيرەنۋ ارقىلى سەنىمدى ارتتىرۋدا نانىمدى، ۇستانىمدى، سەنىمدى كۇشەيتۋ كەرەك، بۇل ٴبىزدىڭ بارلىق كۇشتى جاۋدى جەڭۋىمىزدەگى، بارلىق قيىنشىلىقتى جەڭۋىمىزدەگى، بارلىق جەڭىسكە قول جەتكىزۋىمىزدەگى قۇدىرەتتى رۋحاني كۇش - قۋاتىمىز. ماركسيزم، كوممۋنيزم جونىندەگى نانىمدى كۇشەيتۋ، جۇڭگوشا سوتسياليزم جونىندەگى ۇستانىمدى كۇشەيتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جونىندەگى سەنىمدى كۇشەيتۋ كەرەك.
ماقالادا مىنالار اتاپ كورسەتىلدى: پارتيامىز 100 جىلدىق كۇرەس بارىسىندا، ٴارقايسىسىنىڭ ٴوز ەرەكشەلىگى بار ٴبىر قىدىرۋ توڭكەرىستىك رۋحتاردى جەتىلدىرىپ، قالىپتاستىرىپ، پارتيانىڭ بەرىك سەنىمىن، ٴتۇبىرلى باس ماقساتىن، تاڭداۋلى ستيلىن شوعىرلى ايگىلەدى، بۇل ٴبىزدى قاجىماي - تالماي كۇرەس جۇرگىزۋگە شابىتتاندىراتىن قىمباتتى رۋحاني بايلىق. تاريحتى ۇيرەنۋ ارقىلى ٴمورالدى اسقاقتاتۋدا قالىڭ پارتيا مۇشەلەرىن، كادرلاردى قىزىل گەندى جالعاستىرىپ، اسقاق ٴمورالدىق قاسيەتتى نارلەندىرىپ، پارتياعا ادال بولۋ ۇلى ٴمورالىن اسقاقتاتۋعا، حالىقتى باقىتقا كەنەلتۋ الەۋمەتتىك ٴمورالىن اسقاقتاتۋعا، ٴوزىن قاتاڭ تارتىپكە سالاتىن ٴمورالدىق قاسيەتتى اسقاقتاتۋعا جەتەكتەۋ كەرەك.
ماقالادا مىنالار اتاپ كورسەتىلدى: قالىڭ پارتيا مۇشەلەرىن، كادرلاردى اناعۇرلىم سانالى تۇردە اۋەلگى ماقساتتى ۇمىتپاي، بورىشتى ەستە بەرىك ساقتاپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، باستان - اياق يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، مۇرات - سەنىمدى بەكەمدەپ، پارتيانىڭ جاسامپاز نازارياسىن ويداعىداي ۇيرەنىپ، پايدالانىپ، قىزىل قان تامىردى جالعاستىرىپ، داڭقتى ٴداستۇردى ساۋلەلەندىرىپ، اۆانگارد ۇلگىلىك رولدى ساۋلەلەندىرىپ، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، جاڭا دامۋ كەزەڭىن اناعۇرلىم جاقسى تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، رەفورما، دامۋ، ورنىقتىلىق قىزمەتتەرىن جان - جاقتى جاقسى ىستەپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تەلەگەي كۇش ۇيىستىرۋعا تاربيەلەۋ، جەتەكتەۋ كەرەك.