سالتىمىزعا سىزات تۇسپەسىن

  • كەلۋ قاينارى: ىلە كەشى گازەتى
  • 04:53:35 16/12/2015

    وجەت ايدارقان ۇلى

 

    كىندىك كەسۋ-قازاق حالقىنىڭ سالت-داستۇرلەرىنىڭ ءبىرى. جاڭا تۋىلعان بالانىڭ كىندىگىن كىم كەسسە سول كىدىك شەشە بولادى ءارى بالانىڭ كىندىگىن كىم كەسسە سوعان تارتادى دەپ قاراعان ۇلتىمىز، اۋىلداعى بەدەلدى ، ۇرپاقتى ادامدارعا ىرىمداپ كىندىك كەسترەتىن بولعان. كىندىك كەسىپ كىندىك شەشە، كىندىك اكە بولۋ ءوزارا دوستىقتى، ىنتىماقتى ايگىلەپ، تاتۋ -ءتاتتى بەرەكەنىڭ ونان ارى ۇزىلمەي جالعاسا بەرۋىنە نەگىز قالايدى. ءبىز 80 دە 90 نەشە جاسقا كەلگەن اپالارىمىزدىڭ، 50 مەن 60 جاستارداعى ادامداردى «ول مەنىڭ كىندىك بالام ەدى» دەپ وتىراتىنىن ءجيى ەستيمىز. مىنە بۇدان كىندىك كەسۋدىڭ ءوزى بەرەكەنى ۇزبەي جالعاۋعا وزىندىك دانەكەر بولا الاتىندىعىن كورە الامىز. كىندىك شەشە بولعان كەي ايەلدەر ءتىپتى بالا قىرقىنان شىعىپ شيراپ، انا ابدەن سەرگىگەنگە دەيىن ءار كۇنى سول وتباسىنا بارىپ قارايلاسىپ وتىرعان. كىندىك شەشە دە، كىندىك اكە دە تەك بىرەۋ عانا بولادى، كىندىك شەشە بولعان ادام جاڭا تۋىلعان سابيگە كەڭ جەيدە تىگىپ كيگىزىپ ونى «ءيت جەيدە» دەپ اتاعان.ال،ءسابيدىڭ اتا-اناسى كىندىك شەشەسىنە كويلەك كيگىزىپ قالجاعا سويىلعان قويدىڭ تەرىسى مەن توستىگىن بەرەدى. كىندىك شەشە بولعان ادام، انانى الام، مىنانى تاعام دەپ قارسى جاعىن ورىنسىز مازالامايدى جانە وكپەلەمەيدى. قايتا كىندىك شەشە بولعانىن ماقتانىش ساناپ بەرەكەلەرىن ونان ارى قويۋلاتا تۇسەدى.

 

جاۋاپتى رەداكتور: بەرىك وقاباي ۇلى