فورمادا جاڭالىق اشىپ، دانەكەردى بايىتتى

قورعاس اۋدانىنىڭ پارتيا تاريحىن ۇيرەنۋ تاربيەسى جۇرت كوڭىلىنەن شىقتى

ٴتىلشىمىز شى شۋەحۇڭ قورعاس اۋدانىنان حابارلايدى. «ساقا پارتيا مۇشەسى رەتىندە مەن ەكى اۋىز ٴسوز ايتايىن». 9 - ايدىڭ 7 - كۇنى قورعاس اۋدانى كۇرە قالاشىعى يانبۇلاق قىستاعى تۇرعىندار كوميتەتىنىڭ اۋلاسىندا «باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن» ۇيرەنۋ جونىندە پىكىر اۋىستىرىپ، وي ٴبولىسۋ جينالىسى وتكىزىلىپ جاتتى، 70 جاستاعى پارتيا مۇشەسى چۇي شىحۇي قولىن كوتەرىپ جۇرەك ٴسوزىن ايتتى.

«پارتيا مۇشەلەرى باستاماشىلدىق رول اتقارۋى، ٴار ۇلت بۇقاراسىنىڭ الدىندا ٴجۇرۋى كەرەك». چۇي شىحۇي بىلاي دەدى: جاقسى باستاماشى بولىپ، ٴىس جۇزىندىك ارەكەتىممەن پارتياعا كىرۋ سەرتىن امالياتتا ايگىلەيمىن.

قىستاق تۇرعىنى گۇلجامال مامەت اسەرلەنە بىلاي دەدى: «قىستاقتىڭ كورمەسىنە قويىلعان مىنا اسپا شامدى، تاعى ٴبىرقانشا ەسكى زاتتى كەزىندە ىستەتىپ ەدىك، قازىرگى تۇرمىسىمىز وتە باردام، ٴۇي ىشىمىزبەن پارتيانىڭ ابزال ساياساتىنا العىس ايتامىز». ول وسى اراعا كەلگەندە تەبىرەنىسىن باسا الماي «بەس جۇلدىزدى قىزىل تۋ» دەگەن ٴاندى شىرقاي جونەلدى.

يانبۇلاق قىستاعى تاريحى سارايى 4 كورمە زالىنا ٴبولىنىپ، 70 نەشە سۋرەت جانە ناقتى زات ارقىلى وسى قىستاقتىڭ تاريحىن، اسىرەسە، ازاتتىقتان كەيىن يانبۇلاق قىستاعىندا تۋىلعان وراسان زور وزگەرىستەردى ايگىلەدى. قىستاق تاريحى سارايى پارتيا تاريحىن ۇيرەنۋ تاربيەسىنىڭ قاجەتىن قاناعاتتاندىرۋمەن بىرگە، كورىنىس ٴتۇيىنى رەتىندە قوعامعا اشىلىپ، قىزىل كورىنىس ٴتۇيىنى رولىن ساۋلەلەندىرىپ،ٴاركۇنى شينجياڭنىڭ ٴىشى - سىرتىنان كەلگەن ساياحاتشىلاردى باۋراۋدا.

پارتيا تاريحىن ۇيرەنۋ تاربيەسى ورىستەتىلگەننەن بەرى يانبۇلاق قىستاعىنىڭ پارتيا ياچەيكاسى «پارتيا تاريحىن ۇيرەنۋدى، يدەيانى ٴتۇسىنۋدى، ناقتى ٴىس ىستەۋدى، جاڭا جاعداي اشۋدى» ارقاۋ ەتىپ، 700 مىڭ يۋاننان استام قارجى قوسىپ، قىستاق تاريحى سارايىن جاڭادان سالىپ، قىزىل وقۋ - اعارتۋ بازاسى سىندى «جاندى وقۋلىقتان» تولىق پايدالانىپ، ويداعىداي اشىپ، قىزىل اڭگىمە ارقىلى وتانشىلدىق سۇيىسپەنشىلىكتى سەزىندىردى.

« بۇقارا ٴۇشىن ناقتى ٴىس ىستەيمىن» امالياتتىق قيمىلىن ورىستەتۋ بارىسىندا يانبۇلاق قىستاعى 600 مىڭ يۋاننان استام قارجى شىعارىپ ساياحات ونىمدەرىن مانەرلەۋ زاۆودىن قۇرىپ، قىستاق تۇرعىندارىنىڭ ىرگەدە كاسىپتەنۋىنە مۇمكىندىك جاساپ، 40 نەشە تۇرعىننىڭ جاقىن ماڭدا، سول جەردە كاسىپتەنۋىنە وراي جاراتىپ، قىستاق تۇرعىندارىنىڭ كىرىسىن ارتتىرىپ، اۋقاتتانۋ ارناسىن ۇزدىكسىز كەڭەيتتى. ورتانى كورىكتەندىرۋ، جارىقتاندىرۋ، اۋىل - قىستاق ۇلكەن ساحناسىن، سپورت الاڭىن قۇرۋ ارقىلى قىستاق تۇرعىندارىنىڭ مادەنيەت قاجەتىن ۇزدىكسىز قاناعاتتاندىردى.

تەرىسكەي الەۋمەتتىك اۋماعىندا 2 مىڭ 85 وتباسى، 6 مىڭ 105 ادام، قوسىننان شەگىنگەن 142 اسكەر بار. پارتيا تاريحىن ۇيرەنۋ تاربيەسى ورىستەتىلگەننەن بەرى تەرىسكەي الەۋمەتتىك اۋماعىنىڭ پارتيا ياچەيكاسى تۇرعىندار ەڭ كوڭىل ٴبولىپ وتىرعان، ەڭ رەال، ەڭ شۇعىل شەشۋگە ٴتيىستى ماسەلەلەردى تياناق ەتىپ، ۇساق ىستەردەن باستاپ كىرىسىپ، ۇساق ىستەردەن باستاپ يگەرىپ، الەۋمەتتىك اۋماقتا قوسىننان شەگىنگەن اسكەريلەرٴبىرشاما كوپ بولۋ ابزالدىعىن تولىق ساۋلەلەندىرىپ، «قىزىل ارميا رۋحى» قوسىننان شەگىنگەن اسكەريلەردىڭ قىزمەت وتەۋ پۋنكتىن قۇرىپ، قوسىننان شەگىنگەن اسكەريلەردىڭ ەرىكتى قىزمەت وتەۋ اترەتىن ۇيىمداستىرىپ، پارتيا قۇرىلىسى ارقىلى جەتەكشىلىك ەتۋدى، قيىنشىلىقتى شەشۋدى نەگىزگى جەلى ەتىپ، پارتيا تاريحىن ۇيرەنۋ تاربيەسىندە ناقتى ونىمدىلىككە قول جەتكىزۋدى ىلگەرىلەتتى.

تەرىسكەي الەۋمەتتىك اۋماعى پارتيا ياچەيكاسىنىڭ شۋجيى ما حۇڭمەي بىلاي دەدى: پارتيا تاريحىن ۇيرەنۋ تاربيەسىندە الەۋمەتتىك اۋماق قوسىننان شەگىنگەن اسكەريلەردىڭ ۇلگىلىك رولىن ساۋلەلەندىرىپ، قوسىننان شەگىنگەن اسكەريلەردىڭ ەرىكتى قىزمەت وتەۋ اترەتىن قۇرۋ ارقىلى بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارانىڭ قيىنشىلىعىن شەشىپ، بۇقاراعا شىنايى قىزمەت وتەدى.