مالدى مەكەن، ءساندى مەكەن، بالدى مەكەن − نىلقى

  • كەلۋ قاينارى: ءتاڭىرتاۋ تورابى
  • 02:23:24 11/08/2014

    اۋدان جايلىمدى قورعاۋ تەبىنىن كۇشەيتىپ، 250 مىڭ مۋلىق جايلىمعا مال باعۋدى شەكتەپ، 8 ميلليون 858 مىڭ مۋ جايلىمنىڭ تۇياق كەستى بولۋىنىڭ الدىن الدى. اۋداننىڭ نەگىزگى احۋالىنان اڭگىمە وربىتكەن اۋدان اكىمى نۇركال قاناپ ۇلى مال شارۋاشىلىعى اۋدان ەكونوميكاسىنىڭ تىرەگى ەكەنىن ايتا كەلىپ بىلاي دەدى: اۋدانىمىز مال شارۋاشىلىعىن نەگىزگى شارۋاشىلىق كوزى ەتىپ كەلەدى. مال شارۋاشىلىعى اۋدانىمىزدىڭ جالپى شارۋاشىلىعىنىڭ %60ىن ۇستايدى، سوندىقتان ءبىز ءاردايىم مال شارۋاشىلىققا بولعان ۇسىنىلىمدى ارتتىرىپ، مالشىلارىمىزدىڭ كىرىسىن جوعارىلاتۋدى كوزدە ۇستاپ كەلەمىز. مال شارۋاشىلىعىن دامىتۋدىڭ باستى ءتاسىلى مال ءناسىلىن جاقسارتۋ، اۋدانىمىز ىلە جىلقىسىن، شينجياڭ قوڭىر سيىرىن، ىلە قازاق ەتتى قويىن ءوسىرىپ كەلە جاتقانىنا تالاي جىلدىڭ ءجۇزى بولدى، قازىرگى كۇندە اۋدانداعى جالپى مال سانىنىڭ %64ى ءناسىلدى مال ەسەپتەلەدى، ءتىپتى، كەي وڭىرلەرىمىزدە مالدىڭ ناسىلدەنۋ سالىستىرماسى %70تەن استى. ءبىز بىلتىردان بەرى 10 مىڭ مۋ جەرگە مال شارۋاشىلىعىنان ۇلگى كورسەتۋ بازاسىن قۇرىپ، بازاداعى ىلە قازاق ەتتى قويىنىڭ سانىن 5000عا جەتكىزدىك. سونىمەن قاتار اۋدانىمىز 10 مىڭ مۋ جەرگە ەگىنشىلىكتەن ۇلگى كورسەتۋ باقشاسىن قۇرىپ، ءبيداي، جۇگەرى داقىلدارىن مولىنان ءوسىرىپ، ەگىن شارۋاشىلىعى مەن مال شارۋاشىلىعىن سايكەستى دامۋىنا جول اشتىق.

    كوركى كوز سۇرىندىرەتىن تاڭبالى، اقتاس سياقتى جايلاۋى، جىرىنتاي سياقتى سۋ قويماسى، قالپى بۇزىلماعان بايىرعى ورمان سازدىعى بار قۇلپىرعان نىلقى قازىرگى كۇندە جان بالاسى قىزىعاتىن جاسىل القاپقا اينالىپ، ەل - ءىشى سىرتىنداعى ساياحاتشىلاردى قاتتى قىزىقتىرىپ كەلەدى. اۋدان تاڭبالى 100 شاقىرىمدىق كورىنىس ءوڭىرىن قالىپتاستىرۋدى ماقسات ساناپ، ساياحات كاسىبىن حالىقتى اۋقاتتاندىراتىن كاسىپ ەتىپ قۇرىپ شىعۋعا قۇلشىنا كىرىستى. كورىنىس ءوڭىرىنىڭ نەگىزدىك قۇرىلعىلارىنا قارجى قوسۋدىڭ سەرپىنىن ارتتىرىپ، مادەنيەت ساياحات كاسىپ باقشاسى جانە بال ارا شاعىن قالاشىعى قۇرىلىسىنىڭ جۇمىسىن قاۋىرت باستاپ كەتتى. شارۋالاردىڭ وتباسىلىق ونىمدەرىن ساياحات ساۋدا ونىمدەرىنە، شارۋالار وتباسىن ساياحاتشىلار قوناق ۇيىنە اينالدىرىپ، ءار ۇلت بۇقاراسىن ساياحات كاسىبىمەن شۇعىلدانىپ قازىنا قۇراۋعا، ساياحاتتان يگىلىكتەنۋگە شابىتتاندىردى. وسى زامانعى قىزمەت وتەۋ كاسىبىن جەدەل دامىتىپ، ۇلتتىق ەرەكشەلىككە يە اس - سۋ تۇرلەرىن مولايتىپ، قىزمەت وتەۋ كاسىبىنىڭ دامۋ قارقىنىن ىلگەرىلەتتى. سۇپتاي، كىلەڭ، كوكقۇتقىر اۋىلى جانە ارا فەرماسى سىندى 4 ورىنداعى اس - سۋ كوشەسىن (رايونىن) جاپپاي ەرەكشەلەندىرىپ، شارۋاشىلىق رايوندارىنداعى ەكولوگيالىق ساياحاتتى جانداندىردى.

جاۋاپتى رەداكتور: بەرىك وقاباي ۇلى