مالدى مەكەن، ءساندى مەكەن، بالدى مەكەن − نىلقى

  • كەلۋ قاينارى: ءتاڭىرتاۋ تورابى
  • 02:23:24 11/08/2014

    جۋىق جىلداردان بەرى بال فەرماسى شينجياڭ قوڭىر ارا بال ونىمدەرىنىڭ جارقىن بازار بولاشاعىن كوزدە ۇستاپ، بال مانەرلەۋشى كاسىپورىندارمەن سايكەسە وتىرىپ قوڭىر ارا شارۋاشىلىعىنىڭ كاسىپ تىزبەگىن ۇزارتىپ، العاشقى ادىمدا بەلگىلى ناتيجەلەرگە قول جەتكىزدى. 2013 - جىلى فەرماداعى ارا ءۇيىرىنىڭ سانى 21 مىڭعا، ارا باعۋمەن اينالىسقان وتباسىلاردىڭ سانى 85كە جەتىپ، جىلدىق بال ءونىم مولشەرى 450 توننا، گۇل توزاڭى 16 توننا بولىپ، بال شارۋاشىلىعىنىڭ ءونىم قۇنى 23 ميلليون يۋانعا جەتىپ، ومارتاشىلاردىڭ ادام باسىنا تۋرا كەلەتىن ورتاشا تازا كىرىسى 20 مىڭ يۋاننان استى. 2010 - جىلى قازان ايىندا اۋداندىق پارتكوم مەن ۇكىمەت پارمەندى نۇسقاۋ بەرىپ بال فەرماسىنداعى شينجياڭ قوڭىر اراسىن قورعاۋ سەنترلى رايونىنا 50 ميلليون يۋان قارجى قوسىپ، سول ارادان جەر كولەمى 200 مۋلىق تيانشان قوڭىر ارا شارۋاشىلىق ەكولوگيالىق باقشاسىن قۇردى. بۇل جەردە شينجياڭ قوڭىر ارا بال ونىمدەرى مولىنان وندىرىلەدى جانە شينجياڭ قوڭىر ارا باعىمشىلىعىنان ۇلگى كورسەتىلەدى ءارى بۇل ەكولوگيالىق باقشا شينجياڭ قوڭىر ارا بال ونىمدەرىنىڭ ۇگىتتەۋ بازاسى، ساياحات جانە زات ساتىپ الۋ ءبىر تۇلعالانعان بال شارۋاشىلىق باقشاسى ەسەپتەلەدى. جالپى 8 ميلليون 690 مىڭ مال - مۇلكى بار بال فەرماسىنداعى قوڭىر ارا كاسىپتىڭ شەكتەۋلى جاۋاپكەرشىلىك سەرىكتەستىگى بال ونىمدەرىن ءوندىرۋدىڭ ەڭ وزىق ورنى، سەرىكتەستىك كۇنىنە 5 توننا بالدى ءبىر جايلى ەتەدى، بالدىڭ جەلىلەس ونىمدەرىنەن كۇنىنە 1000 تونناسىن جاساپ، بازارعا سالادى. بۇل سەرىكتەستىكتىڭ «تاڭبالى قوڭىر ارا بالى» سياقتى 20دان استام ايگىلى بال ونىمدەرى بار، بال شارۋاشىلىعىن اۋداننىڭ نەگىزگى شارۋاشىلىعىنىڭ ءبىرى رەتىندە كوزدە ۇستاعان اۋدان 2012 - جىلى نىلقى تۇڭعىش كەزەكتى جۇڭگو شينجياڭ «ءشاربات نىلقى» بال ساياحات مەرەكەسىن جانە تۇڭعىش كەزەكتى شينجياڭ قوڭىر ارا شارۋاشىلىعىن دامىتۋ تالقى مىنبەرىن وتكىزىپ، بال اراسىن زەرتتەپ جۇرگەن ەل ءىشى - سىرتىنا تانىمالى مامانداردى شاقىرىپ، ولاردىڭ سىندارلى پىكىرلەرىن كوپ تالقىسىنا سالدى. اۋدان بىلتىر بال فەرماسىنداعى قوڭىر ارا باعاتىن شارۋالارعا 22 قىزمەت وتەۋ ءۇيىن سالىپ بەرىپ، ولارعا 5200 بال ارا ساندىعىن تاراتتى، سونىمەن بىرگە شينجياڭ قوڭىر ارانى عىلمي جولمەن ءوسىرۋدى كوزدە ۇستاپ 80 ومارتاشى وتباسىنا ارا باعۋ كۋالىگىن تاراتىپ، ومارتاشىلارعا 2 ميلليوننان استام قارىز اقشا بەرىپ بال ارا شارۋاشىلىعىن دامىتۋعا كۇش سالدى. 2011 - جىلى اۋىل شارۋاشىلىق مينيسترلىگى نىلقى اۋدانىنىڭ بال فەرماسىنا ءبىر ميلليون 930 مىڭ يۋان قارجى شىعارىپ، قۇرىلىس كولەمى 680 شارشى مەترلىك شينجياڭ قوڭىر ارا جەتىلدىرۋ بازاسىن سالىپ بەرىپ، شينجياڭ قوڭىر ارا شارۋاشىلىعىنىڭ كەرەگەسىن كەڭگە جايدى. (سۋرەتتەردى نىلقى اۋداندىق پارتكومنىڭ ۇگىت ءبولىمى قامداعان) نىلقى اۋدان قالاشىعى قاس وزەنىن بويلاپ قاۋلاپ وسكەن قالىڭ ورمان. ارا فەرماسىنداعى ومارتاشىلار. تاڭبالى ءتوسىن دۇبىرلەتكەن تۇلپارلار. كىلەڭ اۋىلىنىڭ وتىرىقتانۋ ءتۇيىنى.

جاۋاپتى رەداكتور: بەرىك وقاباي ۇلى