انار بۇلت / شينجياڭ گازەتىنىڭ ىلە تىلشىلەر پۋنكتىنەن ما چىڭلۋ، ەرىكتى ءتىلشى لي نا

پارتيا تاريحىن ۇيرەنۋ تاربيەسى ورىستەتىلگەننەن بەرى ىلە قازاق اۆتونوميالى وبلىسى ورەلىلىگى، تەرەڭدىگى، تەبىندىلىگى، كەڭدىگى بار ارناۋلى تاقىرىپتىق پارتيا ساباعىن ۇزدىكسىز تۇلعالاپ، پارتيا ساباعىنىڭ باۋراۋ قۋاتى مەن تارتىمدىلىعىن ۇزدىكسىز كۇشەيتىپ، قالىڭ پارتيالى كادرلاردىڭ ۇيرەنۋ بارىسىندا وي جۇگىرتۋىنە، ۇيرەنۋ بارىسىندا تۇسىنۋىنە، ۇيرەنۋ بارىسىندا ناتيجەگە قول جەتكىزۋىنە قۇلشىنىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن تىڭعىلىقتى ىلگەرىلەتتى.

”ءبىرىنشى باسشى“ باستاماشىلدىقپەن لەكسيا سويلەدى. ىلە وبلىسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى پارتيا تاريحىن ۇيرەنۋ تاربيەسىن ورىستەتۋمەن، ”ءتورت تاريحتى“ ۇيرەنۋمەن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، ”ءبىرىنشى باسشى“ پارتيا ساباعىن ءوتۋ قيمىلىن ورىستەتتى. وبلىس ءتورت القاسىنىڭ باسشىلارى نازاريا ۇيرەنۋ وزەكتى گرۋپپاسىنىڭ ۇيرەنۋى، نەگىزگى تاقىرىپتىق پارتيا كۇنى سياقتى دانەكەرلەرگە سۇيەنىپ، ارناۋلى تاقىرىپتا جەتەكشىلىك ەتۋ، باستاماشىلدىقپەن باستاپ ۇيرەنۋ، شوعىرلى زەرتتەپ ۇيرەنۋ، اۋىس - كۇيىس جاساپ پىكىرلەسۋ سياقتى تاسىلدەر ارقىلى ارناۋلى تاقىرىپتىق پارتيا ساباعى قيمىلىن ورىستەتتى. قازىرگە دەيىن ىلە وبلىسىنداعى وبلىسقا توتە قاراستى 70 تاراۋدىڭ (ورىن) باسشىلارى ءوز تاراۋىندا (ورىن) ۇگىت لەكسيا جاساپ، 11 اۋداندىق، قالالىق پارتكوم شۋجيى ورگاندارعا، الەۋمەتتىك اۋماقتارعا، اۋىل - قىستاقتارعا، كاسىپورىندارعا، مەكتەپتەرگە بارىپ ۇگىت لەكسيا جاسادى.

10 مىڭ شۋجي كەڭ كولەمدە لەكسيا سويلەدى. ىلە وبلىسىنا توتە قاراستى 727 پارتكوم (پارتيا باسشىلىق گرۋپپاسى) دارەجە بويىنشا پارتيا ياچەيكاسى شۋجيلەرىن ”پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى، ”ءۇش ساباق، ءبىر جيىن“ سياقتى دانەكەرلەرگە سۇيەنىپ، پارتيا ساباعىن ارناۋلى تاقىرىپتا ءوتۋ، پارتيا ساباعىن ارالاستىرا ءوتۋ، پارتيا ساباعىن بىرلەسىپ ءوتۋ سياقتى فورمالار ارقىلى ۇيرەنۋ تاربيەسىن كەڭىنەن ورىستەتۋگە ۇيىمداستىردى. قازىرگە دەيىن ارناۋلى تاقىرىپتىق پارتيا ساباعىنان 8000نان استام - رەت ورىستەتىپ، تاربيە قابىلداعان پارتيالى كادرلار 195 مىڭ ادام - رەتتەن استى.

ۇلگىلەر، وزاتتار ارناۋلى تاقىرىپتا لەكسيا سويلەدى. ىلە وبلىسى ساقا پارتيا مۇشەلەرىنىڭ جانە وزات تيپتەردىڭ رولىن دا تولىق ساۋلەلەندىرىپ، ارناۋلى تاقىرىپتىق پارتيا ساباعىن اشتى. ”1 - شىلدە وردەنىنىڭ“ يەگەرى، قۇلجا اۋدانى ونجار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ءومار ءار ۇلت كادرلارىنا، بۇقاراسىنا ارناۋلى تاقىرىپتىق پارتيا ساباعىن 10 نەشە رەت ءوتىپ، قالىڭ پارتيا مۇشەلەرىن، بۇقارانى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەدى، جەتەكتەدى. قازىرگە دەيىن ىلە وبلىسى ساقا شۋجيدەن، ساقا پارتيا مۇشەسىنەن، ساقا ۇلگىدەن 1165 ادامدى ۇسىنىس ەتىپ، ارناۋلى تاقىرىپتىق پارتيا ساباعىن 3412 رەت ورىستەتىپ، تاربيە قابىلداعان پارتيالى كادر 68 مىڭ ادام - رەتتەن استى.

بايلىقتان جاندى پايدالانىپ، جاپپاي قامتىپ لەكسيا سويلەدى. ءىشىنارا قىستاقتاردا پارتيا مۇشەلەرى كوپ، بىتىراڭقى قونىستانۋ سياقتى جاعدايلارعا مەڭزەس، بۇل وبلىس ”پارتيا ساباعىن ارالاپ ءجۇرىپ ءوتۋ“ بويىنشا 22 مىڭ 600 نەشە رەت ۇگىت لەكسيا جۇرگىزىپ، پارتيا ساباعىن تۇراقتى ورىننان مال شارۋاشىلىق وڭىرلەرىندەگى كيىز ۇيلەر، كاسىپتىك سەلبەستىك كووپەراتيۆتەر، ت.ب سياقتىلارعا دەيىن ۇلاستىردى. ىلە وبلىسىنداعى اۋدان، قالالاردىڭ توعىسپالى اقپارات قۇرالدارى ورتالىقتارى ”پارتيا ساباعى باستالدى“، ”پارتيا تاريحىن ءوتۋ، كلاسسيك حيكايالاردى بايانداۋ“ سياقتى ارناۋلى تاقىرىپتىق شاعىن پارتيا ساباعى ايدارىن اشىپ، ورتالىق پەن اۆتونوميالى رايونداعى نەگىزگى اقپارات قۇرالدارى تاراتقان باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندەگى شاعىن پارتيا ساباعىن دەر كەزىندە جالعاپ تاراتىپ، پارتيا مۇشەلەرىنىڭ ينتەرنەت ساباقحاناسى ارقىلى ۇيرەنۋىنە مۇمكىندىك جاسادى.