قۇلجا قالاسىنىڭ تۇڭعىش كەزەكتى قىزعالداق مادەنيەت مەرەكەسى ءساۋىردىڭ 16- كۇنى باستالادى

  • كەلۋ قاينارى: ىلە اقپارات تورابى
  • 09:48:04 08/04/2014

    كوپ جىل بويى تاجىريبە جيناۋ ارقىلى قۇلجا قالاسى ءساۋىردىڭ 16-كۇنىنەن باستاپ، ءۇش كۇندىك تۇڭعىش كەزەكتى قىزعالداق مادەنيەت مەرەكەسىن وتكىزبەكشى.

    ۇعىسۋعا قاراعاندا، قۇلجا قالاسى تۇڭعىش كەزەكتى قىزعالداق مادەنيەت مەرەكەسىن وتكىزۋ ارقىلى ىلە وبلىسى قۇرىلعاندىعىنىڭ 60 جىلدىعى قارساڭىندا قۋانىشتى، مەرەيلى، جاراسىمدى ورتا جاراتۋمەن بىرگە، حالىقتى اتتانىسقا كەلتىرىپ، بۇقارالىق مادەنيەتتىڭ جاۋھارىن قالىپتاستىرىپ، ەرەكشە مادەنيەتتىڭ دامۋىن ىلگەرىلەتىپ، جاسىل ءتۇستى، ەكولوگيالى، قورشاعان ورتاعا پايدالى، تومەن كومىر تەكتى قيمىلداردى وتكىزۋ ارقىلى قۇلجا قالاسىنىڭ ۇزاق تاريحي مادەنيەتىن، الۋان ءتۇرلى ۇلتتىق سالت _ ساناسىن ايگىلەپ جانە كوركەم تابيعات كورىنىسىن كورسەتىپ، قۇلجا قالاسىن دابىرالى ۇگىتتەپ جانە تانىستىرىپ، «جىبەك جولىنداعى گۇل قالا _ كوركەم قۇلجانىڭ» اتاعىن اسپانداتىپ، ىقپالىن جوعارىلاتپاقشى.

    سوڭعى جىلداردان بەرى قۇلجا قالاسى قىزعالداق مايساسىن ەنگىزىپ، كوكتەمدە قالانىڭ كوشەلەرىنە قىزعالداق ەگەتىن بولدى. تۇڭعىش كەزەكتى قىزعالداق مادەنيەت مەرەكەسىن اشۋ قارساڭىندا، جۇزدەن استام سورتتاعى ءبىر ميلليون ءتۇپ قىزعالداق چيساي الاڭىندا، حالىق باقشاسىندا، قۇلجا شەكارالىق ەكونوميكالىق سەلبەستىك رايونىنا جانە قالانىڭ ءارقايسى كوشەلەرىنە ەگىلەدى. بارلىق قىزعالداقتاردىڭ تۇسىندىرمە تاقتاسى ورناتىلىپ، وعان سورتى، شىققان جەرى، ەرەكشەلىگى جانە اعىلشىنشا اتالۋى جازىلادى.

    ۇعىسۋعا قاراعاندا، قىزعالداق كورمەسىن مادەنيەت مەرەكەسى دەپ اتاۋداعى سەبەپ، مۇندا بۇقارا قاتىناساتىن ءار الۋان مادەني، دەنەتاربيە قيمىلدار قامتىلادى. ءۇش كۇندىك مادەنيەت مەرەكەسىندە، مىڭ ادام ۆەلەسيپەدپەن وزەن جاعالاۋىن ارالاۋ؛ ىلە وزەنى جاعالاۋىنىڭ كورىنىس داڭعىلىنداعى ورتا، باستاۋىش وقۋشىلارىنىڭ سۋرەت كورمەسى؛ چيساي الاڭىندا جاياۋ ءجۇرۋ قيمىلى جانە باتپىراۋىق ۇشىرۋ جارىسى؛ حالىق باقشاسىندا «نەگىزگى ساتىدامىن» اتىنداعى پارتيانىڭ بۇقارالىق لۋشيان تاربيە امالياتتىق قيمىلىنىڭ فوتو سۋرەت كورمەسى، گۇل كەستە كورمەسى، مايداندا ويىن قويۋ جانە بۇقارالىق قيمىلدار؛ حانبيڭ باقشاسىندا «كوركەم قۇلجا» الەۋمەتتىك اۋماق ساحناسى جانە دوڭگەلەكتى كونكيمەن سىرعاناۋ جارىسى وتكىزىلەدى ەكەن.

    اۋدارعان: جازيرا بولاتباي قىزى

جاۋاپتى رەداكتور: جازيرا بولاتباي قىزى