«ءتورتتى جاپپاي ىلگەرىلەتۋ» ستراتەگيالىق ورنالاستىرۋىنىڭ ماڭىزىن جانە ولاردىڭ ديالەكتيكالىق قاتىناسىن جەتە تۇسىنەيىك

  • كەلۋ قاينارى: ىلە گازەتى
  • 04:01:51 23/04/2015

 بۇل بارىستا، پارتيانى جاپپاي قاتاڭ باسقارۋ ءتۇرلى قىزمەتتەردى ءساتتى ىلگەرىلەتۋدىڭ، ءتۇرلى نىسانالاردى ءساتتى ورىنداۋدىڭ ءتۇبىرلى كەپىلى ەسەپتەلەدى. ال، جاپپاي دوڭگەلەك داۋلەتتى قوعام قۇرۋ رەفورمانى جاپپاي تەرەڭدەتۋدى، مەملەكەتتى زاڭمەن باسقارۋدى جاپپاي ىلگەرىلەتۋدى، پارتيانى جاپپاي قاتاڭ باسقارۋدى زاتتىق جانە رەال شارت–جاعدايمەن قامدايدى. ەگەر جاپپاي دوڭگەلەك داۋلەتتى قوعام قۇرۋ سىندى كۇرەس نىسانامىز جۇزەگە اساتىن بولسا، وندا «ءبىرىنشى ءجۇز جىلدىق» نىسانامىز ءساتتى ورىندالىپ، «قوس ءجۇز جىلدىق» نىسانا مەن جۇڭحۋا ۇلتىنىڭ ۇلى گۇلدەنۋى سىندى « جۇڭگو ارمانىن» جۇزەگە اسىرۋ ءۇشىن بەرىك نەگىز قالانادى. ءبىراق بۇل نىسانانىڭ جۇزەگە اسۋىنا نە ءبارى التى–اق جىل ۋاقىت قالدى. سوندىقتان، وسى قالعان ۋاقىتتى مىقتى يگەرىپ، ءتيىمدى ورايدان ويداعىداي پايدالانىپ، حالىقارالىق جانە ەل ءىشى جاعدايىن دۇرىس باعىمداپ، رەفورمانى جاپپاي تەرەڭدەتۋ ارقىلى ۇلتتى گۇلدەندىرۋ بارىسىنداعى عىلمي دامۋعا كەدەرگى بولاتىن بارلىق يدەيالىق كوزقاراستار مەن تۇزىلىستىك، مەحانيزمدىك كىناراتتاردى باتىل جويىپ، مەملەكەتتى زاڭمەن باسقارۋدى جاپپاي ىلگەرىلەتۋ ارقىلى وسىزامانداندىرۋ قۇرىلىسىنىڭ ءتارتىپتى جۇرگىزىلۋىنە كەپىلدىك ەتىپ، پارتيانى جاپپاي قاتاڭ باسقارۋ ارقىلى پارتيانىڭ بيلىك جۇرگىزۋ نەگىزى مەن بۇقارالىق نەگىزىن بەكەمدەگەندە عانا جاپپاي دوڭگەلەك داۋلەتتى قوعام قۇرۋ سىندى ۇلى نىسانانى ەرتەرەك جۇزەگە اسىرا الامىز. ءسويتىپ، جاپپاي دوڭگەلەك داۋلەتتى قوعام قۇرۋ سىندى ورتاق نىسانامىز عاسىرلىق ارمانعا قانات جالعاپ، ۇلتتى گۇلدەندىرۋدىڭ كەڭ بولاشاعىنا باعىت سىلتەيتىن بولادى.

    «ءتورتتى جاپپاي ىلگەرىلەتۋ» سىندى ماڭىزدى ستراتەگيالىق ورنالاستىرۋداعى مەملەكەتتى زاڭمەن باسقارۋدى جاپپاي ىلگەرىلەتۋ جاپپاي دوڭگەلەك داۋلەتتى قوعام قۇرۋدىڭ، رەفورمانى جاپپاي تەرەڭدەتۋدىڭ، پارتيانى جاپپاي قاتاڭ باسقارۋدىڭ زاڭدىق كەپىلى، نەگىزگى ءتاسىلى جانە ولاردى قامتاماسىزداندىرۋ شاراسى. مەملەكەتتى جاپپاي زاڭمەن باسقارۋ _ مەملەكەتتى باسقارۋدىڭ، اكىمشىلىكتى جونگە سالۋدىڭ نەگىزگى ءتاسىلى، سونداي–اق رەفورما، دامۋ، ورنىقتىلىق اراسىنداعى قاتىناستى ويداعىداي شەشۋدىڭ ماڭىزدى ستراتەگيالىق شاراسى.

جاۋاپتى رەداكتور: جازيرا بولاتباي قىزى