نارات كورىنىس رايونىندا ساياحاتشىلارعا قىزمەت وتەۋ ورتالىعى قۇرىلدى

  • كەلۋ قاينارى: ىلە قازاق حالىق ۇكىمەت تورابى
  • 13:01:09 11/03/2014

نارات ساياحاتىنىڭ قاۋىرت مەزگىلىنىڭ كەلۋىنە ساي، كورىنىس رايونىنىڭ ساياحاتشى قابىلداۋ مولشەرى كۇننەن كۇنگە ارتتى. شىلدەنىڭ 15 - كۇنى پايدالانۋعا بەرىلگەن نارات كورىنىس رايونىنىڭ شىعىس قاقپا ساياحاتشىلارعا قىزمەت وتەۋ ورتالىعى ساياحاتشىلاردى قابىلداي باستادى.

نارات كورىنىس رايونىن باسقارۋ كوميتەتى قۇرىلىس جوبالاۋ ءبولىمىنىڭ باستىعى لي فۋرۇڭ تىلشىگە:«شىلدە ايىنىڭ 20-كۇنىنەن باستاپ كورىنىس رايونى ساياحاتتىڭ قاۋىرت مەزگىلىنە ءوتىپ، ساياحاتشىلاردىڭ كوبەيۋ جاعدايى بەلەڭ بەردى.قازىرگە دەيىن جالپى قابىلدانعان ساياحاتشى رەت سانى بويىنشا 46مىڭ 700 ادامنان اسىپ، ورتاشا ارتۋ مولشەرى ٪8 بولدى» دەدى.

شىعىس قاقپا ساياحاتشىلاردى قابىلداۋ ورتالىعىنىڭ جالپى قۇرىلىس كولەمى 10 مىڭ شارشى مەتر. ماشينا توقتاتۋ الاڭىنىڭ كولەمى9 مىڭ 600 شارشى مەتر بولىپ، 600 دەن استام اۆتوكولىكتى ءبىر ۋاقىتتا توقتاتۋعا بولادى.شىعىس قاقپا قىزمەت وتەۋ ورتالىعىنىڭ اشىلۋى باتىس قاقپا قىزمەت وتەۋ ورتالىعىنىڭ ساياحاتشى قابىلداۋداعى قىسىمىن جەڭىلدەتتى ءارى ساياحاتشىلاردىڭ 30 نەشە كيلومەترلىك جول ساپارىن قىسقارتادى.

جاۋاپتى رەداكتور: جازيرا بولاتباي قىزى