مالدى مەكەن، ءساندى مەكەن، بالدى مەكەن − نىلقى

  • كەلۋ قاينارى: ءتاڭىرتاۋ تورابى
  • 02:23:24 11/08/2014

    سونىمەن بىرگە، بۇل اۋدان مىندەتتى وقۋ - اعارتۋدىڭ بىركەلكى دامۋىن ورنىقتى ىلگەرىلەتىپ، وقۋ - وقىتۋ ساپاسىن اناعۇرلىم جوعارىلاتتى. 75 ميلليون 960 مىڭ يۋان قارجى قوسىپ، مىندەتتى وقۋ - اعارتۋ ساتىسىنداعى اۋىل - قىستاق جاتاقتى مەكتەبىن وزگەرتىپ سالۋ جانە وقىتۋشىلاردىڭ ۋاقىتتىق جاتاعى قاتارلى ءتۇيىندى نىسانداردى ءتارتىپتى ىلگەرىلەتتى. تولىق ورتا ساتىسىنداعى وقۋشىلاردى اقىسىز وقىتۋ نىساناسىن ىلە قازاق اۆتونوميالى وبلىسى بويىنشا، ەڭ الدىمەن جۇزەگە اسىردى. 310 ميلليون يۋان قارجى قوسىپ، نىلقى - ۋجين جوعارى دارەجەلى ورتا مەكتەبى مەن وزەن اۋىلدىق ورتا مەكتەبىنىڭ شاڭىراعىن ىركەس - تىركەس كوتەردى. اۋىل - قىستاقتاعى وتباسىندا ەكونوميكالىق قيىنشىلىعى بار، جاتاقتا جاتىپ وقيتىن وقۋشىلارعا ءار جىلى ميلليون يۋاننان استام قوسىمشا قاراجات تاراتىپ وتىردى.

    نىلقى اۋدانىنداعى قاس وزەنىن جاعالاپ، ساي اڭعارىن ساعالاپ وسكەن ءيت تۇمسىعى وتپەيتىن تابيعي ورمان ۇزىندىعى 200 كيلومەترگە سوزىلاتىن، كولەمى 270 مىڭ مۋ جەردى الىپ جاتقان الىپ ورمان، بۇل ورمان نىلقى الابىنىڭ جاسىل جاقۇتى، وتتەگى قامباسى ىسپەتتى، نىلقىنى اينالا قورشاپ جاتقان ورمان سازدىعىنداعى بايتەرەك كورىنىس رايونى جۇڭگونىڭ باتىس بولەگىندەگى ەڭ جاقسى قورعالعان ەكولوگيالىق ورتا ەسەپتەلەدى ەكەن، جىنىس ورماننىڭ ورتاسىن قاق جارىپ قاس وزەنى سىلدىراپ اعىپ جاتسا، ىلە وڭىرىندەگى قايماعى بۇزىلماعان وسىناۋ نۋلى ورمان اراسىنا قاۋلاپ وسكەن قاراقات، دولانا، توشالا سياقتى جەمىس اعاشتارى كوزدىڭ جاۋىن الىپ، تاڭدايدى تامسانتادى. وتكەن عاسىردىڭ 70 - جىلدارىندا وسى ءبىر تابيعي ورمان القابى ادامدار جاعىنان «تالان - تاراجىلاۋعا» ۇشىراپ، اعاشى كەسىلىپ، اڭدارى جوسىپتى. وتكەن عاسىردىڭ 90 - جىلدارىنىڭ ورتا شەنىنەن باستاپ بۇل ورمان اۋداندىق پارتكوم مەن ۇكىمەت جاعىنان ارنايى قورعاۋعا الىندى، ورمان قورعاۋ تاراۋلارى ورمان ىشىندەگى اعاشتاردى وتاۋعا، اڭ - قۇستاردى اۋلاۋعا قاتاڭ تيىم سالىپ، ۇلى ورماندى ۇلىنداي قورعادى.

جاۋاپتى رەداكتور: بەرىك وقاباي ۇلى