شينجياڭ گازەتىنىڭ حابارى. 7 - ايدىڭ 8 - كۇنىنەن 18 - كۇنىنە دەيىن پارتيا تاريحىن ۇيرەنۋ تاربيەسى بويىنشا ورتالىقتىڭ جەتەكشىلىك ەتۋ 10 - گرۋپپاسىنىڭ باستىعى ۋي داپىڭ جەتەكشىلىك ەتۋ گرۋپپاسىن باستاپ شينجياڭعا كەلىپ تەكسەرۋ - زەرتتەۋ جۇرگىزدى، جەتەكشىلىك ەتتى. تەكسەرۋ - زەرتتەۋ كەزىندە جەتەكشىلىك ەتۋ گرۋپپاسى اۆتونوميالى رايوننىڭ نەگىزگى باسشىلارى تۇرعان پارتيا ياچەيكاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق ۇيىمدىق تۇرمىس جيىنىنا جەكە - جەكە سىرتتاي قاتىناستى ٴارى ايماق، وبلىستاردى جانە بيڭتۋاننىڭ ٴىشىنارا شى - قالالارىن ىشكەرىلەي ارالاپ، تەكسەرۋ - زەرتتەۋ، جەتەكشىلىك ەتۋ ورىستەتىپ، پارتيا تاريحىن ۇيرەنۋ تاربيەسىنىڭ جان - جاقتى كەڭەيۋىن، تەرەڭدەي جۇرگىزىلۋىن ىلگەرىلەتتى.

ٴۇرىمجى قالاسىندا جەتەكشىلىك ەتۋ گرۋپپاسى 8 - ارميانىڭ شينجياڭدا تۇراتىن ٴىس باسقارماسى ەسكەرتكىش سارايىن ەكسكۋرسيالاپ، شينجياڭ داشۋەسىنە بارىپ ناقتى تەكسەرۋ - زەرتتەۋ جۇرگىزىپ، پارتيا تاريحىن ۇيرەنۋ تاربيەسى جاعدايىنان بەرىلگەن مالىمەتتى تىڭدادى؛ بايىنعولين موڭعۇل اۆتونوميالى وبلىسىندا جەتەكشىلىك ەتۋ گرۋپپاسى حوشۇت اۋدانىنداعى مالان قۇرباندار قابىرستاندىعى، حىجيڭ اۋدانىنداعى شينشيڭ جيحۋا كيىم - كەشەك كاسىپ سالاسى باقشاسى، باعراش اۋدانى بۇمبۇت قالاشىعى شىنبۇح قىستاعىنىڭ پارتيا تاريحى سارايى، كورلا قالاسىنداعى «3 وزەندى توعىستىرۋ» لاشىقتى رايونىن جاڭالاۋ ينجەنەرياسىنىڭ قۇرىلىس جۇرگىزۋ جۇمىس باسى سياقتىلاردى ىشكەرىلەي ارالاپ، پارتيالى كادرلاردىڭ پارتيا تاريحىن ۇيرەنۋ تاربيەسى بويىنشا ارناۋلى تاقىرىپتىق باۋلۋ جاعدايىن ۇعىستى، ماتەريالداردى تەكسەرىپ وقۋ، بەينەجازبالاردى كورۋ، جۇمىس باسىندا قۋزاۋ - جەتەكشىلىك ەتۋ سياقتى تاسىلدەر ارقىلى جاپپاي ۇعىسىپ، تۇرگە ٴبولىپ جەتەكشىلىك ەتتى؛ اقسۋ ايماعىندا جەتەكشىلىك ەتۋ گرۋپپاسى اقسۋ ايماقتىق مادەنيەت - مۇراجاي مەكەمەسى (مۇراجاي)، اقسۋ قالاسىنىڭ يگەرشى اۋىلى باقچى قىستاعى، كوكيار ەسكەرتكىش سارايى سياقتىلارعا بارىپ، قىزمەتكەرلەرمەن، پارتيا مۇشەلەرىمەن، بۇقارامەن بەتپە - بەت پىكىر اۋىستىرىپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەنۋ، دايەكتىلەندىرۋ سياقتى جاقتارداعى جاعدايلاردى ۇعىستى.

