كيىم - كەشەك مادەنيەتىنىڭ ساپاسىن جوعارىلاتىپ، سالتاناتىن اسىرايىق

  • كەلۋ قاينارى: ىلە كەشى گازەتى
  • 02:10:32 23/06/2014

    « كوش جۇرە تۇزەلەدى» دەگەندەي، قاتارعا قاراپ بىرتە – بىرتە تۇزەلەتىنى دە راس. سولايدا قازىرگى زامانعى كيىم ۇلگىلەرىمىزدىڭ ۇلگى فورماسى، تىگىلۋ ساپاسى دەرلىكتەي ەمەس. مىسالى، شاپان - تونداردىڭ ورنەگىن باتپيتىپ، شاپانداردىڭ ەتەگى شيراتىلىپ ەسىلىپ ماتانىڭ تۇگى شىعىپ نەمەسە قيسىق- قىڭىر مۇيىزدەلىپ، ىڭعاي ءبىر ءتۇرلى ءجىپ، ءبىر ءتۇرلى ورنەكتە تىگىلىپ، شاپانداردىڭ جاعاسى جايلاۋىنا كەتىپ، يىعى سالبىراپ، ەتەگى سالاقتاپ، بەل – مىقىنى ءتۇپ – ءتۇزۋ داعار سەكىلدەنىپ، كامزولداردىڭ دا ورنەگى ءبىر ىڭعاي باتتاستىرىلىپ تىگىلىپ، ەتەگى كەتىلىپ، ءجىبى سەتىلىپ، كويلەگىنىڭ ەتەگى جىرىمدالىپ، ويۋ – ورنەگى ۇركىپ تۇرعانىن كورىپ تە ءجۇرمىز. تىگىلگەن زاتتىڭ قۇنىندا تولىمسىزدىقتار بايقالىپ، شاپانداردىڭ ەتەگى شيراتىلىپ ەسىلىپ، ماتاسىنىڭ تۇگى قىرىلعان، ساپاسى ناشار كيىمدەرى دە كەيبىر شەبەرحانالاردان ۇشىراتامىز.

    مۇنداي ولاقتىق كيىم – كەشەك تىگۋدەگى ۇلتتىق ساپامىزعا ساياتىن ءىس ەكەندىگىن ويلاپ كوردىڭىزدەر مە ءارى بۇل الارماندارعا دا زيان. تۇتىنۋشىلار بىرەر تويعا كيەدى دە، لاقتىرىپ تاستايدى نەمەسە قولدان – قولعا ءوتىپ قىدىرما كيىمگە اينالادى. بۇعان دا قانشالاعان كوز مايلارىڭىز، ەڭبەكتەرىڭىز ەش كەتتى. ەندەشە، وسىزامان مادەنيەتىنە دە سايكەستىرە وتىرىپ، قازاقشا كيىمگە تابيعي تۋىنداعان ۇلتتىق بوياۋ بەرگەندە قانداي تاماشا.

    ءيا، ۇزاق تاريحي دامۋ بارىسىندا ۇلتتىق سالت -ءداستۇرلى كيىم مادەنيەتىمىزدىڭ ۇزدىكسىز جيناقتالۋى جانە سۇرىپتالۋى، قوعامدىق فورماتسياداعى مادەنيەتتىڭ تۇرلەنۋى، قۇرالۋى، قوعامدىق دامۋى وركەنيەتتىڭ ءورىس الۋىنا سارا جول اشىپ كەلەدى جانە تاڭداۋلى ءداستۇرلى ۇلتتىق مادەنيەتىمىز قالىپتاستى. مۇنىڭ ءوزى ۇلتىمىزدىڭ كيىم - كەشەك مادەنيەتىنىڭ فورماسى جاڭالانىپ، مازمۇنى بايي تۇسكەنىنىڭ بەلگىسى. بۇعان كيىم تىگەتىن شەبەر ىسمەرلەرىمىزدىڭ اقىلدىق تانىم ارقىلى تاپقىرلىق جاراتىپ وتىرعاندىعى ايداي كۋا.

جاۋاپتى رەداكتور: گۇلدەن ماقسات قىزى