حانتاڭىر شاڭعى الاڭى ساياحاتشىلاردى باۋرادى

  • كەلۋ قاينارى: ىلە كەشى گازەتى
  • 09:04:47 02/12/2014

        تولقىن ايتان قىزى حابارلايدى. جۋىردا حانتاڭىر شاڭعى الاڭى رەسىمي جۇمىس باستادى.

    ۇعىسۋعا قاراعاندا، ۇستەگى جىلى موڭعۇلكۇرە اۋدانى نەگىزدىك قۇرىلعىلارعا 200 مىڭ يۋاننان استام قارجى قوسىپ، حانتاڭىر شاڭعى الاڭىنىڭ جابدىقتارىن جاڭالاپ، شاڭعى الاڭىنىڭ دەڭگەيىن جوعارىلاتۋمەن بىرگە، قار ءۇستى CS، قار ءۇستى فۋتبول سياقتى ويىن تۇرلەرىن جاڭادان قوسقان، بۇرىنعىمەن سالىستىرعاندا، بيىل الاڭنىڭ قۇرىلعىلارى كەمەلدەنىپ، قىزمەت وتەۋى ءتىپتى دە جاقسارعان، اۋدان ورتالىعىنان شاڭعى الاڭىنا ارناۋلى اۆتوكولىك قاتىناعان. شاڭعى الاڭىندا اسحانا سالىنىپ، ساياحاتشىلاردىڭ قاجەتى قاناعاتتاندىرىلعان.

    ساياحاتشى ما يۇن ءۇنحات ارقىلى شاڭعى الاڭىنىڭ جۇمىس باستاعانىن ۇققاننان كەيىن بىرنەشە دوسىمەن بىرگە ويناپ كەلگەندە شاڭعى الاڭى قۇرىلعىلارىنىڭ جاڭالىعى جانە قىزمەتكەرلەردىڭ قىزۋ ىنتامەن قىزمەت وتەۋى مايۇن مەن ونىڭ دوستارىن ءدان ريز ەتكەن. ول تىلشىگە: بۇگىن ءبىز حانتاڭىر شاڭعى الاڭىنا كەلىپ، توتەنشە كوڭىلدى بولدىق، بۇل ارانىڭ قىزمەت وتەۋى ويداعىداي بولۋدان تىس، كوڭىل اشۋ قۇرىلعىلارى دا تولىق ەكەن، بۇگىن كوڭىلدى وينادىق، - دەدى.

جاۋاپتى رەداكتور: بەرىك وقاباي ۇلى