«ءتورتتى جاپپاي ىلگەرىلەتۋ» ستراتەگيالىق ورنالاستىرۋىنىڭ ماڭىزىن جانە ولاردىڭ ديالەكتيكالىق قاتىناسىن جەتە تۇسىنەيىك

  • كەلۋ قاينارى: ىلە گازەتى
  • 04:01:51 23/04/2015

    «ءتورتتى جاپپاي ىلگەرىلەتۋ» ءبىر–بىرىمەن تىعىز بايلانىستى ورگانيكالىق تۇتاس تۇلعا بولىپ، بىرىنە ءبىرى سايكەسەدى، ءبىرىن–ءبىرى شارت ەتەدى، ءبىرىن–ءبىرى جەبەيدى. ءبىرى كەم بولسا بولمايدى. ولار سوتسياليستىك وسىزامانداندىرۋ قۇرىلىسى امالياتى بارىسىندا بىرلىككە كەلەدى. بۇل ستراتەگيالىق ورنالاستىرۋدىڭ ستراتەگيالىق نىساناسى، سونداي–اق ستراتەگيالىق شاراسى بار، ءاربىر «جاپپاي» دەگەن ءسوز كەلەلى ستراتەگيالىق مانگە يە. جاپپاي دوڭگەلەك داۋلەتتى قوعام قۇرۋ − ءبىزدىڭ ستراتەگيالىق نىسانامىز، رەفورمانى جاپپاي تەرەڭدەتۋ، مەملەكەتتى زاڭمەن باسقارۋدى جاپپاي ىلگەرىلەتۋ، پارتيانى جاپپاي قاتاڭ باسقارۋ − ءۇش ءىرى ستراتەگيالىق شارا. مەملەكەتتى زاڭمەن باسقارۋدى جاپپاي ىلگەرىلەتۋدى «ءتورتتى جاپپاي ىلگەرىلەتۋ» سىندى ستراتەگيالىق ورنالاستىرۋ اياسىندا مىقتى يگەرىپ، مەملەكەتتى زاڭمەن باسقارۋدى جاپپاي ىلگەرىلەتۋدىڭ وزگە ۇشەۋىمەن بولعان قاتىناسىن جىعا تانىپ، «ءتورتتى جاپپاي ىلگەرىلەتۋدىڭ» بىرىنە ءبىرى دەم بەرۋىن، ءبىرىن–ءبىرى جەبەۋىن قۇلشىنا جۇزەگە اسىرۋىمىز كەرەك.

    «ءتورتتى جاپپاي ىلگەرىلەتۋ» ماڭىزدى ستراتەگيالىق ورنالاستىرۋدا دوڭگەلەك داۋلەتتى قوعامدى جاپپاي قۇرۋ _ رەفورمانى جاپپاي تەرەڭدەتۋدىڭ، مەملەكەتتى زاڭمەن باسقارۋدى جاپپاي ىلگەرىلەتۋدىڭ، پارتيانى جاپپاي قاتاڭ باسقارۋدىڭ ماڭىزدى مىندەتى، ورتاق نىساناسى جانە ءتۇبىرلى ماقساتى. ءبىزدىڭ رەفورمانى جاپپاي تەرەڭدەتۋدەگى، مەملەكەتتى زاڭمەن باسقارۋدى جاپپاي ىلگەرىلەتۋدەگى، پارتيانى جاپپاي قاتاڭ باسقارۋداعى ماقساتىمىز دوڭگەلەك داۋلەتتى قوعامدى جاپپاي قۇرۋ مەن باي–قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان ەل قۇرۋ سىندى ۇلى ستراتەگيالىق نىسانانى جۇزەگە اسىرۋ ءۇشىن بولماق. رەفورمانى جاپپاي تەرەڭدەتۋ مەن مەملەكەتتى زاڭمەن باسقارۋدى جاپپاي ىلگەرىلەتۋ دوڭگەلەك داۋلەتتى قوعامدى جاپپاي قۇرۋدىڭ ماڭىزدى مازمۇنى. سونىمەن بىرگە، رەفورمانى جاپپاي تەرەڭدەتۋ مەن مەملەكەتتى زاڭمەن باسقارۋدى جاپپاي ىلگەرىلەتۋ «قۇستىڭ قوس قاناتى»، «اربانىڭ قوس دوڭعالاعى» ىسپەتتى دوڭگەلەك داۋلەتتى قوعامدى جاپپاي قۇرۋ كۇرەس نىساناسىنىڭ ءساتتى جۇزەگە اسۋىن ورتاق جەبەپ وتىرادى.

جاۋاپتى رەداكتور: جازيرا بولاتباي قىزى