وقۋشى قابىلداۋ قىزمەتكەرىنىڭ اتىن جامىلىپ باسقالاردان 26 مىڭ يۋان الداپ الدى

  • كەلۋ قاينارى: ىلە كەشى گازەتى
  • 04:16:35 08/07/2014

    بەك xx اۆتونوميالى رايوندىق وقۋ -اعارتۋ مەڭگەرمەسىنىڭ وقۋشى قابىلداۋ كەڭسەسىنىڭ قىزمەتكەرى اتىن جامىلىپ، مەملەكەت جاعىنان ءبىرتۇتاس بەرىلەتىن ۋنيۆەرسيتەت ءبىتىرۋ كۋالىگىن بىتىرەمىن دەپ الدامكوستىك قىلمىسىن وتكىزىپ، جاقىندا كۇنەس اۋداندىق قوعام حاۋىپسىزدىگى مەكەمەسى جاعىنان قولعا الىندى.

    بەك xx سانجى وبلىسى ماناس اۋدانىنان، تۇراقتى كاسىبى جوق. 2008-جىلى كۇنەس اۋدانىنداعى دوسىنىڭ ۇيىنە كەلىپ، ءوزىن اۆتونوميالى رايوندىق وقۋ -اعارتۋ مەڭگەرمەسىنىڭ وقۋشى قابىلداۋ كەڭسەسىنىڭ قىزمەتكەرى دەپ تانىستىرىپ، باسقالاردىڭ اقشا جۇمساپ ۋنيۆەرسيتەت ءبىتىرۋ كۋالىگىن بىتىرۋىنە كومەكتەسەتىنىن، وقۋ تاريحى مەن كۋالىك ينفورماتسياسىن توردان تەكسەرۋگە بولاتىنىنا ۋادە بەرەدى، تەك بەلگىلى مولشەردە اقشا جانە سۋرەت، ازاماتتىق كۋالىكتىڭ كوبەيتىلگەن نۇسقاسىن تاپسىرسا بولدى بىتىرە الاتىنىن ايتادى. سوڭىنان ول كۇنەستەگى دوسى را xx جانە باسقا ءۇش ادامنان 26 مىڭ يۋان الىپ، ەكى دانا شينجياڭ ۋنيۆەرسيتەتىنىڭ جوعارى تەحنيكۋم ءبىتىرۋ كۋالىگى جانە ەكى دانا شينجياڭ پەداگوگيكا ۋنيۆەرسەتىنڭ تولىق كۋرس ءبىتىرۋ كۋالىگىن ولارعا بەرەدى. ءتورت زياندالۋشى كۋالىكتى العاننان كەيىن كۋالىكتەگى جالعان تور ادرەسىنە شىعپ تەكسەرگەندە، شىنىندا جەكە ارحىپ ينفورماتسياسى شىعادى، الايدا ءبىر جىلدان كەيىن، زياندالۋشى تاعى دا وسى تور ادرەسىن ىزدەگەندە تور ادرەسى تابىلمايدى. سوڭىنان زياندالۋشى ساقشىعا دەلونى مالىمدەيدى.

    قازىر الداپ العان اقشا بۇكىلدەي زياندالۋشىلارعا قايتارىلدى، دەلو ىشكەرىلەي تەكسەرىلۋدە.

    قالينۇر بەلدەنبەك ۇلى

جاۋاپتى رەداكتور: بەرىك وقاباي ۇلى