كيىم - كەشەك مادەنيەتىنىڭ ساپاسىن جوعارىلاتىپ، سالتاناتىن اسىرايىق

  • كەلۋ قاينارى: ىلە كەشى گازەتى
  • 02:10:32 23/06/2014

    

    ايشا نۇريمان قىزى

    

    قازاق ۇلتىنىڭ تاريحى ۇزاق، مادەنيەتى شۇعىلالى بولىپ، سان عاسىرلار بويى جالعاسىپ كەلە جاتقان كيىم- كەشەك قولونەر تۇرلەرى ءوز جاسامپازدىعىن ايگىلەپ، ساپالى دا كورىكتىلىگىمەن كوز تارتىپ، قازاقتىڭ كيىم- كەشەك مادەنيەتىنىڭ دامۋ دەڭگەيىن كۇللى الەمگە ايگىلەپ كەلەدى.

    قازاق ۇلتىنىڭ سالتاناتىن اسىرعان كيىم- كەشەك مادەنيەتى ەستەتيكالىق تالعام ارقىلى تاپقىرلانىپ، ءوز بوگەنايىن بولەكشە كورسەتكەن جاسامپازدىق سانالادى.

    قازاق حالىقىنىڭ ءتۇپ توركىنى ەسەپتەلەتىن ءۇيسىن، قاڭلى، الاندار سان تاراۋ تاريحىندا ادامزات قوعامىنىڭ وركەنيەتى مەن دامۋىنا ولشەۋسىز ۇلەس قوستى. وسىعان بايلانىستى جاراتىلستىق، جاعىراپيالىق ورتاعا قاراي اقىل- پاراساتتىڭ جاۋھارى بولعان كيىم - كەشەك مادەنيەتىنە جاسامپازدىقتار ەنگىزىلىپ، ۇلتتىق ءداستۇرلى مۇرانىڭ 56 ۇلتتان قۇرالعان جۇڭحۋانىڭ ۇلتتىق كيىم مادەنيەتى قامباسىنا ورەلى ۇلەس بولىپ قوسىلعانى جانە دە راس.

    قازاق كيىمدەرىنىڭ ۇلگىسى، ويۋ - ورنەك، ءتۇس بوياۋلارى داۋىرلىك ەرەكشەلىكتى كورسەتىپ بەرۋدەن تىس، وڭىرلىك، رۋلىق ەرەكشەلىگىنە نەگىزدەلىپ، تاريحي ەتنوگرافيالىق، فولكلورلىق دەرەكتەرىمەن دە دارالانىپ جۇرت جۇرەگىنەن ورىن الىپ كەلەدى. ايتالىق، تاس قۇرالدارى داۋىرىندە - اق تابيعي وڭىرلەردە، جارتاس قۋىستارىن پانالاپ، اعاش بۇتاقتارىمەن، شوپتەن، قامىستان لاشىق جاساپ، كەندىردەن، اعاش جاپىراقتارىنان شاتىپ بايلاستىرىپ ۇستىلەرىنە لىپا ءىلىپ، جالاڭاش دەنەلەرىن جاسىرا بىلگەن.

    تاس قۇرالدارى ءداۋىرىنىڭ سوڭىنا الا، ادامدار قولعا ۇيرەتكەن مال جۇنىنەن، اڭ تەرىلەرىنەن، جابايى وسىمدىكتەردىڭ جاپىراق-قابىقتارىنان پايدالانۋدىڭ جولىن تاۋىپ، حايۋاناتتاردىڭ ىشەك، تارامىسىنان ءجىپ جاساپ، سۇيەكتەرىنەن ينە- تەبەن جاساپ، كيىم توقىپ، ەتەك - جەڭدى كيىم، باستارىنا بۇركەنشىك، اياقتارىنا شاقاي توقىپ كيىپ، بۇكىل دەنەسىن جاسىراتىن كيىم كيىنگەن.

جاۋاپتى رەداكتور: گۇلدەن ماقسات قىزى