«ءتورتتى جاپپاي ىلگەرىلەتۋ» ستراتەگيالىق ورنالاستىرۋىنىڭ ماڭىزىن جانە ولاردىڭ ديالەكتيكالىق قاتىناسىن جەتە تۇسىنەيىك

  • كەلۋ قاينارى: ىلە گازەتى
  • 04:01:51 23/04/2015

 مەملەكەتتى جاپپاي زاڭمەن باسقارۋ سىندى ستراتەگيالىق شارا رەفورمانى جاپپاي تەرەڭدەتۋمەن، پارتيانى جاپپاي قاتاڭ باسقارۋمەن قابىسىپ، جاپپاي دوڭگەلەك داۋلەتتى قوعام قۇرۋ سىندى ستراتەگيالىق نىسانانى قامتاماسىز ەتىپ، وعان دەم بەرەدى. زاڭمەن باسقارۋ − كەپىل، جۇلگە، ارنا ءارى تانىم جانە ءادىس. كەلەلى رەفورمالار زاڭدى نەگىز ەتۋگە، رەفورما جەتىستىكتەرى زاڭمەن باسقارۋ ارقىلى كەمەلدەنۋگە مۇقتاج. مەملەكەتتى زاڭمەن باسقارۋ رەفورمانى جاپپاي تەرەڭدەتۋدى ورنىقتىلىقپەن، جۇيەلىلىكپەن قامدايدى؛ مەملەكەتتى زاڭمەن باسقارۋدا الدىمەن پارتيانى ەرەجە–تۇزىممەن باسقارۋ كەرەك. پارتيانى ەرەجە–تۇزىممەن باسقارعاندا عانا مەملەكەتتى زاڭمەن باسقارۋعا بولادى. مەملەكەتتى جاپپاي زاڭمەن باسقارۋ مەن پارتيانى جاپپاي قاتاڭ باسقارۋدىڭ ءمانى بىردەي، ديالەكتيكالىق بىرلىكتە. مەملەكەت جاپپاي زاڭمەن باسقارىلماسا مەملەكەت تۇرمىسى مەن قوعامدىق تۇرمىس تارتىپپەن جۇرە المايدى، قوعامنىڭ جاراسىمدىلىعى مەن ورنىقتىلىعىن جۇزەگە اسىرۋ قيىنعا سوعادى؛ مەملەكەت جاپپاي زاڭمەن باسقارىلماسا مەملەكەتتى ويداعىداي باسقارىپ، بيلىك جۇرگىزە المايمىز. زاڭمەن باسقارۋ پارتيانىڭ مەملەكەتتى باسقارىپ، بيلىك جۇرگىزۋىنىڭ نەگىزگى ءتاسىلى بولعان بۇگىنگى تاڭدا باسشى كادرلار سىندى وسى شەشۋشى ازشىلىقتى، ءسوز جوق، مىقتى يگەرۋ كەرەك. باس شۋجي شي جينپيڭ تالاپ ەتكەندەي: تۇتاس قوعام تۇگەلدەي زاڭعا قۇرمەت ەتۋى، زاڭدى ۇيرەنۋى، زاڭعا بويسۇنۋى، زاڭدى قولدانا ءبىلۋى، زاڭمەن باسقارۋ وي جەلىسىن، ءتاسىلىن مەملەكەتتى باسقارىپ، بيلىك جۇرگىزۋدىڭ جالپى بارىسىندا دايەكتىلەندىرىپ، رەفورمانىڭ، دامۋدىڭ جالپى جاعدايىندا تياناقتاندىرۋى كەرەك. وسىلاي بولعاندا عانا زاڭمەن باسقارۋ جۇڭگونىڭ العا باسۋىن پارمەندى قامتاماسىز ەتىپ، ەكونوميكالىق دامۋدى، ساياسيدا پاك بولۋدى، مادەنيەتتىڭ كوركەيۋىن، ەكولوگيانىڭ تاماشا بولۋىن جۇزەگە اسىرۋعا بولادى.

    «ءتورتتى جاپپاي ىلگەرىلەتۋ» ستراتەگيالىق ورنالاستىرۋىنداعى رەفورمانى جاپپاي تەرەڭدەتۋ _ جاپپاي دوڭگەلەك داۋلەتتى قوعام قۇرۋدىڭ، مەملەكەتتى زاڭمەن باسقارۋدى جاپپاي ىلگەرىلەتۋدىڭ، پارتيانى قاتاڭ باسقارۋدىڭ قۇدىرەتتى قوزعاۋشى كۇشى جانە ماڭىزدى جولى. رەفورما _ زامانىمىزداعى جۇڭگونىڭ تاعدىرىن بەلگىلەيتىن شەشۋشى تالعام، پارتيا مەن حالىق ىستەرىنىڭ ارشىندى قاداممەن داۋىرگە ىلەسۋىندەگى ماڭىزدى قوزعاۋشى كۇش، سونداي اق جۇڭگوشا سوتسياليزمدى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى جولى.

جاۋاپتى رەداكتور: جازيرا بولاتباي قىزى