وبلىسقا توتە قاراستى ورىندارداعى پارتيا مۇشەسى تىرەكتىلەرىنىڭ پارتياعا قالتقىسىز ادال بولۋ تاربيەسى ارناۋلى كۋرسى اشىلدى

4 مىڭنان استام پارتيا مۇشەسى ٴبىلىم تولىقتادى

ٴتىلشىمىز حۋاڭ يان حابارلايدى. 7 - ايدىڭ 26 - كۇنى وبلىسقا توتە قاراستى ورىندارداعى پارتيا مۇشەسى تىرەكتىلەرىنىڭ پارتياعا قالتقىسىز ادال بولۋ تاربيەسى ارناۋلى كۋرسى وبلىستىق پارتكوم پارتيا مەكتەبىندە ساباق باستالۋ سالتىن وتكىزدى.

وسى كەزەكتى تاربيەلەۋ كۋرسىن وبلىستىق پارتكوم ۇيىمداستىرۋ ٴبولىمى ۇيىمداستىردى، اۆتونوميالى رايوننىڭ «تاربيەلەۋدى نەگىزگى ساتىعا جەتكىزۋ»  فورماسى ارقىلى وتكىزىلدى، كۋرس ۋاقىتى 5 كۇن. وبلىسقا توتە قاراستى ورىندارداعى 100 تاڭداۋلى پارتيا مۇشەلەرى ۋاكىلى كۋرسقا قاتىناستى، كۋرستا تاعى تىكە تاراتىلىم ارقىلى 159 جەكە ساباقحانا اشىلىپ، نەگىزگى ساتىداعى 4 مىڭ 100 دەن استام پارتيا مۇشەسىن جەلىدە، جەلىدەن تىس تەڭ قادامدا تاربيەلەۋ جۇزەگە اسىرىلدى. 

تاربيەلەۋ مازمۇنى شي جينپيڭ جاڭا ٴداۋىر جۇڭگوشا سوتسياليزم يدەياسى، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحى، «كوممۋنيستىك پارتيا جارناماسى» سياقتى الۋان مازمۇندارعا سايادى. ارناۋلى جەتەكشىلىك ەتۋ، گرۋپپالىق تالقى، كلاس بويىنشا پىكىر اۋىستىرۋ جانە وزدىگىنەن ۇيرەنۋ سياقتى تاسىلدەردەن پايدالانىپ، ٴتۇرلى فورمادا باي مازمۇندى تاربيە ورىستەتتى. 

ٴبىرىنشى كۇنگى ساباقتى ەستىگەننەن كەيىن تەكەس اۋدانى كوكتەرەك اۋىلى كوكتەرەك قىستاعى پارتيا ياچەيكاسىنىڭ ورىنباسار شۋجيى الماگۇل دۇيسەنبەك قىزى توتەنشە تەبىرەنىپ ٴارى كەلەسى تاربيەلەۋگە نىق سەنىم ٴبىلدىرىپ: «بۇدان كەيىنگى قىزمەتتە ۇيرەنۋ جەتىستىگىمدى تىڭ جورىققا قادام تاستاۋدىڭ، جاڭا داۋىرگە ۇلەس قوسۋدىڭ ناقتى ارەكەتىنە اينالدىرامىن» دەدى.

كۋرسقا قاتىناسقان چاپچال سىبە اۆتونوميالى اۋداندىق پارتكوم ۇيىمداستىرۋ ٴبولىمىنىڭ كادرى يۋان لەي: «بۇل رەتكى تاربيەلەۋدە باي مازمۇندى ساباقتار كوز ايامىزدى كەڭەيتتى جانە قابىلەتىمىزدى جوعارىلاتۋعا سەپتىگىن تيگىزدى. وزىمە قاتاڭ تالاپ قويىپ، مۇقيات ۇيرەنىپ، بار زەيىنمەن ٴبىلىمىمدى تولىقتاپ، بەلسەنە ىزدەنىپ، اۋەلگى ماقسات پەن بورىشتى ەستە بەرىك ساقتاپ، تاڭداۋلى كوممۋنيست بولۋعا قۇلشىنامىن» دەدى.

وبلىستىق قىزىلتۋ بالالار باقشاسىنىڭ وقىتۋشىسى حاي بەي: «بۇل رەتكى تاربيەلەۋ ورايىن توتەنشە قاستەرلەپ، ۇيرەنگەندى قولدانىپ، پارتيانىڭ اۋەلگى ماقساتى مەن بورىشىن ەستە ساقتاپ، وقىتۋشىلىق مىندەتىمدى ادا ەتەمىن. وقۋ - وقىتۋ قىزمەتىندە تالاپتى ادام بولۋعا باستاماشى بولىپ، پارتيا مۇشەسىنىڭ اۆانگارد ۇلگىلىك رولىن ساۋلەلەندىرىپ، قاي - قاشان دا بالالارعا كوڭىل ٴبولىپ، مىندەت پەن جاۋاپكەرلىك ارقىلى بالالاردىڭ اقاۋسىزدىعىنا، بەلسەندىلىگىنە، بولاشاعىنا، كوڭىلدى ەسەيۋىنە دەم بەرەمىن» دەدى.