«كوركەم شينجياڭدى» تانىستىرۋ كورمەسى تايبەيدە اشىلدى

  • كەلۋ قاينارى: ءتاڭىرتاۋ تورابى
  • 02:08:01 18/11/2014

    8 - قاراشا كۇنى كەشتە تايبەيدە 9 - كەزەكتى بۇعازدىڭ ەكى جاعالاۋى تايبەي ساياحات كورمەسىنە قاتىناسىپ جاتقان شينجياڭ ۋاكىلدەر ۇيىرمەسى تايبەي ۋاڭچاۋ قوناق ۇيىندە «شينجياڭ جاقسى جەر» تاقىرىبىندا شينجياڭنىڭ ساياحاتىن تانىستىرۋ كورمەسىن اشتى. بۇل شينجياڭنىڭ بيىل تايۋان وڭىرىندە وتكىزگەن تۇڭعىش رەتكى ساياحاتتى تانىستىرۋ كورمەسى سانالادى.

    بۇعازدىڭ اۋىس - كۇيىس جاساۋ قورى قوعامىنىڭ اقىلشىسى جياڭ شوپيڭ، بۇعازدىڭ ەكى جاعالاۋى ساياحاتتاۋ قوعامىنىڭ باس حاتشىسى ساي ميڭليڭ، تايۋان ساياحات ساپاسىن قامتاماسىز ەتۋ قوعامىنىڭ القا باستىعى شۇي جينرۇي مەن تايۋاننىڭ ساياحات سالاسىنان، اقپارات سالاسىنان كەلگەن شينجياڭنىڭ ساياحاتىن دامىتۋدى قولدايتىن 150 ۋاكىل اۆتونوميالى رايوندىق ساياحات مەكەمەسى، ىلە قازاق اۆتونوميالى وبلىسى، اقسۋ ايماعى، بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، ءۇرىمجى سياقتى 6 ايماق، وبلىس، قالانىڭ جانە كوكتوعاي، تيانشان شاتقالى سياقتى مەملەكەتتىك A5 دارەجەلى 2 ساياحات ءوڭىرىنىڭ نەگىزگى جاۋاپتىلارىنىڭ تانىستىرۋىن تىڭدادى.

    تايۋان ساياحات ساپاسىن قامتاماسىز ەتۋ قوعامىنىڭ القا باستىعى شۇي جينرۇي تانىستىرۋ كورمەسىندە بىلاي دەدى: جىل سايىن شينجياڭنىڭ ساياحاتىن تانىستىرۋ كورمەسىنە قاتىناساتىن ادامداردىڭ سانى ەڭ كوپ بولادى، ساياحات ىسىمەن شۇعىلدانىپ وتىرىپ شينجياڭعا ساياحاتتاي بارماۋ وتە وكىنىشتى سانالماق. مۇنان بىلاي شينجياڭمەن سەلبەستىك جاساۋ ورايىنىڭ كوبەيە ءتۇسۋىن، ءوزارا ىشكەرىلەي ءتۇسىنىسۋدى ءۇمىت ەتەمىن.

    اۆتونوميالى رايوندىق ساياحات مەكەمەسىنىڭ باستىعى ينام ناسىردين كوركەم شينجياڭنىڭ «كەڭ - بايتاق، كوركەم، عاجايىپ، كەرەمەت، مول» بولۋداي ارتىقشىلىقتارىن ءتۇيىندى تۇردە تانىستىردى. ول بىلاي دەدى: شينجياڭ جىبەك جولى ەكونوميكالىق بەلدەۋىندەگى ساياحات بويىنشا جيناۋ - جونەلتۋ ورتالىعىن قۇرۋعا بارىنشا كۇش سالادى ءارى جىبەك جولى ەكونوميكالىق بەلدەۋى بويىنداعى ەلدەرمەن، وڭىرلەرمەن ساياحات جاعىندا سەلبەستىك جاساۋدى، دامۋدى بەلسەنە جەبەيدى.

    شينجياڭنىڭ 6 ايماق، وبلىس، قالا، اۋدان ساياحات باسقارۋ تاراۋلارىنىڭ جانە مەملەكەتتىك A5 دارەجەلى 2 ساياحات ءوڭىرىنىڭ جاۋاپتىلارى دياپوزيتيۆتىك قويۋ، سول جەردىڭ وزىندە تانىستىرۋ، سيلىقتى سۇراۋ - جاۋاپ فورماسى ارقىلى جەرگىلىكتى ورىننىڭ ەرەكشە ساياحات بايلىعىن كەڭىنەن تانىستىردى.

جاۋاپتى رەداكتور: بەرىك وقاباي ۇلى