نىلقى اۋدانىنىڭ سازداۋىت وڭىرىندەگى بايىرعى تەرەك ورمان كورىنىس رايونى مەملەكەتتىك 4A دارەجەلى كورىنىس رايونىنىڭ ءبىرى بولىپ بەلگىلەندى

  • كەلۋ قاينارى: حالىق تورابى
  • 09:23:56 23/05/2014

    ەركىنبەك وكەن ۇلى حابارلايدى. جۇڭگونىڭ باتىسىنداعى ەڭ كولەمدى تابيعي ساقتالعان، كەمەلدى قورعالعان جالپى اۋماعى 213 مىڭ مۋ كەلەتىن نىلقى اۋدانىنىڭ سازداۋىت وڭىرىندەگى ەكولوگيالىق تابيعي تەرەك كورىنىس رايونى تاياۋدا مەملەكەتتىك ساياحات مەكەمەسى جاعىنان سارالانىپ، توراپتا 4A دارەجەلى مەملەكەتتىك كورىنىس رايونى بولىپ جاريالاندى.

    سازداۋىت وڭىردەگى بايىرعى تەرەك ورمانى كورىنىس رايونىندا بايىرعى تەرەك ءتۇرى كوپ، سانى مول، اۋاسى تازا، جابايى حايۋاناتتار ءتۇرى مول، قاس وزەنى جاناي اعىپ، كورگەن ادامعا تابيعات ءلاززاتىن باعىشتايتىن كوركەمدىگىنەن ۇتىمدى پايدالانعان نىلقى اۋدانى جۋىق جىلداردان بەرى ەكولوگيالى ساياحات ماركاسىن جاراتۋدى كوزدە ۇستاپ، تابيعي كورىنىس رايونىن قورعاۋ تەبىنىن كۇشەيتتى. 2012-جىلى جەلتوقسان ايىنان بەرى، جيىنى 54 ميلليون 200 مىڭ يۋان قارجى قوسىپ، كورىنىس رايون تابيعيلىعىن ساقتاۋ سايكەستى قۇرىلعىلارىن كەمەلدەندىردى. 10 كيلومەتر جەرگە اعاش تاقتايىن جاتقىزىپ كورىنىس تاماشالايتىن اعاش جول جاسادى. اعاش ءۇي سامالدىعىن جاساپ، ەلەكترلى موتوتسيكلمەن ساياحاتتاۋ گۇل كورىنىس رايونى، تۇڭعيىق گۇل كولشىگى، ورتانى قورعاۋ قوقسىق ساندىعى سياقتى الەۋمەتتىك قۇرىلعى - قۇرىلىستارىن كەمەلدەندىرىپ، كورىنىسى كوركەم دەمالۋعا جايلى ساياحات كورىنىس رايونىن قۇردى.

    ۇعسۋعا قاراعاندا، بيىل نىلقى اۋدانى تاڭبالى قارا اراسى باقشا رايونى، جىرىنتاي سۋ ەلەكتر ستانسياسى سياقتى ساياحات ورىندارىن 4A دارەجەلى كورىنىس رايونىنا جولداۋمەن بىرگە، اۋداندىق ساياحات مەكەمەسى ساياحات كورىنىس رايونىنىڭ دارەجەسىن ايىرۋ، باعالاۋ، مەملەكەتتىك ولشەمدى باسقارۋ ادىسىنە ساي، كورىنىس رايونى ىشىندەگى ساياحات كولىگى، ساياحات حاۋىپسىزدىگى، تازالىق، پوچتا - تەلەگراف كاسىبىنىڭ قىزمەت وتەۋى، ساياحات بۇيىمى، تيجاراتتى باسقارۋ، ساياحات بايلىعىن قورعاۋ سياقتى جاقتاردان قاتىستى ەرەجە - ءتۇزىمدى كەمەلدەندىرىپ، كورىنىس رايونى مەن ساياحاتشىلاردىڭ زاڭدى ۇقىق - مۇددەسىن قورعاپ، مەملەكەتتىڭ ساياحات بايلىعىن اشىپ پايدالانۋدى جۇيەلەندىرىپ، ەكولوگيالىق ورتاسىن ءونىمدى قورعاۋعا كەپىلدىك ەتكەن.

جاۋاپتى رەداكتور: بەرىك وقاباي ۇلى