نارات كورىنىس رايونىندا WIFI جالپىلاستى

  • كەلۋ قاينارى: ىلە كەشى گازەتى
  • 03:25:00 22/07/2014

    نارات كورىنىس رايونى مەملەكەتتىك 5A دارەجەلى كورىنىس رايونىنا اينالۋىنا ىلەسە، نارات كورىنىس رايونى جارىقتىق تالشىق توراپ قۇرىلىسىن جەرلىك كورىنىس رايونىندا جالپىلاستىرىپ، سىمسىز توراپ قامتىلىمىن جۇزەگە اسىردى.

    سىمسىز توراپتىڭ جۇزەگە اسۋى ناراتقا ساياحاتتاي كەلگەندەرگە توراپتان ەركىن پايدالانا الۋ ورايىنا يە ەتۋمەن بىرگە سىمسىز توراپ ارقىلى كورىنىس رايونىنىڭ نەگىزگى تۇيىندەرىن ۇعىسۋىنا قولايلىلىق تۋدىردى. كەزەكتە نارات كورىنىس رايونىنىڭ سىمسىز توراپ قامتىلىمى نەگىزىنەن G3 ،WIFI سىمسز تورابى جانە جالپى جارىقتىق تالشىق تورابى سىندى ءۇش بولەكتەن قۇرالادى. سىمسىز توراپتىڭ جالپىلاسۋى الەۋمەتتىك توراپ قىزمەت وتەۋ ساپاسىن ءونىمدى جوعارىلاتۋمەن بىرگە، نارات كورىنىس رايونىنا ساياحاتتاي كەلگەندەردىڭ تاماقتانۋ، تۇرارجاي، قاتىناس، ساياحات سىندى ينفورماتسيالاردى ۇعىسۋىنا تيىمدىلىك اكەلدى.

    ساياحاتشى شاۋيان: مەنىڭ قولفونىمنىڭ ءنومىرى ىشكى ولكەنىكى، مۇندا G 3 سيگنالى وتە جاقسى بولۋمەن بىرگە توراپ قارقىنى دا تەز ەكەن، ءتىپتى ىشكى ولكەدەگى ساباقتاستارىم دا بۇل ارانىڭ كورىنىسىن كورىپ شينجياڭ ەرەكشە كوركەم جەر ەكەنىن ايتىپ ماقتاستى، – دەدى.

    نارات كورىنىس رايونى بازار اشۋ كەڭسەسىنىڭ مەڭگەرۋشىسى چىحۋا: كەزەكتە نارات كورىنىس رايونى سىمسىز WIFIدى جالپىلاستىرۋدى جۇزەگە اسىردى. بۇل ساياحاتشىلاردىڭ سىمسىز WIFI دان يگىلىكتەنۋىنە قولايلىلىق اكەلدى. مۇنىمەن كورىنىس رايونىنداعى ءبىر ءبولىم ساياحات كاسىپورىندارى، مىسالى ساحارا دەمالىس ورنى، كەڭىستىك ساحاراسى جانە رەستۋرانداردا دا سىمسىز WIFI قىزمەت وتەۋىن جۇرگىزەدى، بۇل ساياحاتشىلارعا اناعۇرلىم كوپ قولايلىلىقتار جاساپ، ناراتتىڭ كوركەم كورىنىسىن كوپشىلىك ۇنحات، ميكرو بلوگ ارقىلى كوپتەگەن ساياحاتشىعا تانىستىرا الادى – دەدى.

    قالينۇر بەلدەنبەك ۇلى

جاۋاپتى رەداكتور: بەرىك وقاباي ۇلى