كيىم - كەشەك مادەنيەتىنىڭ ساپاسىن جوعارىلاتىپ، سالتاناتىن اسىرايىق

  • كەلۋ قاينارى: ىلە كەشى گازەتى
  • 02:10:32 23/06/2014

    بۇگىنگى كۇنى ۇلتىمىزدىڭ عاسىرلار بويى جالعاسىپ، بۇگىنگە جەتكەن كيىم – كەشەك مادەنيەتىنىڭ دامۋى، گۇلدەنىپ – كوركەيۋى بيىك بەلەستەرگە كوتەرىلدى. بۇل شەبەرلەرىمىزدىڭ وسى زامانعى مادەنيەت كوزقاراسىن، قۇن كوزقاراسىن ورناتىپ، سالىستىرما ارقىلى پارىقتى تاۋىپ، ءوزارا باسەكەلەسۋ، تاجىريبە الماستىرۋ، وزىق ونەرلەرىن كورسەتۋ ارقىلى قول ونەركاسىپ يەلەرىنىڭ ەلەۋلى ەڭبەكتەرىنىڭ سارا تۋىندىسى، ماۋەلى جەمىس ناتيجەسى كورنەكىلەنۋدە. سونىمەن بىرگە مۇنى ءار دارەجەلى پارتيا - ۇكىمەتتىڭ ءتيىمدى ساياساتىنىڭ قولداۋ كورسەتۋى مەن دەمەۋىنەن دە بولە قاراۋعا بولمايدى.

    بۇل كۇندەرى، ءساندى ساحارادا الدە تياترحانا ساحىنالارىندا بولسىن، ۇلتتىق كيىم كيۋ سالتقا اينالدى. جاڭا زامانعا ۇيلەسىمدى، تۇرمىسقا سايكەسىمدى، ءساندى دە جاراسىمدى كيىمدەر جارىققا شىعا باستادى.

    قازاق ۇلتىنىڭ كيىمدەرى قانشاما شەبەرلىكپەن ۇشتاستىرىلىپ، كوركەم ورنەكتەلىپ تىگىلگەن دەپ باسقا ۇلتتار دا تاڭدانا، تامسانا، كوز تىگە قارايدى. مۇندا، كيىمدەگى ۇلتتىق ءتۇستىڭ مازمۇنى، ورنەگىنىڭ كوركەمدىك ءپىشىنى، گۇلدىڭ قيسىندى ورنالاسۋى، جىبەك – جىپتەردىڭ رەڭمەن سايكەسۋى، جىنىسىنا، جاسىنا قاراي جاراسىمدى تارتىمدىلعى، كيىم ۇلگىسى، جاڭا زامانعا ۇيلەسىمدىلىگى، ت. ب جالپى تۇلعالىق جاعىنان تولىمدى بوپ، مەنمۇندالاپ، اسەمدىگىمەن اسا ايشىقتى كورىنەدى.

    شىركىن- اي! ۇلتىمىزدىڭ كيىم ۇلگىلەرى نەتكەن ەرەن، تاماشا ەدى دەپ كوڭىلىمىزدى ماقتانىش سەزىمى كەرنەگەندە قۋانباي تۇرا المايمىز. سولايدا ءىشىنارا ءبىز كورنەكتىلەندىرىپ ۇلگىرە الماعان كيىم ۇلگىلەرىن باسقالاردىڭ دا مالدانىپ جۇرگەنى دە جانىمىزعا تۇسكەن ءبىر كىرەۋكە.

    ءبىز جەتىستىكتەرگە قول جەتكىزگەن بولساق تا ولقىلىقتارىمىز دا جوق ەمەس. ءار قانداي ارتىقشىلىق بارىسىندا كەمىستىكتى دە تولىقتاۋعا بولاتىنىن بىلمەسەك بولا ما.

جاۋاپتى رەداكتور: گۇلدەن ماقسات قىزى