تاباق تارتۋدى ۇيرەنىپ الىڭىز

  • كەلۋ قاينارى: ىلە كەشى گازەتى
  • 09:24:00 20/10/2015

    نۇرجاپار ايتمولدا ۇلى

    ۇلتىمىزدىڭ قوناق كۇتۋىندە،ءار كىم ءوز سالاۋاتىنا قاراي سۇيەك دامەتۋىندە بەلگىلى تاريحي سەبەپتەر بار بولۋى مۇمكىن. ۇلتىمىز مال شارۋاشىلىعىن كاسىپ ەتكەن كوشپەندى ەل. سول كوشپەندىلىك بارىسىندا، اۋىل اراسى تارقاق بولعاندىعى سەبەپتى توي-تومالاق، ءنازىر-شىراقتاردا ءۇي جەتىسپەي، كوگالعا، اعاشتاردىڭ ساياسىنا تەكەمەت جايىپ كىسى كۇتىپ، تارتىلعان تاباقتىڭ كادەلىسىنە قاراي وتىرعان كىسىلەردى قۇرمەتتەگەن-دى. مەيلى قالايدا بۇنى جالعاستىرۋ كەرەك. ويتكەنى بۇل-ۇلتتىق ءداستۇر. قازاقتىڭ تاباق تارتۋىن كوپ جىگىتتەر ۇيرەنىپ الماسا، ءبىر اۋىلدا ءبىر نەمەسە بىرنەشە ازاماتتى بۇكىل اۋىل ەت جاساپ، تاباق تارتۋعا شاقىرىپ شارشاتىپ جىبەرەدى. ەڭ بولماسا ۇيگە كىسى كەلمەي مە؟

    ۇلتىمىز سالتىندا ءسىزدىڭ تارتقان تاباعىڭعا قاراپ-اق ءسىزدىڭ قانشالىق ىسكەر ازامات ەكەنىڭىزگە،كىسىلىك دەڭگەيىڭىزدىڭ قاي ورەدە ەكەنىنە سىن تاعىپ، باعا بەرەدى. تاباق قوناقتاردىڭ سالاۋاتىنا، سول ۇيدەگى جولىنا قاراي ۇيلەسىمدى بولماسا، جاڭىلىس كەتىپ اعاتتىق تۋىلسا، رەنىش بولادى. ەلدىڭ،رۋدىڭ نامىسىنا دەيىن بارىپ ساياتىن احۋال تۋىلادى.

    «سايرامنىڭ جازىعىندا دەيدى بىرەۋ،-اقىندار ايتىسىندا تاباق تارتىپ جاتساق، پالەنباي اعامىز تاباقتى الىپ ەسىكتەن ءبىر-اق لاقتىردى». مۇنداي الىپ قاشپا سوزگە سەنىپ كەتپەڭىز، ۇلتىمىز تاريحىندا «استان ۇلكەن ەمەسپىز» دەپ نەمەسە «استى قورلاما قۇستىرادى، ەردى قورلاما تىشتىرادى» دەپ، تاباق لاقتىرىپ كورگەن ەمەس. الدىڭىزعا كەلگەن تاباققا كوڭىلىڭىز تولماي رەنىش بىلدىرگىڭىز كەلسە، ءبىر شوكىم جەمەي نەمەسە شەتىنەن ۇستاپ سىرىپ قويساڭىز. ەستى ەلدىڭ جەتەلى ۇلدارى مەن يبالى قىزدارى بىلە قويادى. تاباق لاقتىرىپ قادىر سىنايمىن دەپ قاسيەتىڭدى قاشىرىپ الىپ جۇرمە، اعايىن. ادام ۇلتتىق داستۇردەن ءبىر رەت جاڭىلىپ جازا باسسا،ءدام ۇرىپ، ارۋاق اتادى.

جاۋاپتى رەداكتور: بەرىك وقاباي ۇلى