ىلە قازاق اۆتونوميالى وبلىسىندا جەتەكشىلىك ەتۋ گرۋپپاسى قۇلجا قالاسىنىڭ توعىسپالى اقپارات قۇرالدارى ورتالىعى، كۇنەس اۋدانى نارات قالاشىعى اراسان قىستاعى، قورعاس قالالىق شەكارا كۇزەتۋشىلەر ۇلكەن اترەتى سياقتىلاردى ىشكەرىلەي ارالاپ، پارتيا تاريحىن ۇيرەنۋ تاربيەسى قىزمەتىن ىلگەرىلەتۋگە جەتەكشىلىك ەتتى ٴارى «1 - شىلدە وردەنىنىڭ» يەگەرى، قۇلجا اۋدانى ونيار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ومەرگە امانداسا بارىپ، حال سۇرادى؛ بيڭتۋاندا جەتەكشىلىك ەتۋ گرۋپپاسى شينجياڭ گۋاننۇڭ گورۇڭ جارنا شەكتى سەرىكتەستىگى، 1 - شىنىڭ 11 - تۋانى، 1 - شى ارال قالاسى 359 - لۇيى تىڭ يگەرۋ ەسكەرتكىش سارايى، تارىم داشۋەسى مەكتەپ تاريحى سارايى سياقتىلارعا بارىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىنىڭ نەگىزگى ساتىدا تياناقتانۋ، ناقتىلانۋ جاعدايىن، قىزىل بايلىقتان پايدالانىپ پارتيا تاريحىن ۇيرەنۋ تاربيەسىن ورىستەتۋ سياقتى جاعدايلاردى تاپتەشتەي ۇعىستى.

  ۋي داپىڭ شينجياڭنىڭ پارتيا تاريحىن ۇيرەنۋ تاربيەسىندە قول جەتكىزگەن تابىسىن تولىق تۇراقتاندىردى ٴارى كەلەر ساتىداعى قىزمەتتەر جونىندە تالاپ قويدى. ول بىلاي دەپ اتاپ كورسەتتى: باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ ٴارى ونى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، پارتيا تاريحىن ۇيرەنۋ تاربيەسىنىڭ وزەكتى مازمۇنى ەتىپ، «ٴتورت تاريح» ۇگىت - تاربيەسىمەن ۇشتاستىرىپ، پارتيا تاريحىن ۇيرەنۋ تاربيەسىنىڭ ٴمانىن ۇزدىكسىز بايىتىپ، ساپا ونىمدىلىگىن كوتەرۋ؛ پارتيا تاريحى ارناۋلى تاقىرىپتىق ۇيرەنۋىن، باۋلۋىن تەرەڭدەتىپ، ۇگىتتى، ۇگىت - لەكسيانى كەڭ كولەمدە ورىستەتىپ، ارناۋلى تاقىرىپتىق ۇيىمدىق تۇرمىس جيىنىن ويداعىداي اشىپ، باس شۋجيدىڭ «1 - شىلدەدەگى» ماڭىزدى ٴسوزى رۋحىنىڭ جۇرت جۇرەگىنە تەرەڭ ۇيالاۋىن، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ؛ قىزىل بايلىقتى اشۋدى، پايدالانۋدى ۇزدىكسىز ويداعىداي يگەرىپ، قىزىل گەندى جالعاستىرىپ، قىزىل حيكايانى ويداعىداي بايانداپ، قىزىل قان تامىردى ۇزدىكسىز جالعاستىرىپ، پارتيا تاريحىن ۇيرەنۋ تاربيەسى ارقىلى ەكپىندەي ىلگەرىلەۋدىڭ تەلەگەي رۋحاني كۇشىن قالىپتاستىرۋ؛ «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن تىڭعىلىقتى ىلگەرىلەتىپ، نازاردى «شۇعىل، قيىن، ۋايىمداعان، ٴزارۋ» ماسەلەلەرگە شوعىرلاندىرىپ، ناقتى ىستەردى، جاقسى ىستەردى ويداعىداي ىىستەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ؛ ٴار ۇلت جاستارىن باس شۋجي شي جينپيڭنىڭ «1 - شىلدەدەگى» ماڭىزدى سوزىندە جاستارعا ارتقان ىقىلاستى ٴۇمىتىن مۇقيات ۇيرەنىپ، جەكەنىڭ مۇرات - تالپىنىسىن پارتيا مەن مەملەكەت ىستەرىنە توعىستىرىپ، ٴداۋىردىڭ ٴۇمىتىن اقتاپ، ەسىل شاقتاردى زايا كەتىرمەي، ايانباي كۇرەس جۇرگىزىپ، وتان قۇرىلىسىنىڭ تىرەكتى دارىندىلارىنان بولۋعا قۇلشىنۋعا تاربيەلەۋ، جەتەكتەۋ؛ ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا تاريحىن ۇيرەنۋدى، يدەيانى ٴتۇسىنۋدى، ناقتى ٴىس ىستەۋدى، جاڭا جاعداي اشۋدى شىن مانىندە ورىنداپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

اۆتونوميالى رايوننىڭ باسشىلارىنان تيان ۋىن، دوۋ ۋانگۇي، چيۋ شۋحۋا قاتارلىلار ٴبىر ٴبولىم تەكسەرۋ - زەرتتەۋ قيمىلىنا قاتىناستى.

(شينجياڭ گازەتىنىڭ ٴتىلشىسى جاڭ يانفاڭ، بايىنعولين وبلىسىنداعى تىلشىلەر پۋنكتىنەن جاڭ حۇيجياڭ، ياڭ شياۋدۇڭ، اقسۋ تىلشىلەر پۋنكتىنەن ۋ جىپيڭ، ەرىكتى تىلشىلەر لي شين - ان، جاۋ جۇن)